Загадки на кумыкском языке

Чечеген ёмакълар

Мамукъдай ап-акъ бола,

Гюнню гёрсе, ёкъ бола.

Яшлар ятып

Бетден сала.

Къарда батып,

Гьызы къала

Акъ мамукъдай сувукъда,

Сув агъа от ювукъда.

Къышда къыр ондан тола,

Билигиз, бу не бола?

Билигиз, бу не заман бола?

Сызгъыры еллер,

Боранлар борай.

Бузлагъан ерлер,

Яшлар сыргъалай.

Ап-акъ яйывлар.

Ининде юхлай

Яллы аювлар

Къатты сувукълар.

Бузлагъан сувлар.

Бу чакъны атын

Январда

Къалкъылар-къар, кёллер-буз,

Къызлар тургъан бир бутдан.

Яшлар ёлка этгенлер,

Йыр тавуш геле юртдан.

Бизин ёлка.

Тавда ёлка,

Тюзде ёлка,

Сизде ёлка,

Бизде ёлка!

Сизге барайыкъ,

Бизге гелейик,

Кимни ёлкасы

Арив, гёрейик.

Бизин ёлкабыз

Тюрлю тамаша.

Ярыкъларына

Гёзюнг къамаша.

Бутакъларында

Къыр жанлар яшай.

Бизин къутлама

Гелгенге ошай.

Гьона, Атъялман,

Къолунда къозу.

Магъа савгъатгъа

Гелтирген къозну.

Бу да Тюлкюжан,

Бу – Аювакъай,

Яхшы яшлагъа

Гелтирген къакъай.

Бу да Дед Мороз,

Орус а таты.

Ёкъдур яшлардан

Кёп сюйген заты.

Байрам пай бере

Яхшы яшлагъа,

Бешге охуйгъан

Къатарбашлагъа

(М. Атабаев).

Къыш къайда?

Къар уьлеше къыш къырда,

Сют ферманы ягъында.

Чал сакъалын тарагъан,

Гийген акъ папахын да.

Еллери орманларда

Бир солкъ бола, бир къыза.

Ассаламу алейкум,

Сакъаллы Сувукъмурза!

Мен къолумну беремен,

Къыш сыртын бере магъа.

Сырт ер тюшюп турамы

Бизге чана чапмагъа!

(Гь. Анвар.)

Ёлка.

Ёлка, ёлка, ёл-ёлка,

Бердик къолгъа къол, ёлка.

Биз сени бек сюебиз,

Бизге гьар йыл бол, ёлка!

Бизин ёлка-бай ёлка,

Гёзел ёлка, дай ёлка,

Айланасы юлдузлу,

Кёкде болгъан ай ёлка,

Ёлка булан ойнайбыз,

Ёлка йырлар йырлайбыз.