Жондомсуз окуучулар менее иштоо иш план

начарөздөштүргөн окуучулар менен иштөөнүн планы

Педагогикалык коллективдин сабакты начар өздөштүргөн окуучулар жана алардын ата энелери менен иштөө ишмердүүлүгү жөнүндө

Жобосу

1. Жалпы жобо

Жобо КР Билим берүү жөнүндөгү мыйзамынын, жалпы билим берүүчү мектептин типтүү жобосунун негизинде иштелип чыкты

1. Максаты;

Билим берүү жөнүндө мыйзамдын аткарылышын камсыздоо

Жалпы мектепте жана айрым окуучуларды окутуунун сапатын, деңгээлин жогорулатуу

1. Милдеттери;

Окуу процессине болгон окуучулардын жоопкерчиликтүү мамилесин калыптандыруу

Билим берүү жөнүндөгү мыйзамга ылайык ата энелердин балдарды окутуудагы жоопкерчилигин күчөтүү

1. Ишмердүүлүктүн түрлөрү жана негизги багыттары

• Окуучулардын билим сапатынын жана жетишүүсүнүн төмөн болушунун себептерин аныктоо

• Окуучулардын билим сапатынын жана жетишүүсүнүн жогорулатууга багытталган комплекстүү иш чараларды кабыл алуу

1. Педагогикалык коллективдин сабакты начар өздөштүргөн окуучулар жана алардын ата энелери менен иштөө ишмердүүлүгүнүн программасы

Окуучулардын билим денгээлин аныктоо максатында окуу жылынын башталышында диагностика жүргүзүү

Баалоонун обьективдүү болушу үчүн сабакты суроонун ар түрдүү формаларын (оозэки, жазуу, жекече) колдонуу

Дайыма системалуу түрдө суроо менен бааны өз убагында коюу

Окуучунун баасына комментарий берүү (окуучунун кийинки сабактарда ката кетирбеш үчүн жетишпеген жагын белгилөө)

Окуучулардын жазуу иштеринде кетирген кемчиликтерин жоюу максатында катанын үстүндө иштөө

Предметтик мугалимдер окуучунун теманы өздөштүрүүдө кездешкен кыйынчылыктарын билип убагында консультация берүүсү керек

Предметтик мугалим класс жетекчи жана ата энеге окуучунун сабактардагы жетишпегендиги жөнүндө убагында билдириши керек (эгерде бир сабактан 3 же андан көп «2» болсо)

Мугалим окуучунун сабак учурундагы начар жүрүм-туруму үчүн баасын төмөндөтпөөсү керек, мындай учурда башка чара колдонуусу керек

Предметтик мугалим төмөндөгү документтер менен иш алып барат

• сабагынан жетише албаган окуучулар менен жекече иштөөнүн графиги

• сабагынан жетише албаган окуучулардын жеке картасы

• Билим алууда кемчиликтерди жоюу боюнча кошумча тапшырмалар

• Кошумча сабактар үчүн окуучулардын дептерлери

• Төмөнкү формада сабагынан жетише албаган окуучулар менен иштөөнүн отчету

Класс жетекчинин ишмердүүлүгүнүн программасы

Класс жетекчи окуучу менен жекече аңгемелешүү аркылуу сабакка жетишпегендигинин себебин төмөндөгү себептерди эске алуу менен аныктоого милдеттүү(окуучу, ата эне менен жекече сүйлөшүү, анкета алуу)

• Сабак калтыруу (себептүү же себепсиз)

• Үйдөн жетишсиз даярдануу

• Жөндөмдүүлүктүн төмөндүгү

• Окууну каалабагандык

• Сабакта жетишсиз иш алып баруу

• Сабакта баанын обьективдүү эмес коюлушу

• Үй тапшырманын көлөмүнүн көптүгү

• Окулуп жаткан материалдын татаалдыгы

• Башка себептер

Эгерде сабагынан жетишпөөнүн себеби сабак калтыруу болсо, класс жетекчи себептүү же себепсиз экенин аныктоосу керек

Окуучунун ишмердүүлүгүнүн програмаасы

Окуучу жазуу иштерин текшертүү үчүн өз убагында мугалимге көрсөтүүгө, үй тапшырмасын аткарууга милдеттүү.

Окуучу сабак учурунда берилген тапшырмаларды, көнүгүүлөрдү аткарууга милдеттүү.

окуучу сабак калтыргандагы окуу материалдарын өз алдынча окуп үйрөнөт, кыйынчылыкка дуушар болсо мугалимге жардам сурап кайрыла алат.

Ата эненин ишмердүүлүгүнүн программасы

. Ата эне мугалим же класс жетекчи чакырганда мектепке келүүгө милдеттүү.

Ата эне окуучунун мектепке келип жатканын, үй тапшырмасын аткарып жатканын көзөлөлдөйт.

Ата эне окуучунун сабак калтыргандагы окуу программасын өз алдынча окуп үйрөнүүсү үчүн предметтик мугалим менен байланышып окуучуга жардам берүүгө милдеттүү.

Ата эне окуучу жетише албай жаткан предмет боюнча сабактарга катышууга укуктуу.

Ата эне класс жетекчиге, мектеп администрациясына жардам сурап кайрылууга укуктуу.

Ата эне өз милдетинен баш тарткан учурда административдик чара колдонуу максатында жашы жете элек өспүрүмдөрдүн ишин кароо комиссиясына тиешелүү материалдар жөнөтүлөт.

Жондому жай окуучулар менен иштоо