Зенаатлар.Мал экими.

3 сыныф

Мевзу.Зенаатлар.Мал экими.

Дерснинъ макъсады: Талебелерни зенаатларнен таныштырмакъ; «Мал экими» метинини окъумакъ,терджиме этмек; метин боюнджа суаллерге джевап бермек; лугъат теркибини янъы сезлернен зенгинлештирмек.

Бекленильген нетиджелер: Талебелер зенаатларны менимсейлер; окъугъан метин боюнджа суаллерге джевап берелер; эсас фикирни къайд этмеге огренелер; метинде янъы сёзлерни тапып сёс байлыгъыны арттыралар;башкъаларнынъ нутукъларыны динълемеге ве анъламагъа алышалар.

Дерснинъ чешити: янъы мевзуны огренюв дерси.

Донатмалар: Дерсликлер, ресимлер, карточкалар,ПК.

Дерс кетишаты

1.Тешкелий дакъкъа

Селямлашув. Дерске азырлыкъны тешкерюр.

2.Эв ишини тешкирюв

Къач? Не къадар? Къачынджы? суаллерине 10 ракъам язып кельмек.

3. Бильгилерни актуаллештирюв ве дерс макъсадларыны къоюв

Кечкен дерсте биз саатнен таныш олдыкъ,

-Бир саатнынъ ичинде къач дакъикъа бар?( 60 дакъикъа)

-Бир дакъикъада исе къач сание бар?(60 сание)

-Кичик окъкъа саатлер окъчыгъы ве даа насыл айтамыз?(Акъреп)

-Дакъикъалар окъчыгъынын адыны даа насыл айтмакъ мумкюн?(Елькъуван)

Оджа янъы мевзугъа кече.

- Балалар, бугунь биз зенатларнен таныш оладжакъмыз, «Мал экими» метинини окъуджакъмыз.

-Сизинъ энъ севген зенаатынъыз насыл?(2-3 талебе джевап бере.).

Тахтада зенатларны косьтерген ресимлер бар.

Талебелер тахтагъа чыкъып, зенаатларны язалар.

4.Дерс мевзусы узеринде иш.

Дерсликнен чалышув.

Оджа «Мал экими» метинини окъуй, талебелернинъ бильмеген сёзлерини терджиме эте. Талебелер метиннинъ эсас фикирини тапып бельгилейлер.

Балалар невбетнен метинни окъуйлар,терджимесини япалар. Янъы сёзлерни лугъатларгъа язалар.

5.Раатлыкъ дакъкъасы.

Бар меним эки козюм,

Эки сырдашым-къашым.

Бир агъызым,эки янакъ,

Бурнум ве эки къулакъ.

Эки къолум,он пармакъ,

Бир башым,эки аякъ,

Беденимде къальбим бар,

Инсан деген адым бар.

(Э.Усеин)

6.Дерс мевзусы узеринде ишни девам этюв

Талебелер суаллерге джевап берелер.

-Мал экими не япа?(Айванларны девалай.)

-Земаневий мал экими насыл айванларны девалай?( Экзотик ве йыртыджы айванларны.)

-Бу эким къайда чалыша?(Ферма,лаборатория,цирк ве чешит питомниклерде.)

Дерсликте берильген вазифени беджерюв.

48с. Джумлелрни девам этинъиз.

7.Рефлексия

Бугунь мен … … .

Мал экими … … .

Бу зенаат … … .

8.Эв иши

«Меним бегенген зенаатым» инша язмакъ.

Дерсни ишлеген:

Османова Зинара Руслановна

МБУМ 23-санлы мектебининъ къырымтатар тили ве эдебиятынынъ оджасы