Yреэлнүүдэй мүрысөөн

Амар мэндээ!

Хундэтэ манай багшанар, һурагшад, уеынмнай нγхэд!

Буряад хэлэнэйнгээ һайндэртэ ерээд байхадаа,

Булта гое һайхан γреэлнγγдээ хэлсэёо!

Ашата һайхан γреэлнγγдээ

Сэсэглγγлжэ ябаёо,

Арад зонойнгоо дунда

Дэлгэрγγлжэ ябаёо!

Хэлэһэн һайхан γреэлнай

Хэтэдээ дуулдан байг,

Хэлгэ сагаан заяамнай

Хэзээдээ мγнхэ байг!

Эдир залуу наһаяа

Эрдэм бэлигээр шэмэглэгты,

Энхэ тайбан заяагаа

Эрэмдэггγйгоор эдлэгты!

Булта һайнаар һурагты,

Эрдэмэй дээжэ абагты.

Эхэ һайхан орондоо

Эрхим хγнγγд бологты!

Эдир наһанһаа

Эрдэмдэ һурагты,

Бага наһанһаа

Баранда һурагты!

Балшар бага наһанһаа

Бэлигэй γреэл абаарайгты,

Дээдэ эрдэмэй һургаалһаа

Дээжынь абажа ябаарайгты!

Холые зорихо гээ һаа

Дγтэһѳѳ эхилээрэйт,

Ехые ойлгохоор шиидээ һаа

Багаһаань эхилээрэйт!

Жэл ерэхэдэ ехэ боложо,

Дээшээ һуража эрдэмтэй болооройт,

Багшын һайгаар эрдэмдэ һуража,

Абын һайгаар ажалда һураарайт!

Эрдэмые шудалха гээ һаа

Эхи захадань гарагты,

Аба эжыгээ хγндэлхэ гээ һаа

Аяга сайгаа аягалжа ябагты.

Жаргалта нангин харгыда орожо

Жаран жэлэй жаргал бэдэрхэт.

Ажалай жолоо шангаар барибал,

Алдар солодо хγртэжэ ябахат!

Бадарһан зулын гэрэл мэтэ,

Баглаа сэсэгγγдэй γнгэнγγд шэнги,

Буряад арадайнгаа заншал барин,

Бултадаа элγγр мэндэ ябагты!