Жеңилбес жетөө таймаш

№ 16 С.Нурманбетов атындагы жалпы орто билим берүүчү мектеби

Даярдаган мугалим:Жетимиш кызы Айтолкун

Сабактын темасы:ЖЕҢИЛБЕС ЖЕТӨӨ.

ТАЙМАШ САБАГЫ

Сабактын темасы :Жеңилбес жетөө.

Сабактын максаты:

а)Ата Журтубуздун баалуу Ата Мурастары мене математикалык тилде тааныштыруу.

б)Окуучулардын Мекенди сүйүү жана байыртадан келе жаткан мурастарын кастарлоо сезимдерин ,сөз байлыгын өстүрүү,ой жүгүртүүсүн өркүндөтүү.

в)Мекенди сүйүүгө,достукка бекем турууга ,ынтымактуу болууга тарбиялоо.

Сабактын тиби :Мелдеш сабак .

Алып баруучу :

Ассалому алейкум келген мейман ,

Алик алып угуңуз салам айтам .

Ат арытып алыстан келгендерге ,

№ 16 мектебинен салам айтам

Кыштагы аппак кардай пейил каалайм,

Агып бүтпөс булактай өмүр каалайм.

Кубанамын меймандардын келишине ,

Жеңилбес жетөөнүн мелдешинен.

Командаларды сахнага чакыруу

8-а класс 8-б класс 7-а класс 7-б класс

Пифагор Илим Миф Алга

Анда эмесе “ЖЕҢИЛБЕС ЖЕТӨӨ” мелдешин ачык деп жарыялоого уруксат этиңиздер .

Асманда жылдыз жетиген ,

Ашпастыр такыр жетиден

Өмүрдүн берсин узунун

Өлүмдүн берсин кечинен.

Жеңилдес жетөө мелдешинде ар бир командада жетиден окуучу бар. 7 саны кыргыз элинин ыйык сандарынан болуп эсептээлери бизге белгилүү. Кыргыз элибизде 7 саны жөнүндө көптөгөн уламыштар айтылып ага өзгөчө көңүл бөлүнүп келген . Асмандагы” жетиген жылдыз” , “жети атаны билүү” эл ичинде “ жети түндө азырак бас” деген сөзү да бизди тартипке тарбиялап жаткансыйт.

Мына ушул ата-бабаларыбыздын илгертеден аздектеп келе жаткан каада салттарын сактап калуу биздин парзыбыз деген ниетте “ЖЕҢИЛБЕС ЖЕТӨӨ” деген ат менен мелдешти уюштуруп жатабыз.

Анда эмесе биздин дагы бир командабыз калыстар тобу менен тааныштырып кетүүгө уруксат этиңиздер.Калыстар тобунун төрайымы мектеп директору Исмайылова Мария ,окуу бөлүм башчысы Акимова Асел ,тарых мугалими Майрамбек уулу Абсамат башталгыч классынын мугалими Кадырова Алимакан, Информатика мугалими Жээнбаева Керемет,математика жана физика мугалими Жусупбекова Наргиза ж.о.э эсепчи Бактыбекова Айсулуу

Командалардын капитандарын чакырып “чучу кулак” тартабыз

№ 1 7-а класс №2 8-а класс №3 7-б класс №4 8-б класс

“ ЖЕҢИЛБЕС ЖЕТӨӨ” мелдешинин программасы менен тааныштырып кетейин.

• Саламдашуу
• Ыр (математикалык)
• Сандарды өсү тартибинде жайгаштыруу
• Макал-лакап
• Үй тапшырма (фигура жасоо)
• Математика кафеде
• Суроо -жооп

Алып баруучу:

Бириккен акыл ойлорум

Мектебим сүйгөн борборум

Билимим сенден башталат

Билимдүү алчуу ,бийиктен ашчу жолдорум.

• Кезекти саламдашууга берели.

Алып баруучу :Мелдешибиздин 2) Математикалык ыр

Эч кимден кем калбаган

Эсептен окуп талбаган

Бий десе бийди бийлеген

Ыр десе ырдан танбаган.

Ыр десе ырды

Алып баруучу:Мелдешибиздин 3 -тапшырмасы сандарды өсүү тартибинде жайгаштыруу.

Көтөрөм деп цифралардын беделин

Жумшап дайым эмгегин

Нөл эсепти билбегенди

Нөл экен деп коюшат

Эгер мен цифра болбосом

Миллиондор кайдан жасалмак

Алып баруучу 4-тапшырма .Макал-лакап

Тамганы таанып билбесе да ,

Сандарды жазып көрбөсө да .

Калыптыр кыргыз элимдин берметтери

,Табышмакта ,макал-лакап , жаңылмачта

Командаларды сахнага чакырабыз.

Макал:

Жети өлчөп ,бир кес

Жер кулагы жети кат.

Калк көп ,чындык бирөө .

Беш кол тең эмес

Алып баруучу :Мелдешибиздин 5-тапшырмасы үйгө берилген тапшырма (геометриялык фигура жасоо).

Казанга пияз таштайлы анда эмесе

Командалар үйгө берилген тапшырманы

Алып чыгып баштайлы .

Алып баруучу:Мелдешибиздин 6-тапшырмасы математика кафеде.

Алып баруучу : Мелдешибиздин акыркы тапшырмасы суроо-жооп командаларды сахнага чакырабыз.

Алып баруучу:Ушуну менен “ЖЕҢИЛБЕС ЖЕТӨӨ” мелдеши аягына келип жетти , келип көңүл ачып колдоп бергениңиздерге чоң рахмат. Келген кадамыңыздарга ыраазы болуп кетиңиздер.