Урок выяўленчага мастацтва ў 1-м класе на тэму "Зімовы вечар"

Урок выяўленчага мастацтва ў 1 класе ДзУА «Вераб’евіцкі ВПК д/с - СШ»

Настаўніца Супрановіч Тамара Вячаславаўна.

МЭТЫ:

Удасканальваць навыкі пабудовы каляровых вобразаў прыродных з’яў, выхоўваць эстэтычнае пачуццё любавання хараством роднай прыроды, акуратнасць.

ЗАДАЧЫ ЎРОКА:

Фарм іраваць уяўленні вучняў аб храматычных, ахраматычных колерах, аб халоднай і цёплай каляровай гаме і іх ролі ў перадачы вобраза, уменне перадаваць на малюнку выявы дрэў, кустоў траў; замацаваць веды аб законах кампазіцыі; развіваць уменне выкарыстоўваць магчымасці каларыту пры стварэнні яе; выхоўваць эстэтычнае пачуццё любавання хараством роднай прыроды, акуратнасць пры рабоце з фарбамі.

Арганізацыйны момант

а) «Добры дзень, сябры! Я вельмі рада бачыць Вас і хачу хутчэй пачаць работу з Вамі! Добрага Вам настрою!»

б) Гульня «Далонь да далоні»

Уступная гутарка

Загадка: «Госця завітала. Палатно наткала. Разаслала навакол. Стаў святочна-белым дол».

Уступная гутарка

«Пра якую пару года была загадка? Тэма ўрока”Зіма”. Успомніце, якія вы ведаеце халодныя і цёплыя колеры? Якія колеры мы возьмем для малявання зімы? Халодныя колеры называюцца ахраматычнымі (белы чорны, шэры). Але ў колераў шмат адценняў (каларытаў). Паэты, якія апісваюць заход сонца, называюць яго пурпурным, барвовым, пунсовым. Чаму?

Але ж можна сказаць інакш: чырванавата-фіялетавы колер заходзячага зімовага сонца».

Уступная гутарка

Разгледзьце рэпрадукцыі карцін. Якога колеру можа быць снег зімою пры заходзе сонца? А цяпер успомнім законы размяшчэння кампазіцыі. Якія яны? Работа над ёй пачынаецца з задумы, выбару асноўных прадметаў, фармату карціны. Для пейзажу патрэбны гарызантальны фармат.

Фізкультмінутка «Дзе жыве зіма?»

Дзеці імітуюць рухі настаўніка пад музыку

«Настала зіма! Як холадна! Падняўся моцны вецер. Ён свішча, завывае. Падаюць сняжынкі. Але вось мяцеліца скончылася. Усё заціхла. Засвяціла сонейка. Які цудоўны зімовы вечар!»

Практычная работа вучняў

• Лінейны малюнак зімовага пейзажу (лініі гарызонту).
• Рысаванне сюжэтнай кампазіцыі.
• Сляды на снезе.
• Замалёўка фону зімовага пейзажу.
• Наданне малюнку своеасаблівага эфекту.

Вынік урока

Якую каляровую гаму трэба выкарыстоўваць для рысавання зімовага вечара?

Рэфлексія

Які ў цябе настрой? Чаму?

Пакажы свой настрой адным мазком колеру ў мандале(кветкавым крузе)

12