"Жасыл шырша жанында" тех карта

Оқу қызметінің

кезендері

Тәрбиешінің іс-әрекеті

Балалардың

іс-әрекеті

Мотивациялық- қозғаушылық

– Сәлеметсіңдер ме, балалар! Қазір жылдың қай мезгілі?

– Ауа райы қандай? (Балалардың назарын әдемі шыршаға аударады). Біздің топта мынадай әдемі шырша бар екен. Ойыншықтары қандай әсем.

Тәрбиешінің сұрақтарына жауап береді.

Ұйымдастырушылық-

ізденістік

№ 17 демонстрациялық материал

Тәрбиеші балаларға суретті мұқият қарауды ұсынады. Содан соң А.Асылбековтың «Жаңа жыл» өлеңін мәнерлеп оқиды.

Жаңа жыл, Жаңа жыл!

Жаңа жылда жаңа жыр!

Жасыл шырша жанында

Билеп барлық бала жүр.

Балалардан не туралы оқығанын, суретте не көріп тұрғандарын сұрайды.

– Шырша түсі қандай екен?

– Шырша – Жаңа жылда безендірілетін қылқан жапырақты ағаш.

– Ол ұзын ба әлде қысқа ма?

– Қандай түсті ойыншықтары бар екен?

– Шыршаны айналып кімдер жүр? Не үшін? (Мерекелік шаттық шеңбері).

Жаңа сөздермен жұмыс:

Шырша-ёлка, Аязата-ДедМороз, Ақшақар-снегурочка.

Балаларға өлең жолдарын жаттауды ұсынады.

– Жаңа жыл, Жаңа жыл!

– Жаңа жылда жаңа жыр!

«Жа-сыл шыр-ша жа-нын-да»

Билеп барлық бала жүр» деген өлең жолдарын педагог бірнеше рет қайталап, дыбыстарды естірте мәнерлеп оқиды. Алдымен барлық балаларға, кейін жарты топқа, содан кейін бір балаға қарап оқиды.

Тәрбиеші өлеңді екі рет мәнерлеп оқып шығады. Өлеңді балалардың барлығына хормен қайталатады, бірнеше топқа және 2–3 балаға жеке-жеке айтқызады.

Сергіту сәті:

Қандай суық қыс деген?

Қалтырайды қыс деген.

Құлақшынды кимесең,

Құлағыңды тістеген.

(А. Асылбеков).

№ 17 үлестірмелі материал

Шарты: шыршаның ойыншықтарын жабыстыру.

Балалар өлең жолдарын тыңдайды.

Сұрақтарға жауап береді.

– Жасыл түсті шырша.

– Шыршаның түсі жасыл. Ол ойыншықтармен безендірілген.

– Балалар,Аязата, Ақшақар.

Балалар қайталайды:

Шырша-ёлка, Аязата-ДедМороз, Ақшақар-снегурочка.

Өлең жолдарын бірнеше рет қайталап айтады.

Қимылын келтіріп жаттығуды орындайды.

Балалар шыршаның ойыншықтарын жабыстырады.

Рефлексиялық-

түзетушілік

– Балалар, өлең ұнады ма?

– Өлең не туралы екен?

– Қандай сөздер естеріңде қалды?

– Дұрыс, шырша, жасыл, жаңа жыл.

– Кім өлеңді айтып береді?

Сұрақтарға толық жауап беруге тырысады.