Видеоурок2часть

Дата __________ Сыйныф _3 Укытучы Рамазанова Ф.Г. Предмет Сынлы сәнгать

Тема. Әкияти урман образы.

Дәреснең максатлары:

Өйрәтү

Үстерү

Тәрбияви

укучыларның белем һәм күнекмәләрен системалаштыру, белем һәм күнекмәләрне тикшерүнең төрле дәрәҗәдәге шартларын булдыру, практик эшчәнлектә куллану өчен белем һәм күнекмәләр формалаштыру, алган белемнәрне төрле ситуацияләрдә кулланырга өйрәтү;

хәтерне, дәлилләнгән сөйләм, кызыксынучанлык, танып-белү эшчәнлеген, мөстәкыйль фикерләү, иҗади сәләтләрен үстерү;

төгәллек, тәртиплелек, максатчанлык, укуга аңлы караш, хезмәт сөючәнлек, үзара ярдәмләшү, аралашу культурасы, мөстәкыйльлек, игътибарлылык, предметка кызыксыну, табигатькә сакчыл караш, мәктәп милкенә сакчыл караш.

Дәрес тибы:

Яңа материал үзләштерү дәресе

Белем һәм күнекмәләр формалаштыру һәм ныгыту

дәресе

Белемнәрне гомумиләштерү һәм системалаштыру дәресе

Белем һәм күнекмәләрне тикшерү дәресе

Дәрес төре:

- лекция,

- әңгәмә,

- презентация,

- эшлекле уен,

- экскурсия,

- кисем (срез)

- практик эш,

- имла,

- инша,

- эзләнүле-тикшерү эше,

- семинар,

- тест,

- гомумиләштерү дәресе,

- дискуссия,

- проект,

- зачёт,

- контроль эш,

- тикшерү эше,

- реферат,

- хаталар өстендә эш,

- мөстәкыйль эш,

- ВПР

Җиһазлау. Ноутбук, проектор, презентация, рәсемнәр.

Ресурслар. 1.Дәреслек 66-67 битләр, интернет.

Дәрес этаплары.

I этап. Дәресне оештыру. Мотивация.

- Исәнмесез, укучылар. (Слайд 1)

- Кәефләрегез ничек? Әгәр дә сезнең кәефләрегез күтәренке икән, минем янга түгәрәк ясап басыгыз. Без сезнең белән “Исәнләшү” уены уйнап алырбыз. Мин сезгә әйткән сүзләрне тиз эшләргә кирәк. Күзләр белән исәнләшәбез, куллар белән, җилкәләр белән, табаннар белән, аркалар белән.

- Рәхмәт, урыннарыгызга утырыгыз.

II. Актуальләштерү.

1. Группаларда эш. (Слайд 2)

- Слайд буенча картиналарның исемнәрен һәм авторларын билгелә. Җавапны исемнәрендә хәрефләре күп булган укучылар җавап бирә.

1.Виктор Михайлович Васнецов “Келәм-очкыч”

2.Николай Константинович Рерих“Диңгез арты кунаклары”

3.Иван Яковлевич Билибин “Иллюстрация”

- Картиналарның авторларын нинди рәссамнар дип атыйбыз?

- Түбәндәге картиналар сынлы сәнгатьнең кайсы төренә керә?

- Кайсы картинада әкияти урман сурәтләнгән?

III. Уку мәсьәләсе кую.

- Сезнең әкияти урманда булганыгыз бармы?

- Сезнең әкияти урманга сәяхәткә барасыгыз киләме? Әйдәгез, күзләрне йомдык һәм сәяхәткә киттек. (Музыка астында.)

- Сез үзегезне әкияти урманда дип күзалдына китерегез.

Әкияти урманда төрле агачлар үсә. Уң ягыгызда ак каен, сул ягыгызда – төз имәннәр, алдарак карт имән, ә аның да алдында кечкенә чыршылар.

- Әкияти урман сезнең күз алдына килдеме, ә хәзер күзләрегезне ачыгыз.

Агачлар-сихерләнгән кешеләр. Бу агачлар кешеләрнең характерларын, төс –кыяфәтләрен һәм яшьләрен кабатлыйлар.

- Әкияти урманда агачлар нинди? (Алар кеше төсле сөйләшәләр, төп геройга ярдәм итәләр яки комачаулыйлар)

- Кайсы әкиятләрдә агачлар сөйләшә?

“Гөлчәчәк” – кушкаен; “Казлар-аккошлар” – алмагач;

IV. “Яңа белемнәрне ачу”.

2. Иван Иванович Шишкинның “Имәннәр” картинасы өстендә эш.

- Халык нинди агачны куәтле, көчле дип атыйлар?

- Имәннәр хатын-кызга әллә ир-атка охшаганмы?

- Ни өчен сез шулай уйлыйсыз? Имәннең кәүсәләре төз һәм ботаклары нык.

- Картинада ничә имән сурәтләнгән?

- Имәннәр кайсы әкият геройларына охшаганнар?

- Иван Шишкинның картинасына нинди исем бирербез?

3.Иван Иванович Шишкинның “Каенлык” картинасы өстендә эш.

- Каеннарга карагач, сезнең алдыгызга кемнәр килеп баса?

- Ни өчен каеннарны кызлар дип уйлыйсыз? (Чөнки алар төз һәм зифа)

- Каеннарның характерлары нинди моңсумы әллә шатмы?

- Сихерче каеннарга әйләндергән кызлар нинди кием кигәннәр дип уйлыйсыз?(Сарафан, юбка, ак кофта)

- Аларның чәчләре нинди булыр? (Озын һәм туры, яки бөдрә чәчле)

- Ак каеннар кайсы әкият героена охшаганнар?

- Рәссамның картинасын ничек атар идегез?

4.Исаак Ильич Левитанның “Имән” картинасы өстендә эш.

- Сихерче кемне карт имәнгә әверелдергән?

- Характер буенча имән нинди? (Сабыр, зирәк)

- Аның янында нинди агачлар күрәсез?

- Кечкенә чыршылар кемнәргә охшаган?

- Үзегезнең характерыгыз турында нәрсә әйтә аласыз?

- Картинага нинди исем бирер идегез?

Физкультминутка

Без урманга килдек.

Җил исә башлады.

Яфраклар серләшә.

Яңгыр ява башлады.

Яңгыр ява тып та тып.

Яңгыр акрынайды.

Яңгыр сибәли.

Яфраклардан тамчылар тама.

Балкып кояш чыкты.

- Бүгенге дәрестә сынлы сәнгатьнең нинди жанры белән таныштык?

- Без агачларның кемгә охшаган икәнен кайдан белдек? (Агачларның кәүсәләреннән, ботакларыннан).

- Характерларын нинди сүзләр ярдәмендә тасвирладыгыз?

Димәк, әкияти урманда сихерче сихерләгән агачлар үсә. Без нәрсәгә карап, аларны әкият геройларына охшаттык? (кәүсәләренә һәм ботакларына, биеклегенә).

V. Беренчел ныгыту. Мөстәкыйль эш.

- Бүгенге дәрестә без сезнең белән әкияти урманның җанланган агачларын ясарбыз. Кызлар – ак каенны, ә малайлар – карт имәнне сурәтләрбез.

1.Эш урыны әзерләү.

- Ак битләрне ничек итеп куярбыз?

- Сихерләнгән агачларны нәрсә ярдәмендә тасвирларбыз? (Гади һәм төсле карандашлар ярдәмендә).

2. Эш тәртибен аңлату.

- Эшне нәрсәдән башларбыз? ( Рәсемнең киңлеген һәм биеклеген билгеләүдән).

- Агачны сурәтләүне нәрсәдән башларбыз? (Агачның кәүсәсен ясаудан).

- Аннан соң нәрсәне сурәтләрбез? (Ботакларны, яфракларны, агачның йөзләрен)

- Кеше йөзен сурәтләгәндә нәрсәне истә тотарга кирәк? (Йөз симметрия законына туры килергә тиеш.)

3. Мөстәкыйль эш.

4.Эшне туктату, хаталарны төзәтү.

VI. Йомгаклау. Рефлексия, бәяләү этабы.

- Бүгенге дәрестә мин .... тылсымлы, сихерле яки әкияти агачлар ясарга өйрәндем.

- Мин моның турында ... әниемә, әтиемә сөйли һәм рәсемемне күрсәтә алам.

- Миңа ... әкияти урманның сихерле агачын ясау ошады.

- Мин алдагы дәрестә ... рәсем ясауны дәвам итүне телим.

- Сезгә бүген дәрес ошадымы? Дәрес ахырына кәефләрегез үзгәрмәдеме?

Үзегезнең дәрестәге эшчәнлекне бәяләгез:

• Мин молодец!

• Миңа азрак тырышырга кирәк.

• Бүген минем көнем түгел.

2.Укучыларның эшеннән күргәзмә ясау.

- Укучылар, әйдәгез, түгәрәк ясап, минем янга чыгып басыгыз. Молодцы! Сихерләнгән агачларыгыз бик матур чыккан.