Ылдамдануу жана анын бирдиги

Негизги багыттар

Мугалимдин иш аракети

Окуучунун иш аракети

Уюштуруу учуру

Класстын сабакка даярдыгына, окуучулардын сабакка катышуусуна, класстык журналдын белгиленишине көңүл буруу

Окууга керектуу каражаттарын даярдашат

Өтүлгөн материалды кайталоо

1.Ылдамдык деген эмне жана ал кыймылдын кандай касиетин мүнөздөйт?

2.Ылдамдыктын бирдиктери

3.Ылдамдыкты өлчөөчү курал

4.Бир калыптагы түз сызыктуу кыймыл деген кандай кыймыл?

Окуучулар жооп беришет

Сабакка шыктандыруу

-Кыймылдын тездигин кантип аныктайбыз?

-Орточо ылдамдык деген эмне?

-Бир калыптагы кыймылдын графиги кандай болот?

Ой жүгүртүшөт

Жаңы материалды түшүндүрүү

Бир калыптагы эмес кыймылды мүнөздөөчү чоңдук – ылдамдануу болуп эсептелет.

Мисалы светафорго жакындаганда автомобиль ылдамдыгын азайтат, светофордон жөнөй бергенде ылдамдыгын жогорулатат. “азайтат” жана “жогорулатат” деген сөздү ылдамдануу алмаштырат.Ылдамдануу ылдамдыктын өзгөрүү тездигин мүнөздөйт.

Убакыт бирдиги ичинде ылдамдыктын өзгөрү- шүн мүнөздөөчү физикалык чоңдук ылдамдануу д.а.

Ылдамдануу “а” тамгасы менен белгиленет жана СИ системасындагы бирдиги ( м/с²)

υ - υ_о

а =----------

t же а= (υ-υ_о)/t

υ_о – кыймылдын баштапкы ылдамдыгы,

υ – кыймылдын акыркы ылдамдыгы,

t – кыймылдаганда кеткен убакыт.

эгерде а менен υ нын багыты дал келсе кыймыл ылдамдатылган болот, ал эми карама каршы болсо акырындатылган болот, эгер ылдамдык турактуу болсо ылдамдануу нолго барабар болот.

Ылдамдануунун формуласынан кыймылдын акыркы ылдамдыгы табалы:

υ-υ_о= аt мыдан

υ=υ_о + аt болот, ал эми υ_о=υ - аt

Маселелер чыгаралы:

3-көнүгүү п.1

а=3 м/с² Бул эмнени билдирет

жооп: бул 1 секундада ылдамдык 3 м/с га өзгөрөт дегенди билдирет

п.5

Ордунан козголгон автобус 50 с ичинде ылдамдыгын 15 м/с га көбөйттү. Ылдамдануусу эмнеге барабар?

Берилди: формуласы Чыгаруу

υ_о=0 а=(υ-υ_о)/t а=(15-0)/50 =0,3м/с².

υ =15 м/с

t =50 с

а=?

П.8 Аялдамадан 0,5м/с² ылдамдануу менен чыккан автобус, канча убакыттан кийин ылдамдыгын 10м/с га жеткире алат?

Берилди: формула Чыгаруу

а=0,5 м/с² а=υ/t мындан

υ_о= 0 t= υ/а t=10/0,5=20с

υ =10м/с

t=?

169 беттен үйгө тапшырма

№4

36 км/саат менен кыймылдап келе жаткан автобус, тормоз бергенден кийин 4секундада токтойт. Автобустун ылдамдануусу кандай?

Мугалим менен бирге иштешет

Теманы бышыктоо үчүн суроолор жана маселелер

1.Ылдамдануу кыймылдын кандай касиетин мүнөздөйт?

2.Ылдамдануунун формуласы кандай,бирдигичи?

3. 3-көнүгүү п.1 кандай түшүнөсүңөр?

Окуучулар жооп беришет

Окуучуларды баалоо

Сабактын жүрүшүндөгү ар бир окуучунун эмгеги эсепке алынат.

Баа күндөлүккө коюлат

Теманы жыйынтыктоо

Бугунку сабакта ким кандай түшүндү теманы ошол боюнча маалымат калтыргыла

Окуучунун тема боюнча пикири

1.Мен жакшы түшүндүм, айтып бере алам.

2.Мен түшүндүм ,бирок маселе чыгарууда кыйналып калдым.

3.Мен үчүн оор болуп турат, себеби ...

Жазып калтырышат

Үй тапшырмасы

Физика 7-кл § 9 3-көнүгүү п. 7,8

Белгилеп алышат