Բարի գալուստ իմ անձնական էջ

Շնորհակալ եմ, որ ինձ հետ եք

Ուրախ եմ և հպարտ ,որ համագործակցում եմ ձեզ հետ, իմ շատ սիրելի կոլեգաներ:

Ես Անուշ Հայրապետյանն եմ

Ծնվել եմ ՀՀ գեղարքունիքի մարզի Թթուջուր գյուղում, ապա սովորել եմ Սևան քաղաքի թիվ2 միջնակարգ դպրոցում:

Դպրոցն ավարտելուց հետո ընդունվել եմ Երևանի Պետական համալսարանի Պատմության ֆակուլտետ:1994ին ավարտել եմ համալսարանը ,ստացել եմ պատմաբանի ,պատմության ուսուցչի որակավորում:

1992ից անհատական գրաֆիկով աշխատել եմ Սևանի թիվ 2 միջնակարգ դպրոցում որպես պատմության և աշխարհագրության ուսուցչուհի:

1993ից աշխատում եմ Դպրաբակի միջնակարգ դպրոցում որպես պատմության,հասարակագիտության ուսուցչուհի և փոխտնօրեն:

1997ին մասնակցել եմ Հայաստանի Պատանեկան նվաճումներ կազմակերպության կողմից կազմակերպված վերապատրաստման դասընթացին, և ստացել Հասարակագիտություն առարկայի դասավանդման թույլտվություն:

1998ին մասնակցել եմ Քայ առ քայլ ծրագրի վերապատրաստման դասընթացին, և ստացել Քննադատական մտածողությունը խթանող մեթոդների դասավանդման վկայական:

2003ին մասնակցել եմԿԱԻ վերապատրաստմանը և ստացել վերապատրաստող դասախոսի վկայական:

2006ին մասնակցել հանրապետության լավագույն ուսուցիչ մրցույթին և պարգևատրվել եմ ԿԳ նախարարի պատվոգրով:

2013ին մասնակցել եմ Հանրապետության լավագույն ուսուցիչ մրցույթին' Մայր Աթոռի կողմից կազմակերպված,և ճանաչվել եմ հաղթող:

Ամուսնացած եմ ,ունեմ երկու որդի:

Հայրենիքիս համար կարևորում եմ խաղաղությունը:

Զինվորին' խաղաղ ծառայություն:

Երկրիս ուսուցիչներին մաղթում եմ պատվաբեր ու բեղուն գործունեություն:Ինչպես նաևկոչմանը հարիր աշխատավարձ:

Ուսուցման մեջ կարևորում եմ կայունությունը, պետք չէ աշակերտին դարձնել փորձադաշտ, հարկավոր է կիրառել մեկ կամ երկու արդյունավետ մեթոդ կամ գործիք, հասնել կայունացման, համոզվել որ դրանք մարսվել են սովորողի կողմից, ապա կիրառել ըստ աստիճանի ավելի  բարդ ու քննադատական մտածողությունը խթանող մեթոդներ և գործիքներ :

Ուսման մեջ  իմ վերջնական նպատակը  մտածող մարդու  դաստիարակումն է:

Կրթության ,մանկավարժության ասպարեզում առաջնորդվում եմմեծ մանկավարժ Սուխոմլինսկու մանկավարժական փորձով:

Իմ նշանաբանն է

Ինչ գործ էլ ,որ անեմ, թող դրան հաջորդի հոգուս մաքրությունն ու հանգստությունը:

Կրթությունս' բարձրագույն