Вормонлы -75 ар

МБОУ «Лельвижская средняя школа»

Кукморского района РТ

Андреева Людмила Михайловна,

учитель родного (удмуртского) языка

и литературы

Мастер-класс по родному (удмуртскому) языку по теме:

«Быдзым ож. Быдзым Вормон» («Великая война. Великая Победа») с использованием приёма критического мышления ДАЙМОНД.

Выль дышетон стандарт асьме азе пуктэ выль ужпумъёс. Табере дышетскисьлы пычатоно выль универсальной учебной действиос, творческой но логической быгатонлыкъёссэс юнматоно.

Выль ужпумъёсты быдэсъяку, мон тыршисько нылпиослэсь малпаськыны быгатэмзэс чакланы. Пиналъёс быгатыны кулэ быдэс текстъя схема, таблица яке вакчиятыса веран дасяны. Сыче вакчиятыса веранлэн кабъёсыз полысь одигез ДАЙМОНД луэ. Берыктиське бриллиант шуыса. Нимыз та ужлэн аспортэмлыко. Бриллиант - со дуно из, алмаз, кудзэ зол чилятон понна , вань мултэссэ палэнтоно, чылкытатоно луэ. Озьы гинэ со кутоз аслэсьтыз кабзэ. ДАЙМОНД амалъя ужъёс быдэсъяку, пиналъёс бадым текстысь висъяны быгатыны кулэ со тодметнимъёсты, макенимъёсты но глаголъёсты, кудъёсыз яркыт возьмато инкуазь явлениосты, кыче ке арбериез яке адямиез, учыръёсты. Та учыре нылпиослы кутоно луэ логической мышленилэсь вань приёмъёссэ: анализ, синтез, абстракция, обобщение, конкретизация.

1. Оргмомент

- Зечбуресь, пиналъёс! Малпасько мылкыдды тиляд умой. Али чектисько тиледлы кык туркымлы люкиськыны. Ужаны кутскемлэсь азьло ивортэме потэ. Матэктэ дано нунал – Быдзым Вормонлы тырме 75 ар. Овол, дыр, дунне вылын асьме кадь кужмо калык. Коня курадзон пыр ортчемын ини со. Нош самой секыт аръес усизы асьме шаермылы Быдзым ож аръесы. Та ож возьматиз быдэс дуннелы кызьы улонзэс жалятэк тушмонлы пумит ожмаськизы асьмелэн анай-атайесмы, песянай-песятайесмы. Соос вань на ай возамы. Асьмеос быгатиськом на ай соослэн синмазы учкыны, соослэсь верамзэс кылзыны. Нуналысь нуналэ кыдёке кылё кышкытэсь Быдӟым Атыкай ож аръёс. Мертантэм дун тыриллям асьмелэн песятай-ӵужатайёсмы вормон понна. Кӧня солдатъёс кылемын ож луд вылэ. Со лудъёслэн «яраоссы» кемалась ке но бурмизы ни, Быдӟым Атыкай ож уг вуны, со сюлэмъёсамы улэ. Ноку ум вунэтэ ми шаерез тушмонъёслэсь утён понна нюръяськемъёслэсь нимъёссэс, подвигъёссэс. Ож бере шаерамы, кулэм солдатъёсты буре ваён вылысь, памятникъёс, монументъёс, обелискъёс «ӝужазы».

2. Проблемной ситуация кылдытон

- Котькуд семья кышкыт аръёсты ас вылаз шӧдӥз, тушмонэз вормон сярысь сюлмаськизы ож мышкын тыршемъёс но. Котькуд семья шодиз та вакытлэсь курыт шомзэ.

Али чектисько тиледлы СЕМЬЯ кыллы синквейн гожтыны.

1.семья

2.шулдыр, юн

3. яратэ, возьма, уте

4. семьялэсь дуноез овол

5.шуд

Табере учке доска шоры но чошатэ та кык ужъёсты. Висъялэ портэмлыксэс.

1.семья

2. шулдыр, юн

3. яратэ, возьма, уте

4. семья уте-возьма, нош огенлык быдтэ.

5. зибе, быдтэ,

6. мозмыт, жож, бордытэ.

7. огенлык

Озьыен, ДАЙМОНД – со 7 чуръем кылбур, кудаз нырысетиез но берпуметиез чуръёс ваче пумит луись кылъёс.

1.макеним

2. 2 тодметним яке причстие

3. 3 глагол яке деепричастие

4. 4 кыл : кыкез валэкто нырысети кылэз, мукетъёсыз – кыкети.

5. 3 глагол яке деепричастие

6. 2 тодметним яке причстие

7. макеним

3. Чошен уж.

- Историкъес пумтэм лыдъяло, коня быриз адями, техника, коня сутэмын вал гуртъес но городъес… Та кышкыт учыръесты быгатозы вераны соос асьсэос, кин адзиз Быдзым ожез, кин ортчиз Быдзым ожез.

Быдзым ож. Быдзым Вормон. Соос ваче герзамын асьме калыкмылэн кужыменыз.

- Ойдолэ табере чошен кылдытомы ОЖ (ВОЙНА) кыллы ДАЙМОНД.

1. ож

2. кышкыт, шимес

3. вие, жуатэ, бордытэ

4. Ож быдтэ, нош тупаса улон выльдэ.

5. капчиятэ, огазея, бурдъя

6. шулдыр, яркыт

7. тупаса улон

4. Ас кожазы уж.

- Быдзым Вормон пумысен 5-6 предложенилэсь текст гожтэ.

4. Рефлексия

- Ойдолэ туннэ ужмылы огъян лэсьтомы. Ти азьын кыл, котькуд буква возы гожтэлэ, мар ужамы туннэ чошен. Со букваосын ик мед кутскоз.

В – вераськимы Быдзым ож сярысь

О – огъян лэсьтимы

Р – радлыкъя гожъямы

М – малпанъёсмес верамы

О – огъя валан басьтимы ДАЙМОНД сярысь

Н – нимаз-нимаз ужамы