Վերաբերել-----վերաբերվել

Վերաբերել---վերաբերվել

Սա թերևս միակ բայն է ,ուր վ ածանցը ոչ թե բայասեռն է փոխում /գրել-գրվել , ջարդել-ջարդվել / , այլ իմաստային որոշակի տարբերակում է առաջ բերում։

Վերաբերել-նշանակում է որևէ մեկի կամ մի բանի մասին ասել ,խոսել , նաև առնչվել –առնչություն ունենալ։Օր․՝

Դիտողությունս վերաբերում է այդ տղայի շատ ազատ պահվածքին , ոչ թե վայրիվերո դատողություններին։

Ասածս նախ քեզ է վերաբերում , հետո ՝ ընկերոջդ։

Վերաբերվել-նշանակում է վերաբերմունք ունենալ , վարվել։Օր․՝ Դու լավ ես վերաբերվում /վարվում / ընկերոջդ հետ , լավ ես

վերաբերվում գրքին , նստարանին , տան իրերին։

Առարկաների դեպքում չի կարելի հետ ասել ՝վերաբերվել գրքի հետ ,կահույքի հետ , քանի որ չկա փոխադարձ հարաբերություն։Անձի դեպքում երկու տարբերակներն էլ ճիշտ են ․ երեխայի հետ-երեխային քնքշորեն վերաբերվի՜ր։

Վերոբերյալ օինակներից երևում է , որ եթե ենթական անձնանիշ բառ է , ապա ստորոգյալը վերաբերվել-ով / վ-ով / պիտի դրվի ․

Հայրը կասկածանքով էր վերաբերվում բոլորին ու ամեն ինչին։

Ոչ անձնանիշ ենթակայի ստորոգյալը վերաբերել-ն է ․Մեծ ուսուցչի ասածները բոլորիս են վերաբերում։