Жалт-жұлт еткен балық

Білім беру саласы: «Шығармашылық»

Пән: Мүсіндеу

Өтпелі тақырып: Жылғалардан су ақты

Тақырыбы: Жалт жұлт еткен балық

Мақсаты:                                                                                                                                   Тәрбиелеу: Балықтан жасалатын тағамдарды пайдаланып ғана қоймай,ұқыптылыққа,әдемілікке,тындырымды істеуге тәрбиелеу .                

Дамыту: балалардың сөздік қорын молайтып, ой-өрісін, тілін, қиялын дамыту                                                                                                                                          Оқыту: Түрлі балықтардың ерекшеліктерін беруге үйрету. Жұмысты қосымша бөліктермен толықтыру. Мүсіндеуде рельефтік мүсіндеумен таныстыру, балықтардың әртүрлі көлемдегі түрлерін жасау әдісімен таныстыру.

Педагогикалық технология: қайталау, сұрақ-жауап, түсіндіру, ойын.                             Ресурстармен қамтамасыз ету: Суреттер

Ұйымдастырылған оқу қызметтінің барысы:

1.Ұйымдастырушылық кезеңі:

Шаттық шеңбері

Достар бірге жүреміз,

Бірге ойнаймыз, күлеміз.

Бірге балық аулаймыз

Міне , біздер қандаймыз!

Орман , көлге, шыңғ біз

Сяхатқа шығамыз.

Бөлінбейді іргеміз ,

Әрқшанда біргеміз!

Әрқашан тілектес

Досыңа көмектес.

  2.Негізгі бөлім:                                      

Шаңқ – шұңқ еткен үні жоқ,

Сусыз оның күні жоқ,

Жүріп кетсе соңында,

Қалып жатқан ізі жоқ.

- Бұл не балалар? (Балық)

-Балық –суда тіршілік етуге бейімделген. Құрғақта өмір сүре алмайды. Балықта өкпе жоқ, олар желбезегі арқылы демалады. Балық түрі өте көп.

Балықтың суретін көрсетіп, дене құрлысына талдау жасайды. Суреттен балықтың желбезегін, жүзбеқанатын, құйрығын,қабыршақтарын көрсетеді.Олардың қандай қызмет атқаратынын сұрайды.

-Балалар, балықтарды адамдар не үшін аулайды? Оның қандай пайдасы бар?

-Балықтар азайып кетпеуі үшін оған қандай жағдай жасау керек?

Үлестірмелі материалға назарларын аударады.

-Адамдардың дұрыс қарамауынан өзен түбіндегі балықтардың бәрі қашып кетіпті.

Біз осы өзен түбіне балықтарды жасап жіберіп,өз қамқорлығымызға алайық.

Алдымен бойымызды сергітіп алайық.

Сергіту сәті.

Балық суда жүзеді,

Жып - жылтыр боп бүйірі,

Қолға түспей қашады,

Ұстағым кеп шаршадым.

Тәрбиеші балықты жасау тәсілін көрсете отырып түсіндіреді.

-Жұмысты топтарға бөлініп істейміз.

Домалақтанған ермексазды созу арқылы сопақша пішінге келтіреміз.

Үш жағы сүйірленіп келген сопақша пішінді тақтайша бетіне қойып, алақанмен жаншу арқылы жалпақтаймыз.Енді балықтың жүзбеқанатын,құйрығын жасап аламыз.Оларды денесіне біріктіреміз. Кішкентай көз жасап , басына орналастырамыз. Аузын ермексаз кескішпен белгілеп көрсетеміз.Кескішпен денесіне қабыршақтың суретін салып шығамыз. Енді әр топ өздері жсаған балықтарын судың ішіне орналастырады.

Дидактикалық ойын:

Балық қайда өмір сүреді?

тәрбиеші мына сөздерді айтады: суда,уйде,көлде,жерде,теңізде,жағада,бөлмеде,өзенде,қорада,орманда, далада…

      3.Қортынды:

- Біз бүгін не істедік?

- Балық несімен дем алады?

- Балықтың несі жоқ?

- Балықтың денесін не жауып тұрады?

- Жарайсыңдар, балалар, жасаған балықтарың әдемі шығыпты