Vasi Filioglunun lirika hem cümbüş artistik literatura yaratmaları.

Vasi Filioglunun lirika hem cümbüş artistik literatura yaratmaları.

Vasi Filioglu (1949). Duudu Beşalma küüyündä.Agrikultura tehnikumunu bitirdi, orada üüredicilik etti. Sora «Çalık» adına sovhoz direktoru, taa sora kendi küüyündä kolhoz başının yardımcısı oldu. Büün dä topraklan çalışȇr, «Birlik» adına çiftçilik çorbacılıın başıydı. Moldova Yazarlar hem Gagauz Yazarlar Birliin azasıdır.Çok şiirlerinä muzıka yazıldı. Şiirleri türlü dillerä çevirildi. «Gagauziyanın Saygılı kultura zaametçisi» adını kazandı.

Vasi Filioglu-gagauz yazıcıların orta bölüündän biriydi.Yıl-yıldan onun peetçi sesi kaavileşti hem da gözelleşti. «İlkyaz türküsü», «Aydınnık», «Yıl kuşaan korafları», «Can sızıntısı» bu kiyatlarda avtorun şiirleri tiparlandı.Onun şiirleri verildilär üürenmäk kiyatlarında, dergilerdä, gazeta sayfalarında.Birkaç peeti hem muzıkası oldular gagauz halk türküleri. Uşaklara deyni çıktı kiyat «Ha, tutunalım kol-kola». Görüner Filioglunun çok saygılıı şiirlerin yaratmasına, onun herbir lafı ölçülü, herbir sırası erindä.Avtor boş lafı hiç sevmeer. Şiirdä «Buydur yaşamak» belli avtorun derin tanıması gagauz halkın harakterini.

Avtor topraa okadaradan sever, ani baaşlȇȇr parlak, duygulu peetlerini. «Ekmek için söz» bu yaratma diil fikirdän çıkardılmış, ama yaşamaktan, onu var nicä sade kendi işini aslıdan sevän çiftçi yazsın.

Eni toplumu «Hoş buluştuk» tipardan çıktı. Eni kiyadın bir bölümündä V.Filioglu şakalı annatmaları erleştirmiş, genä dä süjetlär hergünkü aslılıktan alınmış, işidilmiş düüncülerdän, kır işindän gelän insannardan, yaşlılardan hem gençlerdän. Halk aarifliini hem cümbüşlü istoriyaları toplayip kiyadın sayfalarına, okuyuculara dostlukça danışȇr hem taa çok kerä danışacek anılmış V.Filioglu.