Виды числительных по составу

МКОУ «СОШ №2» г. Избербаш

План-конспект

открытого урока

по родному (даргинскому) языку

в 3 классе

«ВИДЫ ЧИСЛИТЕЛЬНЫХ ПО СОСТАВУ»

Учительница:

Сулейманкадиева Б.А.

2016 г.

Дарган мез - 3 класс. Гьаргси дарс.

Тема: Цалабикни х1ясибли числительноела жураби.

Мурад: Дурх1нази царка, учидяхъ ва цаладяхъ числительноеби дагьахъни,нешла мезла дарсличи диги акIахъни.

Дарсла башри.

1.Организацонный момент.

Класс дарсличи х1ядурбарес.

Учитель: Кадиирая. Дарган мезла дарсличи х1ядурдиирая.

Учитель: Се сабри х1ушаб хъули хъарбарибси?

Ученик: Нушаб хъули хъарбарибсири &28 Х1янчи 120.

Учитель: сен лук1усири х1янчи?

Ученик:Числительноеби черделк1ес ва мяг1на х1ясибли жура бурес .

кьадар ч. дурт1у ч. гьаб - г1ергъиддела

урегал,ца,к1ел, к1иэсил

шелра,шуц1али,

ца ,урегалра, ца,

вец1ну гех1ра

Учительли тетрадуни ахтардидиру , дурчу ва царилти дурт1у.

Учитель: Белк1еная ишбарх1ила число. Классла х1янчи.

Фронтальный опрос.

Учитель: Се саби морфология?

Ученик: Морфология мезличила гъайбик1уси г1илмула бут1а саби

Учитель: Се сари гъайла бут1ни?

Ученик: Чучи хасти мяг1нуби ва грамматический лишанти лерти дугьбала группаби(кьукьни сари).

Учитель:Дарган мезлизир чум гъайла бут1а лера?

Ученик: Дарган мезлизир вец1ал гъайла бут1а лер:

1.Существительное.

2.Прилагательное .

3.Числительное.

4.Местоимение.

5.Глагол.

6.Наречие.

7.Союз.

8.Кесек.

9.Послелог.

10.Междометие.

Учитель: Се саби существительное?

Ученик : Существительное гъайла бут1а саби,суненира сек1улти иргъахъуси ва чи? се? ибти суалтала цалис жаваб лугуси.

Учитель:Се саби прилагательное?

Ученик : Прилагательное гъайла бут1а саби , суненира сек1а лишан иргъахъуси ва сегъуна? чиди? сецад? ибти суалтала цалис жаваб лугуси.

Учитель: Се саби числительное?.

Ученик: Числительное - гъайла бут1а саби, суненира ца журала сек1ултала белгиси кьадар яра илдала гьаб – г1ергъидеш чебиахъуси ва чум? чум –чум? чумъибил? сецад? ибти суалтала цалис жаваб лугуси.

Учитель: Чуни иргъхъуси мяг1на х1ясибли числительноеби сегъунти журала дирара?

Ученик: Мяг1на х1ясибли числительноеби х1ябал журала дирар:

1. Кьадар числительноеби.

2. Дурт1у числительноеби

3. Гьабг1ергъидешла числительноеби.

Учительли сунени дарибти чумал дурх1ялис карточкаби луга.

Карточка № 1.

Дек1ардарибти дугьбала морфологический разбор барес.

Ухънани сунела г1яйса касиб ва багьлали лагвях1 ватихьиб.

Карточка № 2.

1. Ишди прилагательноеби падежунардара: зурх1я, пергерси, к1ишан.

1. У.падежла суффиксуни чедаахъес, ург1ерти падежунала ахирти чедаахъес.

Карточка № 3.

Ишди дугьбас синонимти ва антонимти делк1ес: жагаси, разиси,хъярхъси,мякьлаб,мекъ

урчи, дергъ, х1урмат, масс.

Карточка №4.

Таманах1енти прилагательноеби чедаахъая ва чуни баяндирути дугьбачил черделк1еная.

Ахъ шурла ц1удар хъирхъа

Хьадирур хъуц1арличи.

Х1ела шарабла х1улби

Набзи держахъа или.

Учитель: Гьанна белк1еная.

Дугьбала диктант.

Ишди числительноеби г1яг1ниси къяйзи делк1ес:

Дурт1у чис. Кьадар чис. Гьаб – г1ергъ.чис.

Ца, цаибил, цаца, шушел, к1ел, даршибил, к1ел – х1ябал, гъагъал, вец1ну цара ибил, азир, ав – авал, к1иибил, вец1ибил авдех1, байхъала, х1ябц1анну к1ира – к1ира,

х1ябал бут1ала к1ел бут1а, вец1 –вец1ал, х1ябъибил, урег – урегал, урч1емибил.

Илди чистительноела х1ячми чедаахъая.

Ил заманалис дурх1нала карточкаби ахтардидиру.

Авъибил ученикли синтаксический разбор биру.

Шел шуличи дурт1ар.

Учительли дурх1нас кьиматуни кадалта.

Физминутка:

Сагаси тема : Цалабикни х1ясибли числительноела жураби .пикридарая

Учитель: Нушани числительноела мяг1на х1ясибли жураби делч1унра.

Илди сари: 1. Кьадар числительне

2.Дурт1у числительное

3. Гьаб – г1ергъидешла числительное.

Числительноела г1урра х1ябал жура лерти сари сари цаладикни х1ясибли.

Гьари,дурхIни,хIушани наб ца хIячила дегIти числительноеби, гIур 2 хIячила дегIти ,амма ца девли аргъахъибти , гIур кIел яра чумал числительноебазирад цаладикибти числительноеби пикридарая.

ЛукIехIе илди хIябал столбиклизи.

Илди сари: 1.Царка числительноеби: 1,2,3,4,5,6,7.8,9,100,1000.

2.Учидяхъ числительноеби: 30, 40,50,60,

3.Цаладяхъ числительноеби:11, 35,105, ва ц.

Царка числительное или бик1ар ца х1ячилизибад бетаурси числительноелис.

Масала : к1ел, х1ябал.

Учибяхъ числительное или бик1ар чумал х1ячи лерси ца девли аргъахъибси числительноелис. Масала: х1ябц1али.

Цалабяхъ числительное или бик1ар чумал числительноелизибад цалабикибси числительноелис. Масала: вец1ну шура, х1ябц1анну х1ябра.

Таблица чебиахъу дурх1нас . Ца дурх1яли ил ахъли буч1а.

Жузличил х1янчи. Х1янчи № 121.

Учительли текст буч1а , дурх1нани числительноеби дургу.Илдала цалабикни х1ясибли жура ахъли буру.

Ученик: К!елра - мяг1на х1ясибли кьадар числительное, цалабикни х1ясибли царка числительное

Дарс кагахъни:

Учитель: Ишбарх1и селичила гъайдик1ули калунра нуша ?

Ученик: Ишбарх1и нуша цалабикни х1ясибли числительноела журабачила гъайдик1ули калунра.

Учитель: Чула цалабикни х1ясибли числительноела чум журала дирара?

Ученик: Чула цалабикни х1ясибли числительноеби х1ябал журала сари.

1.Царка.

2.Учибяхъ

3.Цаладяхъ.

Учитель: Селис царка числительное или бикIара?

Ученик: Ца х1ячилизибад бетаурси числительноелис царка числительное или бик1ар. Масала: х1ябал.

Учитель: Селис учибяхъ числительное или бикIара ?

Ученик:Чумал х1ячи лерси ца девли аргъахъибси числительноелис учибяхъ числительное или бик1ар. Масала: х1ябц1али.

Учитель:Селис цалабяхъ числительное или бикIара?.

Ученик: Чумал числительноелизибад цалабикибси числительноелис цалабяхъ числительное или бик1ар. Масала: гъану шура.

Учитель: Белк1еная хъули х1янчи.

Х1янчи № 122. & 28.