Веськыт сёрни. Веськыт сёрни дырни пассэз

Коми-пермяцкöй кыв. Пунктуация

Веськыт сёрни. Веськыт сёрни дырни пассэз

Лöсьöтiс Козлов Василий Васильевич

Мый сэтшöм веськыт сёрни?

Мукöдпыр миянлö колö висьтавны нето гижны кинлicькö сёрнисö точнöя – сiдз, кыдз вöлi висьталöм

Веськыт сёрни – эта сэтшöм йöз сёрни, кöда висьталöма нето гижöма вежтöг, сiдз, кыдз шуöма баитiсьыс нето гижöма гижисьыс.

Веськыт сёрниа сёрникузяын сетсьö вежтöг кыдз сёрнилöн пытшкöсыс, сiдз и сылöн формаыс.

«Мый ыждаöсь жö писькöтны кайпоззэзас осьтаэсö?» - норасьöмöн юалiс Генялicь Миша.

Веськыт сёрни вермас видзны асас кыдз öтiк, сiдз и кынымкö сёрникузя

«Мам да горт меддонаöсь», - сiдз миян отирыс баитö.

Степан бергöтчис инькаэзланьö да шуис: «Тiйö, басöккез, зонкаыс вылын эд сералö. Сiя том эшö. Велалас аскадö быдöсö».

Веськыт сёрниа сёрникузяын кык тор

Веськыт сёрни

• точнöя сетö кинöнкö баитöмлiсь пытшкöс да форма

Авторлöн кыввез

• казьмöтöны, что сёрникузяас эм веськыт сёрни
• мыччалöны, кинлöн сiя сёрниыс
• сетöны вежöртöттэз веськыт сёрни дын (кыдз баитсис, кытöн, кинлö)
• видзöны асаныс баитöм вежöртаса кадакыввез (шуис, висьталiсö, баитiс, сёрнитi, горöтчöм, содтiс…)

«Корин тай, а етша жö мыйкö сёйин» , - горöтчис мамö .

авторлöн кыввез

веськыт сёрни

Веськыт сёрни пыр гижсьö ыджыт шыпассянь.

Веськыт сёрни пыр босьтсьö кавычкаэзö.

Веськыт сёрни помын сувтöтсьö сiя препинаннё пасыс , кöда колö шуан мог сьöртi да вын сьöртi.

Кöиныс думайтыштiс: « П öт кöчыслöн яйыс госажык » .

« М ишка, пет орсны ! » - горöтiс Вовка.

Сойыс юалiс: « К ин тэныт вачкис ? »

Медбы буржыка видзны тöдвылын, кытшöм пассэз сувтöтсьöны веськыт сёрни дырни, используйтсьöны схемаэз:

АВТОРЛÖН КЫВВЕЗ ОБОЗНАЧАЙТСЬÖНЫ А ШЫПАСÖН

ВЕСЬКЫТ СЁРНИ ОБОЗНАЧАЙТСЬÖ П ШЫПАСÖН (роч моза)

ВЕСЬКЫТ СЁРНИ

АВТОРЛÖН КЫВВЕЗ

«П?» - а.

АВТОРЛÖН КЫВВЕЗ

ВЕСЬКЫТ СЁРНИ

А: «П?»

ВЕСЬКЫТ СЁРНИ ДЫРНИ ПРЕПИНАННЁ ПАССЭЗ

Кöр авторлöн кыввез сулалöны веськыт сёрни одзын ,

ны коласын сувтöтсьö двоеточие

А : «П».

Зонка висьталiс : «Менö шуöны Ванюöн».

А : «П!»

Борька горöтiс : «Санька, ме татöн!»

А : «П?»

Юалiс пöрись морт : «Донöн я вузалатö яйнытö?»

Видзö тöдвылын: юалан да восклицательнöй пассэз сувтöтсьöны

кавычкаэз пытшкын, а точкаыс - кавычкаэз бöрын

ВЕСЬКЫТ СЁРНИ ДЫРНИ ПРЕПИНАННЁ ПАССЭЗ

Кöр авторлöн кыввез сулалöны веськыт сёрни бöрын , ны коласын сувтöтсьö тире

«П», - а.

«Менö шуöны Ванюöн», - висьталiс зонка.

«П?» - а.

«Донöн я вузалатö яйнытö?» - юалiс пöрись морт.

«П!» - а.

«Санька, ме татöн!» - горöтiс Борька.

«П…», - а.

«Кöбы меным да тэнчит вынтö…», - гусьöн шуис дедыс .

Видзö тöдвылын: юалан да восклицательнöй пассэз сувтöтсьöны кавычкаэз

пытшкын, а запятöйыс – кавычкаэз бöрын

ВЕСЬКЫТ СЁРНИ ДЫРНИ ПРЕПИНАННЁ ПАССЭЗ

Кöр авторлöн кыввез сулалöны веськыт сёрни шöрын , авторлöн кыввез торйöтсьöны öтмöдöрсянь тиреэзöн

«П, – а. – П».

«Менö шуöны Ванюöн, – висьталiс зонка. – А нимкодялöны Баранöн».

«П, – а, – п».

«Вежöртö, – горöнжык шуис велöтiсь, – что правилосö колö велöтны».

«П? – а. – П».

«Донöн я вузалатö яйнытö?» – юалiс пöрись морт. – Ме бы босьтi невна».

«П! – а. – П!»

«Санька, ме татöн! – горöтiс Борька. – Лок ме дынö!»

Адззö сорасьöммез

• «Менам кынöмö сiдз сималö, что кöть мый бы сёйи?» – шуис воныс
• И охота тэныт, Ира, подöн туйсö тальны сы ылына – «Баитic Нинка».
• «Талун луннас, - Горöтчис Опонь, - лоас собраннё».
• Кытicькö локтiс Педöсь да пеляс горöтiс – «Мун, тэнö гортат видзчисьöны!»
• «Он вежöрт, дак весись эн лёб»: сiдз медбöрын висьталiс айыс.

Кытöн сорасьöммес

• «Менам кынöмö сiдз сималö, что кöть мый бы сёйи ? » – шуис воныс.
• И охота тэныт, Ира, подöн туйсö тальны сы ылына – «Б аитic Нинка » .
• «Талун луннас, - Г орöтчис Опонь, - лоас собраннё».
• Кытicькö локтiс Педöсь да пеляс горöтiс – «Мун, тэнö гортат видзчисьöны» !
• «Он вежöрт, дак весись эн лёб» : сiдз медбöрын висьталiс айыс.

Кыдз колic

• «Менам кынöмö сiдз сималö, что кöть мый бы сёйи», – шуис воныс.
• «И охота тэныт, Ира, подöн туйсö тальны сы ылына», –баитic Нинка.
• «Талун луннас, – горöтчис Опонь, - лоас собраннё».
• Кытicькö локтiс Педöсь да пеляс горöтiс: «Мун, тэнö гортат видзчисьöны!»
• «Он вежöрт, дак весись эн лёб» – сiдз медбöрын висьталiс айыс.