Васильев Спиридон Федорович

МБОУ «Хаяхсытская средняя общеобразовательная школа имени Илларионова»

Васильев Спиридон Федорович

(1925-1984)

Макаров Кирилл ,

7 кылаас үөрэнээччитэ

Хайахсыт, 2015 с.

1941-1945 сылларга Аҕа дойду сэриитигэр Саха Сириттэн тыһыынчанан дьон ыҥырыллан дойдуларын көмүскээбиттэрэ.

Сыалым: аймахтарбар Аҕа дойду сэрии кыттыылаахтарын баарын билии.

Соругум: хос эһэм Васильев Спиридон Федорович олоҕун үөрэтии, билиһиннэрии.

1. Васильев Спиридон Федорович туһунан

Васильев Спиридон Федорович төрөөбут сыла 1925 уонна 1926 сылларын чуолкайа суох.

Эбээбит ахтыытыттан, аҕата, Спиридон Федорович, Мэҥэ-Хаҥалас Чыамайыкы нэһилиэгэр 1925 сыл төрөөбүтэ. Аҕата Васильев Федор Михайлович, борустуой ыал о5ото, ийэтэ Тимофеева Мотрена Спиридоновна, олохтоох Чыамайыкы баайын кыыһа.

Кинигэттэн, эһэбит Саха Сирин Алдан оройуонун Учур нэһилиэгэр 1926 сылга төрөөбүт диэн.

30-с сылларга Алдан оройунугар көспүттэрэ.

Спиридон аҕыс сааһыгар, балтыта Прасковья Федоровна, икки саастаҕар, ийэтэ, Мотрена Спиридоновна, кэргэнин уонна оҕолорун быраҕан барар. Аҕата тыаҕа үлэлии сырыттаҕына, Спиридон уонна Прасковья, табалаах тоҥустарга көрдөһөн кинилэргэ иитиллибиттэрэ. Тыаҕа, тайҕаҕа сылдьар буолан, оскуолаҕа үөрэммэтэх. Кэлин, хаһыакка суруллубут сонуну билээри, кэргэнин Екатерина Прокопьевнаны аахтарар этэ.

Сэрии саҕаламмыттыгар, 1943 сыллаахха ыҥырыллан Читаҕа сулууспалыы барар. Армияҕа барарыгар балтытын, Прасковьяны, 12 саастааҕар, Учур нэһилиэгин детдомугар ииттэрэ биэрэр.

1945 сыллаахха Советскай Союз уонна Япония сэриитигэр эһэбит кыттар. Сэриигэ иккитэ бааһырар, госпитальга сытар. Сэриилэһэн 1948 сыллаахха төннөр.

1. Васильев Спиридон Федорович олоҕо сэрии кэнниттэн

Сэрииттэн төннөн Егорова Екатерина Прокопьевнаны кэргэн ылар. 1948 сылтан Учур колхуоска табаһытынан, булчутунан сылдьан үлэлиир. 1955 сылга диэри кэргэнинээн тыаҕа палатканан олороллор. 1955 сылга Кутана дэриэбинэтигэр көһөн киирэллэр. Онтон ыла араас колхуос үлэтигэр сылдьар: үксүтүн почтаны, дьону кыһынын аатынан сайынын мотуорканан, таһар. Ол таһынан дьоҥҥо ууһанар: остуол, олоппос, оҥочо, булчут хайыһарын уонна да атын туттар тэриллэри оҥорон биэрэр этэ. Кэргэнинээн биэс оҕолоноллор, 17 сиэннээх, 11 хос сиэннээх уонна 1 хос-хос сиэн кыыстаах.

1984 сыллаахха ыалдьан олохтон туорур.

«За Победу над Японией» мэтээлинэн посмертно на5арадаланар.

Муус устар 6 күнүгэр 1985 сылга иккис степеннаах Аҕа дойду сэриитин орденынан наҕарадаланар.

1. Түмүк

Спиридон Федорович – ытык аҕа, тапталлаах кэргэн, элбэх сиэн эһэтэ буолан олоҕу олорон ааспыт.

Хомойуох иһин докумуоннара хараллыбатахтар. Докумуоннара Алдан оройуонун архива умайарыгар суох буолаллар.

Хайдах сэриилэспитин туһунан военкомат архивыттан көрдөн булуохха сөп буолуо.

Туһаныллыбыт литература:

1. «Память»: книга-мемориал воинам-якутянам, умершим после демобилизации, кн. 4, Якутск, 1995, с.6.

2. Сайт http://www.podvignaroda.ru/.

3. Макарова П.С., эбэм ахтыытыттан.

Васильев Спиридон Федорович (1926-1984)

Год рождения: __.__.1926 
место рождения: Якутская АССР, Алданскийокр., Алданский р-н, п. Учур 

Награжден медалью «За Победу над Японией»

№ наградного документа: 77 
дата наградного документа: 06.04.1985

№ записи: 1519061423

Орден Отечественной войны II степени