Жұрнақ пен жалғау

Қазақ тілі

Сабақтың тақырыбы: Жұрнақ пен жалғау

Сабақтың мақсаты: Жұрнақ пен жалғау туралы білімдерін қалыптастырып, бір – бірінен ажырата білуге дағдыландырып, ой – өріс, қиялын дамыту және сонымен қатар сөйлеу мәдениетін қалыптастыру.

Тәрбиелік: оқушыларды білімділікке, ұйымшылдыққа, еңбекқорлыққа, бірін-бірі сыйлауға тәрбиелеу.

Сабақтың көрнекілігі: электронды оқулық, қима қағаздар, суреттер.

Сабақтың барысы:

І. Ұйымдастыру кезеңі.

Психологиялық дайындық.

Сыныпта біздің тыныштық,

Естілмейді дыбыс түк.

Мұны біз де қоштаймыз,

Кешіккенді тоспаймыз.

Күнделікті, қызықты,

Кезекті сабағымызды бастаймыз.

ІІ. Өткенді еске түсіру. Ойын «Алтын сақа».

Сақалардағы сұрақтарға жауап алу арқылы жаңа тақырыпты шығарып алу.

ІІІ. Жаңа сабақ.

1.Сабақтың тақырыбын, мақсатын хабарлау.

Жұрнақ пен жалғау.

Оқулықпен жұмыс.

282-жаттығу ауызша орындалып, қорытынды жасалады.

Бүркітші, бүркітпен, бүркіттер, суға, сулық, суды, сула, сусын, тазалық, тазала.

Қосымша жұрнақ, жалғау болып екіге бөлінеді.

Сөз мағынасын өзгертетін қосымшаны жұрнақ дейміз; жұмыс-жұмысшы, ойын-ойыншық.

Сөз бен сөзді байланыстыратын қосымшаны жалғау дейміз; жұмыс-жұмыста, ойын-ойынға.

283-жаттығу. Мақалды оқып, жатқа жазу. Жұрнақ жалғанған сөзді табу.

Өнерлі жігіт өрде озар,

Өнерсіз жігіт жер соғар.

284-жаттығу. Сөздерге жұрнақ жалғап, сөйлем құрастыру.

Дос-достық, іс-іскер, жұмыс-жұмысшы.

Достық – табылмас байлық. Жұмысшы жұмысқа келді. Менің ағам іскер.(Тақтада)

Сергіту сәті:

Орнымыздан тұрамыз,

Алақанды ұрамыз.

Бір отырып, бір тұрып,

Тынығып дем аламыз.

Шығармашылық тапсырма. Тақтаға бірнеше түбір сөздер ілу.

І-топ. Түбір сөздерге жалғау жалғап жазу.

ІІ-топ. Түбір сөздерге жұрнақ жалғап жазу.

ІІІ-топ. Түбір сөздерге жұрнақ пен жалғау жалғап жазу.

IV. Білімді бекіту.

Электронды оқулықтан тапсырма орындату арқылы бекіту.

V. Сабақты қорытындылау.

• Бүгінгі сабақтан не үйрендік?

• Не білдік? Не ұнады?

VI. Yйге тапсырма.285-жаттығу.

Жұрнақ жалғау

батырлық ғалымның

іскер көмірді

көлшік әжем

биші дәптері

бастық бидайды