«оқытудың үшөлшемді әдістемелік жүйесі» технологиясын тиімді пайдалану

 «ОҚЫТУДЫҢ ҮШӨЛШЕМДІ ӘДІСТЕМЕЛІК ЖҮЙЕСІ» ТЕХНОЛОГИЯСЫН ТИІМДІ ПАЙДАЛАНУ

арнайы пән оқытушысы А.А.Дуйсенбаева

      Бүгінгі таңда Елбасының «Рухани жаңғыру» бағдарламасы аясында нәтижелі білім беру, ұлттық сананы ояту, ғылым мен білімді жаңа тұрғыда, жаңа әдісте дамыту оқытушылар үшін маңызды болып отыр. Келешек еліміздің тірегі – біздер тәрбиелеп өсіріп отырған студенттеріміз деп білемін. Жаңа заманға лайық жаңа білім, жаңа тәрбие беру– өмір талабы. Оқитын пән қаншалықты жаңа, бағалы болса да, оқытушының  шеберлігі  студенттің  белсенділігін туғыза алмаса, берген білім  күткен нәтиже бермейді. Білім алушының адам ретінде қалыптасуы белсенділік арқылы жүзеге асады. Ал сол белсенділікке қол жеткізу үшін, оқытушы кем дегенде білім берудің 10 технологиясын меңгеруі керек деп санаймын. Электротехника және электроника пәндерін оқытуда төменде көрсетілген технологияларды тиімді пайдалану студенттердің алғашқы инженерлік пәнді біліп, түсініп қана қоймай қолдана алуына жағдай туғызады.

       Осы технологиялардың ішінде менің ізденісіме түрткі болған Ж.Қараевтің «Оқытудың үшөлшемді әдістемелік жүйесі» технологиясы. Ж.Қараев бойынша: Деңгейлеп оқыту әр студентке өз мүмкіндіктерін барынша пайдалана отырып, білім алуына жағдай жасайды. Әр түрлі категориядағы оларға бірдей зейін аударып, олармен саралай жұмыс істеуге мүмкіндік береді. Осындай іс-әрекеттер  арқылы студенттер оқу материалдарын әр түрлі деңгейде қабылдап, ашық журналға өздеріне әділ баға бере алады.Осы тұрғыда арнайы пән оқытушысы ретінде,Электротехника пәні бойынша деңгейлік тапсырмалар жиынтығынан тұратын жұмыс дәптерін жасау қолға алынды. Қалалық деңгейде Колледждер қауымдастығының төрағасы Ж.Азизханов мырза  пен қалалық әдістемелік кабинеттің ұйымдастыруымен «Оқытудың үшөлшемді әдістемелік жүйесі» педагогикалық технологиясы – сапалы білімнің кепілі»   тақырыбында өткізілген семинар алдағы күнде біздің де колледжде өз жемісін берері сөзсіз.