Выль ар выжыкыл

Сценарий новогоднего утренника «Выль ар выжыкыл».

Составила учитель начальных классов МБОУ Сарсак-Омгинский лицей Агрызского района РТ

Чернова Людмила Мударисовна

Шудӥсь муртъёс: Нуись, Лымы ныл, Тол Бабай, Обыда, Ӟичы, Гондыр, Бармалей, Хаттаб, Лудкеч, Коӵо, Пиналъёс.

(Зал шорын чебермам кыз сылэ. «В лесу родилась елочка» кырӟанэн пиналъёс пото. Кыз котыртӥ кырӟаса бергало)

Нуись: Выль арен зечкыласько,

Вань зечсэ мон сüзисько.

Мед пиштоз яркыт шунды,

Мед йылоз туэ шудды.

Ӟечбуресь, мусо пиналъёс! Ӟечбуресь, лыктэм куноос!

(Шыпыт гинэ крезьгур кылӥське)

Нуись: Пиналъёс, кылиськоды-а та чебер (волшебный) крезьгурез? Оло кыз озьы кырӟа? Ӝоген асьмеос сое тодомы. Угось туннэ тӥледыз йӧспортэм выль ар выжыкыл вите. Учке но кылзэ!

Эй, нюлэс эшъёсы! Чале, лыктэ ӝоггес мон доры! Ойдолэ кызмес чеберъяломы!

(Залэ пото Гондыр, Ӟичы, Кион, Лудкечпиос. Котькудӥз кияз шудон потто но сое кыз вылэ оше)

Гондыр: Кызмы туж чебер луиз!

Синмаськымон, паймымон!

Ӟичы: Ваньмы ик сюлмысь тыршим,

Выль армес пумиталом!

Ведущий: Праздникез пумитаны ваньды дасесь-а?

Пӧйшуръёс: Дась!

(Кыз доры шок-поль потыса Лудкеч вуэ. Кияз бадӟым конверт возе.)

Лудкеч: Умоесь-а тӥ эшъёс,

Пичиос но бадӟымъёс!

Дыртыса вуи татчы,

Ярам нюке ӧй усьы.

Нуись: Лудкеч, ми туж шумпотӥськом вуэмедлы. Нош кытын Тол бабай? Со тонэныд ӵош ӧвӧл шат?

Лудкеч: Тол бабайлэсь тӥ лыктэмзэ

Эн вителэ мусоосы.

Солэсь ваи мон гожтэтсэ.

Нуись: Ойдолэ иське лыдӟомы мар меда гожтэ асьмелы Тол бабай. (Лудкечлэсь гожтэтсэ басьтэ, лыдӟе)

«Гажано, пиналъёс!

Туж пӧсяй, уго дырттӥ,

Кыз доры мон канжаськи,

Утыр кеси мешокме,

Отысь кизьтӥ кузьымъёсме.

Люкатозь али сое,

Келясько Лымы нылме.

Тӥ сое пумиталэ,

Мон вуытозь утелэ!»

Нуись: Пиналъёс, ойдолэ Лымы нылэз эктыса пумиталоме! (Кырӟан – шудон «Зимушка - зима»)

(Лымы ныл дӥсяськыса, Обыда пыре.Залын крезьгур чузъяське)

Обыда: Тани мон вуи.

Нуись: Кин бен тон?

Обыда: Кызьы кин? Лымы ныл!

Нуись: Ах, тон Тол бабайлэн нунокез шат?

Обыда: Бен, озьы…

Лымы нылэз пумиталэ, ваньды таза луэлэ.

Нуись: Нош малы Тол бабай ӧз вуы?

Обыда: Бен, со пӧсяз, уго дырттӥз, кузьылиоссэ кизьтӥз…

Нуись: Кыӵе сыӵе кузьылиос?

Обыда: Кызьы вал ай: утыр кеси мешокме, отысь кизьтӥ кузьылиосме…

Нуись: Тани мар! Тон Тол бабайлэн Лымы нылыз ӧвӧл. Соин ик, ӟечен кошкы татысь. Нош ми праздникмес азьланьтомы.

Обыда: Дугдэ али, дугдэ! Тол бабай гожтӥз ук тӥледлы: келясько Лымы нылме. Тӥ сое пумиталэ, мон вуытозь утелэ!»

Нуись: Пиналъёс, оло со зэм но Лымы ныл?

Пиналъёс: Ӧвӧл!

Нуись: Нош кин бен со?

Пиналъёс: Со Обыда!

Нуись: Мон но Обыда шуыса малпасько. Ойдолэ ваньмы та пӧяськисез улляломе татысь.

Обыда: Уллялэ, мон уг кышкаськы. Угось Лымы нылды мон киын. Мон сое тӥледлы уг сёты.

Нуись: Кытчы тон? Дугды ай, дугды! Лэзь милесьтым Лымы нылмес.

Обыда: Уг, со мыным мунчо эстӥсьлы яралоз.

Нуись: Мар-о бен табере кароно? Мунчоын Лымы нылмы шуналоз, вулы пӧрмоз. Обыда, мар тыныд кулэ, ваньзэ лэсьтом. Лымы нылэз гинэ лэзь.

Обыда: Праздникады шулдыръяськеме потэ мынам.

Нуись: Пиналъёс, меда-а кылёз Обыда?

Пиналъёс: Мед!

Нуись: Ярам, озьы ик медло. Лымы нылмес вай но собере шулдыръяськы.

(Обыда кошке, нош пиналъёс «А кругом горят снега словно жемчуга» кырӟанэз кырӟало. Ӵапак соку Обыда вуэ. Сьӧраз тодьы дӥськутэ биньыса Бармалеез вае)

Обыда: Тани, ваи Лымы нылдэс.

Нуись: Лымы ныл, малы тон сыӵе дӥськут пӧлы биниськыса вуид? Куараед но малы ке кажгагес кылӥське.

Бармалей: Зарезьти уяку, зол буран потӥз, соку тини висьыны уси. Ой… Пиналъёс, мадиськон вералом-а?

Нуись: Мар ке но татын уг герӟаськы. Лымы ныл, Обыда тынад эшед-а мар-а?

Бармалей (ымзэ кутыса): Ой! Ӧвӧл, ӧвӧл… Ойдолэ ваньмы ӵошен кырӟан кырӟаломе.

(Пиналъёс Бармалеен но Обыдаен «Снег посыпал в ноябре» кырӟанэз кырӟало. Бармалей шулдыръяськонлэн ӧраз ик пыре, ас вылысьтыз валатэк-шӧдытэк тодьы дӥськутсэ куштэ. Ӟалын чус луэ)

Нуись: Тон чик но Лымы ныл ӧвӧл! Тон Бармалей ук! Пиналъёс, мар табере кароно асьмелы?

Бармалей: Мар кароно, мар кароно… Дасяське, мон тӥледыз али выаньдэс сиё.

Нуись: Сыл ай, гажано Бармалей, озьы уг яра. Милям татын праздник, Выль ар, нош тон милемыз сиыны малпад.

Бармалей: Кыӵе сыӵе Выль ар? Малы ке но мон со сярысь нырысьсэ кылӥсько. Ойдолэ малпанъёслэсь палэнэ ум коже ай. Мон кошки тылскем лэсьтыны, нош тӥ татын кенеше – кинэ нырысь тыл вылын пыжо мон.

Нуись: Пиналъёс, ойдолэ кызмы сярысь кырӟан кырӟаломе. Бармалей озьы кынмоз но Африкаяз кошкоз.

(Пиналъёс «Маленькой елочке холодно зимой» кырӟанэз кырӟало)

Бармалей: Бр-р-р, кыӵе кырӟан, мон кынми сое кызыса. Пиналъёс, вождэс эн поттэ мыным, мон озьы уг даурты ни. Яра-а тӥледын ӵош праздникады шулдыръяськыны?

Нуись: пиналъёс, Бармалеез простить каромы-а?

Пиналъёс: Каром!

Нуись: Я, табере вералэ кытын Лымы ныл?

Обыда: Вителэ, али ик ваём.

Нуись: Пиналъёс, ойдолэ ваньмы ӵошен ӧтёмы Лымы нылэз. Мед со тодоз асьмеос сое татын витиськомы шуыса.

Пиналъёс: Лы-мы ныл! Лы-мы ныл! Лы-мы ныл!

(Залэ ӝож мылкыдын Лымы ныл потэ)

Лымы ныл (мылкыдтэк): Выль арен…

Нуись: Мар тонэныд Лымы ныл? Малы тон сыӵе ӝож мылкыдын вуид дорамы? Уд но мынектӥськы. Ой-ё-ёй. Лымы нылэз ведналлям оло? Мар табере кароно? Пиналъёс, ойдолэ Лымы ныллы кылбуръёсмем вераломы, эктыса возьматомы. Собере солэн мылкыдыз одно ик бурдъяськоз. Нош тон Лымы ныл тани татчы пуксьы, учкы пиналъёсмылэсь быгатонлыкъёссэс.

(Пиналъёс экто «Массовый танец», кылбур верало)

Лымы ныл (шумпотыса):

Туж бадӟым тау, эшъёсы,

Капчи луиз мылкыды.

Лымы нылэн эктомы,

Кыз котыртӥ бергаломы.

(Кыз котыртӥ бергаса кырӟало)

Лымы ныл: Вань куноос люкаськемын ни, нош Тол бабай ӧвӧл на. Выль арез пумитаны песятаез ӧтёно!

(Ваньзы Тол бабез ӧтё)

Нуись: Кытын бен Тол бабай? Со кемалась татын луыны кулэ ни вал? Нош мар ке луиз шат? Уго сюресэз солэн матын ӧвӧл.

Коӵо: Стре-ке-ке! Эктэ али!

Туж умой ивор ваи.

Куать час тырмыса оло,

Татчы вуоз бадӟым куно.

Пурысь луоз, кузь тушез,

Тодмады-а пересез?

Пиналъёс: Тодмам! Со Тол бабай!

Нуись: Пиналъёс, Толбабай вуытозь, ойдолэ шдыса басьтомы.

(Пиналъёс «Игра с бубном» шудонэн шудо. Тыл кысэ, но берен ӝуатске. Со куспын кыз доры Хаттабыч потэ. Дӥсяськемын шунды ӝужан палъёсысь дӥськутэн, вылӥяз пальто)

Хаттаб: Коркады котьку шудо мед луоз! Ӟечбуресь, ӟечлэсь но ӟечгес, мусолэсь мусогес пичильтыкъёс но гажано куноос!

Лымы ныл: Ӟечбур, песятай! Но пальтоен татчы пыраны уг яра!

Хаттаб: Ох, тибидах-тибидах! Тӥ тодӥськоды-а кинэ али пырын уд лэзиське? Мон тиледыз али ик пустыняысь песоклы пӧрмыто! Быдэс дуннее пазяно косо тӧллы!

Лымы ныл: Ой, пиналъёс! Тодмады-а кин со сыӵе?

(Хаттабыч пальтозэ куштэ)

Лымы ныл: Бен та Хаттабыч ук! Гассан Абдурахман Хадтаб!

Хаттаб: Шонер! О, визьмолэсь но визьмо Лымы ныл! Нимтулме тон мынэсьтым тодӥд. Нош кытчы мон тазьы сюри ай? Кинлэн та тачак нылпиосын коркаез?

Пиналъёс: Та нылпи сад!

Хаттаб: Кыӵе татын туж чебер, югыт! Кыӵе тӥляд пальмады но тунсыко!

Лымы ныл: Хаттабыч, пальма ӧвӧл ук со.

Хаттаб: Кызьы пальма ӧвӧл? Мар иське?

Лымы ныл: Тани пиналъёс али тӥледлы вералозы! Гужем но, толалтэ но со вож дӥськутэн. Нош Выль ар азьын чебер дэремзэ дӥсяса ми доры со вуэ. Мар со пиналъёс?

Пиналъёс: Кыз!

Хаттаб: Кыз, чеберлэсь но чебер, вах, вах, вах! Туж тунсыко писпу! (Киеныз йӧтылэ кызэз)Нош кыӵе татын йӧспӧртэм емышъёсыз. Тани улмоез вань. Али мон сое басьтыса сиё!

Лымы ныл: Уг яра, Гасан Хаттабыч. Со зэмос улмо ӧвӧл. Пиялалэсь лэсьтэм со.

Хаттаб: Паймымон! Кытчы сюри мон? Татын пиялалэсь улмо сиё вылэм!

Лымы ныл: Хаттабыч, ми тодӥськомы тӥ туж ӟеч волшебник шуыса. Юрттоды-а милемлы?

Хаттаб: Шумпотыса юртто, гажанолэсьно гажано Лымы ныл!

Аресъя мон туж пересь,

Нош мылкыды туж сэзь.

Тӥледлы эшъёс юртто,

Уго Хаттаб мон луисько!

Лымы ныл, вера, маар кароно-лэсьоно?

Лымы ныл: Праздникамы Тол бабаез отеммы потэ.

Хаттаб: Малы толэз отиськоды? Малы? Мон кышкасько. Кытын мон улӥсько, отын котьку шуныт кылле, шунды пиштэ, пальмаос будо. Лымы одӥг но ӧвӧл отын. Малы тӥледлы Тол бабай?

Лымы ныл: Ми сотэк кызмес ӝуатыны ум быгатӥське. Нош милям кызмес али ик ӝуатэммы потэ!

Хаттаб: Кыӵе тӥ изьверъёс! О, сюлэмтэм пиналъёс! Тӥляд таӵе чебер писпуэз ӝуатэмды потэ-а?

Лымы ныл: Песятай, тон милемыз чик ӧд вала. Милям потэ – кыз выламы пӧтэм тусо тылъёс-лампочкаос мед ӝуалозы.

Хаттаб: Озьы ке, мон сое али ик лэсьто! (Веднаське) Ой, ла-лам, ой, ла-лам!

(Тылъёс уг ӝуало).

Лымы ныл: Хаттабыч, буйгатске. Оло тӥ Тол бабаез ӧтьыны милемлыюрттоды? Со ик кыз вылысь тылъёсты но ӝуатоз.

Хаттаб (пальтозэ дӥсяса): Я, мыным кошкыны но дыр вуиз ини. Татын туж салкым луиз, нош мон кезьытлэсь кышкасько. Шуныт шаерам лобо ни. Ӟеч луэ мусолэсь но мусоосы, визьмолэсь но визьмоосы!

(Хаттабыч Лымы ныллэсь кизэ чупа. Кошке)

Нуись: Пиналъёс, Тол бабай матын ни! Сюрессэ медаз ышты шуыса, ойолэ ӵошен ӧтёмы сое: Тол бабай лыкты ӝоггес, ӵошен луоз шулдыргес!

(Пиналъёс Тол Бабаез ӧтё. Тол бабй кырӟаса пыре, ӟечкылан кылъёс вера)

Нуись: Тол бабай, кызмылэн тылъёсыз уг ӝуало. Юртты вал милемлы.

Тол бабай: Одӥг, кык, куинь, бодые юрты ай мыны кызлэсь тылзэ ӝуатыны! (бодыеныз куинь пол шукке)

(Кызлэн тылъёсыз ӝуатско. Пиналъёс «К нам приходит Новый год» кырӟанэз кырӟало)

Тол бабай: Выль арен! Выль шудбурен! Пиналъёс, мон тӥледлы выль кырӟан ваи. Ойдолэ кыз котырын бергаса кырӟаломы.

(Пиналъс кыз котырын ветло. «Шел веселый Дед Мороз» кырӟанэз кырӟало. Кырӟан бырем бере Тол бабай эктэ)

Тол бабай: Бадӟым тау тӥледлы, пиналъёс. Кырӟады монэмын кырӟан. Нош али вералэ ай, кельше а тӥледлы тол куазь?

Лымы ныл но пиналъёс: Тол куазьлэсь ум пегаське, кезьытлэсь ум кышкаське!

Нуись: Тол бабай! Ойдо милемын ӵош шудомы. (шудо «Заморожу» шудонэн)

Тол бабай: Нош Выль ар сярысь кылбуръёсты тодӥськоды-а? Туж кылзэме потэ мынам!

(Пиналъёс черодэн кыз дорын кылбуръёс верало. Тол абай пуконэ пуксьыса кылзэ)

Лымы ныл: Тол бабай, нош тон кызьымъёсыд сярысь ӧд вунэты-а?

Тол бабай: Куто али асьлэьтым волшебной бодыме! Нош кытын бен со? Пиналъёс, тӥ ӧд адӟе а? (Обыда Тол бабайлэн тыбыр сьӧраз ветлэ)

Тол бабай (берыктӥське, Обыда киысь бодыса берен басьтэ): Нош ик аламазэ лэсьтон сярысь гинэ малпаськыса ветлиськод, Обыда. Мон тонэ али ик кынто! (Бодыеныз куинь пол музвылэ шукке)

Обыда (кесяське): Дугды, оло маар эн даурты, дугды пересь... (сереем луыса кынме)

(Кытӥ-матӥ Бармалей бызьса пырее. Обыдаез жаляны кутске)

Бармалей: Ах, тон мынам Обыдае, кызьы мон тонтэк табере улом? Тол бабай! Тол бабай! Ойдо мон тыныд фокус возьмато. Тыныд кельшиз ке, Обыдаез берен шунтод.

Тол бабай: яралоз, Обыдаез шунтӥсько. Берпуметӥзэ солы оскисько. Одӥг, кык, куинь, улӟы!

Обыда: Ой, маар монэмын луиз? Мынам мар ке но ӟечсэ лэсьтэме потэ.

Тол бабай: Мар?

Обыда: Пиналъёслы кузьым кузьмаме потэ.

Тол бабай: Озьыен иське, пиналъёс, басьтэлэ кузымъёстэс (Тол бабаен Обыда пиналъёслы кузьымъёс сётъяло)

Тол бабай: Ӟеч лу шуом ог-огмылы

Люкиськомы эшшо одӥг арлы.

Нош собере буран пельтоз,

Тол бабайды кезьыт ваёз.

Лымы ныл: Пиналъёс, тӥ ми сярысь эн вунэтэ. Ми нош ик вуом куное. Дасяса улэ кырӟанъёстэс, кылбуръёстэс. Ми тӥледлы ваёмы кузьымъёсмес!

(«Ах, карнавал» крезьгур улсын пиналъёс вальс экто нокитӥзы кутӥськыса «До свиданья, Дед Мороз» кырӟан кырӟало).

Пумыз.