Жат жазуулар жыйнагы

Жат жазуу

Жусуп Баласагын

Жусуп Баласагын азыркы Токмок шаарынын үстү жагындагы Кегети айылында туулган.Ал он биринчи кылымда жашап өткөн.

Ал өзү жашаган доордун даанышманы болгон. «Куттуу билим» аттуу эмгегин жаратуу менен дүйнөгө өзүнүн атагын калтырган.Ал эмгегинде терең философиялык ойлорду батырган. Асман менен Жердин байланышын, жаратылыштык кубулуштарды,астрономиялык байкоолорду,жылдыздардын аталышын жана башкаларды ыр аркылуу берген.

Чыгарма эң жөнөкөй адам мамилелеринен бери камтыйт.Конокко чакыруу,конокко кандай баруудан баштап,аскер башкаруучу кандай болуш керектигин,жаш кезде кандай,карыганда кандай тамак ичүүдөн бери айтат.Турмуш куруу,баланы кандай тарбиялаш керектигин тарбия катары калтырат.Дарыгер,соодагер менен кандай мамиле түзүштү көрсөтөт.Байлык деген эмне,тил деген эмне жана башка маанилүү нерселердин бирин калтырбай насаат катары жазып кеткен.Ал эмгек азыр да дайыма пайдаланылуучу эмгектердин катарына кирет.

(121сөз)