«Ж» дыбысы мен әрпі

Білім беру саласы: «Коммуникация»

Пән:Сауат ашу негіздері

Өтпелі тақырып: Қазақстан халықтарының салт-дәстүрлері

Тақырыбы: «Ж» дыбысы мен әрпі

Мақсаттары:

Тәрбиелік: Ғарышкерлерге деген құрмет сезімін тәрбиелеу

 Дамытушылық: Өзара бірлесіп жұмыс істеу дағдыларын жетілдіру

Оқыту: Ғарышкерлер туралы білімін кеңейту. Балаларды «Ж» дыбысы және әрпімен таныстыру.Тақтадан «Ж» әрпі бар сөздерді тауып оқи алу,берілген сөзге сөйлем құрай алу дағдыларын арттыру.  «Жоба», «Жаға» сөздеріне дыбыстық талдау жасату. Қоңыз сызбасын салуға үйрету

Педагогикалық технологиялар:  Түсіндіру, сұрақ-жауап, тақпақ

Ресурстармен қамтамасыз ету:  Тақырыпқа байланысты көрнекіліктер

Көптілділік:әріп,буква,latter

 Ұйымдастырылған оқу қызметінің барысы:

1.Ұйымдастырушылық кезеңі:

-Дыбыстар қандай болып екіге бөлінеді?

-Дауысты дыбыстарды атап беріңдер?

-Дауыссыз дыбыстарды атап беріңдер?

2.Негізгі бөлімі:

Жұмбақ жасыру:              

Күндіз бәрі қашады,         

Түнде аспанды басады.

                                            (Жұлдыз)          

 Ішіне тамақ, салынған,        

 Есігі тастай жабылған

                                         (Жұмыртқа)  

- Жарайсыңдар, бұлсөздер қандай әріптен басталып тұр? 

-Жұлдыз, жұмыртқа сөздері қандай дыбыстан басталады?

«Ж» дыбысын айтайық. Балалар біз бүгін «Ж» дыбысымен танысамыз.

Балалар «Ж» дыбысы дауысты ма , дауыссыз ба, тексерейік.

-Енді балалар жоба, жаға сөздерін  шапалақ арқылы буынға бөлейікші.

            Тақпақ оқу.

Жау-жау жаңбыр, жау жаңбыр!

Жауған жаңбыр, жауған нұр.

Жердің шаңы басылсын,

Гүлдің қауызы ашылсын.

Текшелер арқылы жоба,жаға сөздерін жазғызу.

Д/о: «Біз зерекпіз» Дыбыстарды,буынды,сөзді атау. «Ж» дыбысы бар дыбыс,буын,сөз кездескенде қолдарың көтеріп шапалақтау.                          

П,с,р,ж; д,ж,л,а; з,е,в,ж. (дыбыс)

 На-,са-,жа-,се-,ла-,жу-,да-,жи. (буын)       

Таға,жаға,алға,жыл,сағат, жылқы, доп, жас.(сөз)

Балаларға «Ж» әріпінің баспа түрін  тақтаға жазып көрсету.«Ж» әріпін әдемі етіп ауада жазайық.

Тәрбиеші балаларға дәптердегі үлгі бойынша «Ж»әріпін жазуды ұсынады.

            Сергіту сәті.

Топ-топ етіп басайқ,

Жалаудан күн жасайық.

Жаса-жаса жарқын күн,

Жаса-жаса алтын күн.

«Менің көжегім» тақырыбы бойынша әңгіме құрайды.М/лы: көжек сәбізді жақсы жейді.

Д/о: «Кім жылдам ?»

Балаларға «Ж» дыбысына  жылдам сөз ойлап табуды ұсынады.

3.Қорытынды:Балалар бүгінгі сауат ашу сабағы сендерге ұнады ма?

-Қандай әріптермен таныстындар.

 Сабаққа белсене қатысқан балаларды  мақтау – мадақтау.