Yхибγγдэй бэшэhэн шγлэгγγд

Бγргын дунда hургуулиин hурагшадай туршалганууд

Гомбоева Аранчина, 9-дэхи ангиин hурагша

Бγргэмни

Боро олон хадануудтай

Баян ара мододтой

Байса хангай уулатай

Бγргэ hайхан нютагни.

Хонгор дуулим дайдатай

Хγбшэ тайга элбэгтэй

Хγхын дуугаар зэдэлэнхэй

Холшор наhанай нютаг.

Yнэтэй аршаан булагуудтай

Yнинэй тγγхэ домогуудтай

Yндэhэн буряад хэлэтэй

Yлгы тоонто нютагни.

Табан хушуу малаа

Тала дайдаар γдхэжэ,

Тоhо γрмɵɵр билтарhан

Тγрэhэн тоонто Бγргэмни.

Бγргэ голнай

Эрьеhээ билтаржа халиhан

Эршэтэй Бγргэ голнай

Эрьюулгэ уhые тогтоохо

Эрьюулдэг эрсэгтэл адлишуу.

Дайдаhаа сэсэржэ hабатаhан

Дээдэхэн Бγргэ голнай

Гγлгэлхэ hɵɵгγγдэй задарха

Гγрбэлɵɵ гэзэгэдэл адлирхуу.

Нютагни

Бγргым баруун талада

Арюун хадын дэргэдэ

Бултанай тγшэг болоhон

Бата-Сагаан обоомнай.

Байса ехэ ууламнай

Булагаймнай арюун эхин.

Буурал хангай Байсамнай

Бγгэдэ зоной найдал.

Адуу малаар баян

Аглаг hайхан Бγргэмни.

Арюун мэндэ хγгжэн,

Арюухан ходо байгыш!

Эжын hайндэр

Хабар газаамнай ерэжэ,

Мартын найман болохонь.

Агуу эжынэрэй hайндэр

Мэнэ дγтэлжэ ерэхэнь.

Эжыгээ энэ γдэрɵɵр

Yнэн зγрхэнhɵɵ амаршалхаб.

Ута наhа, удаан жаргал

Эдлэхыень хγсэхэб.

Цыреторова Оюунбэлиг, 11-дэхи ангиин hурагша

Албанда байhан хγбγγдтээ

Албанда байhан хγбγγдээ

Аба эжынь хγлеэнэл.

Амиды мэндэ бусахыень

Аман соогоо шэбшэнэл.

Энхэргэн зулгы эжыдээ,

Эрдэни мэтэ абадаа

Эльгээжэ мэндэеэ ходо

Эльгэ зγрхыень баясуулыт.

Хэды айлай хγбγγд

Холын тэрэ дайнда

Хэнэй тγлɵɵ тулалданаб,

Хайран амияа γгэнэб?

Хγшэр тэрэ албанай

Хγтэл дабаа дабажа,

Хγрэжэ ерыт нютагтаа

Хγлеэнэл танаа тоонтотнай!

Алтан намар

Халуун намар γнгэржэ,

hэрюун намар ерэбэ.

Наран hулаар шаража,

Намарай шэнжэ γзэгдэбэ.

Модод γнгɵɵ хубилгажа,

Сэсэг ногоон хагдарба.

Алим жэсэс эдеэшэжэ,

Алтан намар айлшалба.

Ахаймни

Хγлэг морео барижа,

Хγнгэн эмээлээ тохожо,

Хара тγмэр дγрɵɵдɵɵ

Хγлɵɵ хэжэ мордоно.

Аажам γргэн тала дээгγγр

Адуу малаа харахаа,

Хγдэр шангаар нэшэжэ,

Хγлэг морео гγйлгэнэ.

Бэлшэhэн малаа харажархеод,

Боро хγлэг мориео

Хашаан соогоо табижархеод,

Хоолтой γбhэ γгэнэ.

Гонгоров Соёл, 6-дахи ангиин hурагша

Тоншуул

Тγрэл тоонто нютагтам

Тоншуул гэжэ шубуун бии.

Модо шулуу тоншохо

Мундуу ехэ дуратай.

Тон-тон тоншоходом,

Толгоймни γбдэнэ гэдэг.

Хорхой шумуул бэдэржэ,

Хамагта туhа хγргэдэг.

Унаган

Жаахан унаган гγйнэ

Жаргалтай эхэеэ тойроод.

Жаахан хонхонь жэнгирнэ

Жалга талые сууряатуулан.

Хадын захаар бэлшэнэ

Хабатай ургы амтархан.

Шааяhан горхондо бууна

Шомшорон уhа уухаяа.

Хоер жэлэй γнгэрхэдэ,

Yреэ боложо hургуулхаш.

Yе сагай γнгэрхэдэ,

Хγнэй нγхэр болохош.

Найда

Абам намда

Асараа нэгэтэ

Хɵɵрхэн энээхэн

Харахан гγлгэ.

hγγлээ хγдэлгэн

hγрэнэ тойроод.

Намдаа эрхэлнэ

Найда нохоймни.

Велосипед

Намда велосипед

Городhоо эльгээгээ.

Тэрээндээ hуугаад,

Харайлгаха дуратайб.

Добоhоо доошоо

Тγргэн буушанаб.

ɵɵдɵɵ гарахада,

Тон хγндэ болошонол.