Ыктымалдыктар теориясынын пайда болушу

Ыктымалдар теориясынын пайда болушу.

• Ыктымалдар теориясы деле математиканын башка тармактары сыяктуу эле практиканын жана илимдин ички керектөөлөрүнөн пайда болгон жана өнүккөн. Адегенде ал кумар оюндарынын жыйынтыктарын алдын ала божомолдоодо керек болгон. Ал эми азыркы учурда өндүрүштөгү, соодадагы жана экономикадагы ж.у.с массалык процесстерди изилдөөдө колдонулат.

• Биз жашаган мейкиндикте материалдык нерселерден башка дагы, ар кандай чексиз көп окуялар орун алышкан, тагыраак айтканда мейкиндикте убакыт боюнча көптөгөн окуялар болуп турат. М: Күндүн чыгышы жана батышы, жердин титиреши, суунун ташкындоосу, жаандын жаашы, адамдардын эмгектениши ж.б.у.с

• Ыктымалдар теориясы – айлана –чөйрө дүйнөсүнүн объективдүү мыйзам ченемдүүлүктөрүн изилдөөчү математика илиминин бөлүгү болуп саналат.

• Айрыкча ал дүйнөдөгү кокус окуялардын (кубулуштардын) массалык процесстерин изилдеп окуп-үйрөтөт.

• Буга чейинки математикадан таанышка маселелер, тажрыйба жыйынтыктары бир маанилүү түрдө аныкталган окуялар менен байланышкан, ал эми ыктымалдыктар теориясында тажрыйба жыйынтыктары бир маанилиүү эмес, так эсепке алынбай турган кокус тоскоолдуктардан да көз каранды болгон маселелер каралат. Мисалы, ташты колдон түшүрсөк, анын ылдамдануу менен жерге түшүүсү аныкталган кубулуш. Ал эми металл тыйынды колодон түшүрсөк анын герб же номер (сан) түшөөрү бир маанилүү аныкталбаган кубулуш.