Урок в 5 классе "Х1ал"

Авар мацI

Предложениялъул бетIераб гуреб член – ХIал

5 класс

Дарсил мурадал

• ХIалалъул хIакъалъул авалияб баян кьезе;
• Предложениялда жаниб хIал батизе ва хIалтIизабизе бажаризе;
• Лъималазул кIалзулаб калам цебетIезаби;
• МацIалдехун рокьи бижизаби

Малъараб материял такрар гьаби

• Чан бетIераб гуреб член бугеб авар мацIалъул?
• Определение сунда абулеб? Кинал суалазе жаваблъун бачIунеб? Кинаб каламалъул бутIа определениелъун ккун букIунеб?

3. Хъвалсараб дополнение щиб кколеб? Кинал суалазе жаваблъун бачIунеб?

Предложения членазде риххе

1.Цо ханас халкъалда тIад кIудияб налог лъуна.

2. Гьезда ханасул зулму хIехьезе кIолеб букIинчIо.

РекIелгъеялъулаб грамматика - Шарадаби

«ТI»-ялдаса байбихьани,

БукIуна дун сумалда тIад;

«ТI»-ги хисун «Къ» хъванани,

Хъумур кколеб гудурги дун.

(ТIор - къор)

Цебе «къ» лъун, дун хъванани,

Чахъдал тIохьол рахъенги дун;

«Ч»-ялдалъун жиб хъисани,

Инсанасул цо лага дун.

къехь-чехь

Ахиралда «Гъ» бугони

Буго чахъдада нахъа,

Авалалда «Р» бугони,

Буго гIасияб балагь.

(магъ - рагъ)

«Гь»- ялдалъун дун хъванани,

БоцIул рагIи цIунулеб бакI;

Гьебги хисун «ГI» абуни,

ГIемер лъел чвахиги дун.

Гьор – гIор

Творческияб хIалтIи

Гьойдул, бачил, катил, кьагIрил – хIакъалъул хъвай.

ЦIияб тема

• ХIал ккола предложениялъул член
• Кин? Кида? Киб? Кибе? Киса? Щай? Сундуе гIоло? Абурал суалазул цоялъе жаваблъун бачIуна;
• Иш лъугьараб куц, заман, бакI, гIилла- мурад бихьизабула.
• ХIалалъун гIемерисел наречиялги, бакIалъул падежалда регел предметиял цIаралги ккола.

Малъараб материал щула гьаби

ХIалтIи № 140 (бицун)

№ 141 (доскаялда)

Дарсил хIасилал гьари

• Щиб цIияб жо жакъасеб дарсида нужеда лъараб?
• Сунда абулеб хIал абун?

• Дица сон ахикьа гени ва гIеч бакIарана.- предложение членазде биххе.

Рокъобе хIалтIи

§ 24 № 147