Урок развития речи "Нутукъ инкишафы Дервиза байрам".

Къырымтатар тили 4 сыныф.

Мевзу: Нутукъ инкишафы. "Дервиза байрамы". Метин тизюв.

Дерснинъ макъсады: Кечкен мевзу боюнджа талебелернинъ бильгилерини умумийлештирмек, текрарламакъ. Дервиза байрамнен багълы янъы малюмат бермек ве пекитмек. Талебелернинъ агъзавий ве язма нутукъларыны зенгинлештирмек, инкишаф этмек. Талебелерни незакетли, медениетли олмагъа алыштырмакъ.

Регулятив УОА

• озь иш ерини тешкиль этмек,

• дерснинъ макъсадыны анъламакъ, къоюлгъан вазифелерни чезмек ичюн ёлларыны тапмагъа бильмек.

Огренюв УОА

• оджанынъ суаллерине джевап бермек;

• керек малюматны тапмагъа бильмек;

• язы элементлерини берильген нюмюне боюнджа текрарламагъа;

Коммуникатив УОА

• Дерсте, аятта олгъан диалогларда фааль иштирак этмек,

• – къырымтатар тилини динълемеге ве анъламагъа бильмек;

• – къырымтатар тилинде окъумагъа ве язмагъа бильмек

Коргезме: Ана тили, язы дефтери,

Дерс кетишаты:

I.Тешкилий къысым.

Селямлашув!

Сыныфны дерске азырлыгъыны тешкерюв.

II.Текрарлав ве пекитюв.

Оджа: Берильген сёзлерден джумле япынъыз.

1) Пишире, анам, аш. (Анам аш пишире.)

2) Иштен, къайттымы, анам? (Анам иштен къайттымы?)

3)Ана, окъуйыкъ, масалны, келинъиз. (Ана, келинъиз, масалны окъуйыкъ.)

Оджа: Балалар, айтынъыз макъсадына коре джумлелер насыл олалар? (икяе, суаль, эмир джумлелери)

Оджа: Балалар, айтынъыз, бу джумлелерден дуйгъу ве сес вастасынен насыл джумле япмакъ мумкюн? (Нида дж.)

III. Темиз язув дакъкъасы:

Дефтерлеринъизни ачынъыз, бугуньки санны язынъыз.

Дд

дервиза

IV. Дерснинъ мевзу ве макъсадыны илян этюв.

Оджа: балалар бугунь бир шенъ ве берекетли байрамнен таныш оладжакъмыз:

Бугуньки дерске насыл макъсадлар къояйыкъ:

1. Дервиза бу насыл байрам олгъаныны бильмек!

2.Халкъ мейданда топланып не япалар.

3. Нутукъларымызны инкишаф этмек.

4.Ана тильге ве Ватангъа севги ашламакъ.

V. Янъы мевзуны анълатув.

Оджа:.

Дервиза- бу кузь ве берекет байрамыдыр.

Дервиза куню адамлар асрагъан(вырастили) емишлернинъ энъ яхшыларыны сергилерде нумайыш (демонстрация) этелер. Байрам куню халкъ мейданда топланып, йырлай ве ойнайлар. Яшлар чынъ ве манелер айтышалар. Мейданда къошу (скачки, гонки) ве куреш ярышлары кечирелер.

-Раатлыкъ дакъкъсы.

VII. Пекитюв къысмы.

Китапнен чалышув:

Оджа:балалар келинъиз хатырлайыкъ метин къач къысымдан ибарет ола? (башы, эсас къысымы, сонъу).

Саифе 13, 19- мешгъулиет.

-Ресимге дикъкъатнен бакъынъыз. Мында кимлер тасвирлене?

-Чалгъыджылар насыл алетлерде чалалар? (зурна, кемане, давул- большой барабан, баян)

-Оюнджыларнынъ урбалары насыл тюсте, башларында насыл къалпакълар? Урбаларында насыл нагъышлар?

-Къызнен огълан насыл оюн ойнайлар?

"Дервиза байрамы" серлевалы икяе дефтерде язмакъ.

VIII. Нетидже. Рефлексия.

Нетидже чыкъармагъа ярдым этюв. Талебелерге ве умумен сыныфнынъ ишлемесине къыймет кесе.

Биле эдим-

Бильдим-

Бильмек истей-.

IX. Эв вазифеси.