Ужрад "Пудо - животъёс"

4-5 аресъем зучомем пиналъёсын дышетонья ужманеръя конспект

Пуктэм ужпумъёс: арлэн вакытъёсыз но пудо-животъёс сярысь тодон-валанзэс муромытоно; чингыли крезьгуро инструментэн тодматоно; пичи веросъёс кылдытъяны но ас малпанъёссэс валэктыны, сэрттыны-пертчыны дышетоно; кылзэс волятоно; шудонын ог-огенызы кусып тупатыны быгатонлыкъёссэс азинтоно; чеберлыко удмурт литератураен тунсыкъяськон мылкыд пычатоно.

Уже кутэм арбериос: чингыли, пудо-животъёсын суредъёс, конструктор, кышет, жок выл шудон «Шедьты парзэ», пазл «Азбарын»

Азьвыл ортчытэм ужрадъёс: Герман Ходыревлэсь «Машилэн азбараз» книгаысьтыз кылбуръёсты дышетэмын, пудо-животъёс сярысь веросъёс но выжыкылъёс лыдземын, аудио-записья выжыкылъёс кылзэмын; портэм шудонъёсын тодматэмын.

Дышетон удысъёс: куноын астэ возьыны, ог-огдэ валаны но кылзиськыны дышетон; чеберлыко литературалы яратон мылкыд пычатон, тодон-валан сётон, художественной творчество.

Шудисьёс:

Визьнодась

Пиналъёс

Песянай

Ужрадлэн мынэмез.

Визьнодась (В.). Пиналъёс, учке-ай укноети но вералэ, кыче туннэ куазь?

Пиналъёс (П.). Кезьыт.

В. Нош арлэн кыче вакытэз?

П. Тол. Толалтэ.

В. Шонер, тол.

В. Туннэ чукна садике вуисько но адзисько жок вылысь гожтэтэз. Ти вуытэк лыдзыны ой дисьты.

Гожтэт:

Зечбуресь, мусо пиналъёс!

Гожтэ тиледлы песянай.Мон мозми ни тилесьтыд, адзиськеме потэ. Собере мыным юрттэт но кулэ вал. Пичи кечпие чыртыысьтыз чингылизэ ыштэм. Сое одно ик утчаны кулэ. Малпасько, вуоды но юрттоды чингылиез утчаны. Тау! Зеч!

В. Пиналъёс, мыномы-а песянай доры? (Мыном).

- Нош кыче транспортэн мыном? (Пиналъёс малпанъёссэс верало).

- Ойдолэ мыном поездэн. Мон луо паровоз, нош ти вагонъёс. Вагонъёс, дасесь-а? Ту-ту!!!

( Паравоз шудон кырзан)

В. Тани асьмеос вуим.

(Группаысь сэргын пуктэмын пичи корка. Песянай, пиналъёсты адзыса, укноети вазе).

Песянай. Зечбуресь, пиналъёс!

П. Зечбуресь!

Песянай. Тау, вуэмдылы. Мон туж шумпотисько. (Коркась потыса) Ойдолэ мон тиледлы возьмато аслэсьтым пудоосме.

(Мольберт вылэ тыремын берыктыса суредъёс. Суредъёс вылын пудо-животъёс. Мадиськонэз тодыса, суредъёсты берыктоно).

Мадиськонъёс

1. Сюроос возь вылэ

Вазь чукна васькизы,

Жытазе нош соос

Трос лёлё ваизы. (Скалъёс)

Песянай. Шонер. Мар сётэ скал? (Скал сётэ йол). Кылзиське мукет мадиськонэз.

1. Ам! Ам! Ам!

Нокинэ уг лэзь коркам. (Пуны)

Песянай. Умой. Али ваньмы лэсьтомы пунылы корка.

(Конструирование амал, лего дасяно, шудон Пуны)

-Кылзиське мукет мадиськонъёсты:

3. Сиемез-а туж потэ,

Кытчы ке-а йыроме –

Котьку, котьку огпортэм

Вазьылэ со «бе-е, ме-е». (Ыж)

1. Нургетэ со гур вылын,

Синмыз жуа вож тылын. (Кочыш)

1. Кин нуллэ быжзэ купырес,

Петакеныз мудэ сюез? (Парсь)

1. Тушо ке но, пересь овол,

Сюро ке но, скал овол. (Гурт кеч)

(Г.А.Ходырев, П.К.Поздеев, А.И.Вахрушева «Кин со? Ма со?»)

Выросъёсын шутэтскон вис.

Песянай.Табере султом,

Атас кадь ветлом.

Йыръсмес урдыломы,

Пыдъёсмес вылэ жутомы.

Йонъяськыса поръяськом, поръяськом.

Бурдъёсынымы но шонаськом.

(А.М.Комарова «Вераськон куараос – кыче портэмесь соос!»)

Песянай. Ой, зечокъёсы! Кыче жог тодиды мадиськонъёсме.

(Вис карыса)

В.Ой мар та таче, учке-ай вань пудо-животъёсы пегзиллям уг! Жок вылын пудо-животъёсын суредъёс. Котькуд суредлы парзэ шедьтоно, верано кызьы шуо но валэктон сётоно.

Шудон «Шедьты парзэ»

(Круге пуксьыса, котькуд пинал быръе аслыз кыче ке но пудоживотэз но со сярысь коня ке предложениос вера, верос кылдытэ).

Пинал 1. Кочыш-кочышпи. Та кочыш. Солэсь пизэ кочышпи шуо.

В. Нылъёс но пиос, нош ти тодиськоды на-а мар гожтэмын вал песянайлэн гожтэтаз

П. Кечпие чингылизэ ыштиз но табере кышкасько ини тулыс возь вылэ но лэзьяны.Нош туннэ чукна азбаре потисько но адзисько, кин ке но куды пуктэм капка азе, нош отын туж трос чингылиос, учке-ай (возьматэ кудыез, паймыса).Ойдолэ шудом та чингылиосын, кылзиськом соослэсь чебер куаразэс.

Чингылиосын шудон

(Музыкальной руководитель юрттэ баянэн)

Песянай. Кыче чебересь куараоссы, паймоно кадь.

В. Табере шудомы мукет шудонэн. Котыртэмен шудон «Гырлы»

(Шудисьёс котыртэме султо. Лыдъяськыса быръё кык нуисьёсты. Нуисьъёслэсь синъёссэс кертто, одигезлы кияз чингыли сёто. Мукетыз нуись чингыли куарая сое кутыны кулэ, нош таиз уг сётскы, пега. Нылпиос кутиськыса сыло, чингыли возисьлы котыртэм сьоры потыны уг сёто. Кутэмзы бере шудон выльысь азьланьтиське.)

В. Зечокъёс! Ойдолэ та шудэм чигылимес кузьмаломы кечпилы. Со туж шумпотоз. Нош тиледлы бадзым тау но юрттэмды понна мон.

В. но П. Тау . Нош милемлы нылпи садэ бертоно. Паровозэ пуксьыса нылпи садэ бертомы. Зеч! Выльысь пумиськытозь!

Ужрадлы йылпумъян.