Сингапур методикасы буенча төзелгән дәрес эшкәртмәсе

Татар теле

1нче сыйныф

Тема: [ө] авазын ныгыту

Максат:

• ө хәрефенең беренче иҗектә генә язылуын аңлату,

[ө] авазын ишетеп тану, аны сүзнең аваз моделендәге урынына карап дөрес әйтү күнекмәләрен ныгыту;

Шәхескә кагылышлы УУГ:

- укучының башкарган эшенә җаваплылык хисен арттыру.

Регулятив УУГ:

- үзэшчәнлекне планлаштыру

Танып белү УУГ:

- тиешле мәгълүматны табу һәм аерып алу ;

-төрле рәвештә бирелгән мәгълүматны кабул итү һәм укыганны анализлау.

Коммуникатив УУГ:

- башкаларның сөйләмен ишетү һәм тыңлау;

- үз фикерләреңә ышандыра белү;

- иптәшеңне тыңлап, фикереңне тулы һәм аңлаешлы итеп әйтеп бирә белү.

Җиһазлау: компьютер, проектор, экран, тема буенча мультимедиа презентация, схемалар, яшелчә рәсемнәре, төрле рәсемнәр кисеп салынган конвертлар, татар теле дәреслеге.

Дәреслек: Ф.Ш.Гарифуллина, И.Х.Мияссарова, Әлифба: Рус телендә башлангыч гомуми белем бирү мәктәбенең 1нче сыйныфы өчен дәреслек (татар телендә сөйләшүче балалар өчен), Казан, “Мәгариф-Вакыт” нәшрияты, 2012ел.

Дәрес барышы

I. Оештыру өлеше

• Исәнмесез, укучылар!
• Имин булсын көнегез!
• Кәефләрегез ничек соң?
• Кояшлы иртә кебек,

Туган телем – Тукай телен

Өйрәнергә дип килдек.

II. Уңай психологик халәт тудыру

• Алия, хәлләрең ничек?
• Рәхмәт, бик яхшы.
• Булат Алиядән сора әле, хәлләре ничек микән?
• Алия, хәлләрең ничек?
• Рәхмәт, яхшы.

Утырам мин дөрес итеп,

Тыңлыйм игътибар белән.

Җавап бирәм кул күтәреп,

Шуңа күрә күп беләм.

III. Белемнәрне актуальләштерү.

1. -Укучылар, без узган дәрестә нинди тема өйрәндек? (ө авазын)

• Ө авазы нинди аваз?(нечкә сузык аваз)
• Кемнәр шулай дип уйлый, басалар. (ТЭЙК ОФ – ТАЧ ДАУН)
• Без тагын нинди авазлар һәм аларны белдерүче хәрефләрне беләбез?(санап чыгалар)
• Мин сезгә хәзер җөмләләр укыйм, кем минем белән килешә, баса.
• а]- калын сузык аваз
• о]- нечкә сузык аваз

[ы]- тартык аваз

[и]-нечкә сузык аваз

[ә]-нечкә сузык аваз

[ү]-нечкә сузык аваз

[э]-калын сузык аваз

2) Әйдәгез, хәзер ө хәрефе кергән сүзләрне искә төшерәбез.

• )

Төркемнәрдә эшлибез. Чират буенча һәр кеше ө хәрефе кергән сүзләр әйтә. 1 санлы укучы башлый.

1. - Укучылар, без сезнең белән тагын нәрсәләр өйрәндек әле?(Яшелчәләр)-тактада яшелчә рәсемнәре.

• Хәзер яшелчәләр турында белгәннәрне кабатлап китәбез.
• Укучылар, алга чыгабыз, сыйныф буенча йөрибез. Музыка туктагач, парлашабыз.
• “Бишне” бирәбез.
• Бирем: үзеңнең яраткан яшелчәң турында сөйләргә. (ТАЙМД-ПЭА-ШЭА) Бер минут вакыт бирелә. Кемнең чәче озынрак, шул башлый.
• Ә хәзер икенче укучы үзенең яраткан яшелчәсе турында сөйли. Бер минут вакыт бирелә.
• Бер-беребезгә рәхмәт белдерәбез.

Музыка дәвам итә.

• Музыка туктагач, парлашабыз. “Бишне” бирәбез.
• Бирем: яшелчәләр турында бер укучы сорау бирә, икенчесе җавап бирә. (РЕЛЛИ РОБИН) Сезгә. вакыт бирелә. Кемнең буе озынрак, шул укучы сорау бирә башлый.
• Ә хәзер сорауны буе кыскарак кеше бирә. (Таймер)
• Бер-беребезгә рәхмәт белдерәбез.

1. Дәрес темасы өстендә эшләү.

1) - Укучылар, мин сезгә бер табышмак әйтәм. (1слайд) Көн уртасында ни бар? (Ө хәрефе)

-Төн уртасында ни бар?(Ө хәрефе)

-Димәк, без бүген дә нинди хәреф өстендә эшләрбез?(Ө хәрефе өстендә) (2 слайд)

-Дәрес ахырында ө хәрефе турында һәр төркем проект эше ясаячак.

2) -Укучылар, бу нәрсә? (абрикос) (3 слайд)

- Ә татарча ничек була? (өрек)

- Өрек бездә үсәме? Ул кайда үсә?

- Укучылар, өрек бик әкрен үсә һәм 100 ел чамасы яши икән.

- Өрек яшелчәме?

- Ә бу нәрсә? (виноград) (4 слайд)

- Татарча кем белә?(йөзем)

- Йөзем нинди төсләрдә була? 3 санлы укучылар әйтә (МЭНЭДЖ МЭТ)

-Йөзем яшелчәме?

- Укучылар, мин ни өчен сезгә өрек белән йөзем турында сөйләргә уйладым икән?(чөнки ул сүзләрдә ө авазы бар)

Физкультминутка

3) Өрек сүзенең схемасын төзеп карыйк әле. Төркемнәрдә бергә эшлибез. (ТИМБИЛДИНГ)

-Укучылар, ө хәрефе беренче иҗектә генә языла, икенче иҗектә ө авазы ишетелсә дә, е хәрефе языла.

Йөзем сүзенең дә схемасы төзетелә.

1. Дәреслек белән эш.

33 биттә Роберт Миңнуллинның “Өрек” шигыре өстендә эш.

5)Табышмакларга җаваплар табу.(5 слайд)

Үзе миңа көлә,

Үзе мине күрми (көзге) (6 слайд)

Дүрт агайга бер эшләпә (өстәл) (7 слайд)

6) Проект эше (РАФТ)

- Укучылар,сез [ө] авазы һәм Ө,ө хәрефләре турында проект эше әзерләргә тиеш. Бу эшләр икенче елга беренче сыйныф укучылары өчен кулланырлык булырга тиеш. Мин һәр төркемгә бер альбом бите, төрле рәсемнәр салынган бер конверт бирәм. Бу рәсемнәр арасыннан ө хәрефе кергән сүзләр ясалган рәсемнәрне генә сайлап аласыз һәм бергәләп альбом битенә ябыштырасыз. Чиста, пөхтә итеп эшләргә тырышыгыз.

1. Рефлексия.

(ТАЙМД РАУНД РОБИН)

- Укучылар, без бүген дәрестә нәрсәләр эшләдек? Сез үзегезгә нинди яңалыклар ачтыгыз?

Һәр укучы 30 секунд эчендә дәрестә үзенә нинди яңалык ачканын сөйли. Яңадан Һәр өстәлдән 1-2 укучы җавап бирә.

- Сезгә дәрес ошадымы?

- Кем үзен дәрестә бик яхшы эшләде дип уйлый?

- Кемгә тырышырга кирәк?

Укучылар үзләренә бәя бирәләр.

1. Дәресне йомгаклау.

• Сау булыгыз, укучылар!
• Сау булыгыз, укытучы апа!