Орыс тілді мектептердегі қазақ тілі мен әдебиет пәні мұғалімдер үшін

Меніңше, ең маңызды мәселелердің бірі- орыс сыныптарында жұмыс істейтін қазақ тілі мен әдебиет мұғалімдер икемделген мәтіндерге зәру.

Құрметті әріптестер! Диктант, мазмұндама мәтіндер болса бір-бірімізге жіберіп, көмектесейік. Түсініксіз мәтіндер өзге ұлт өкілдерінің балаларына қазақ тілін үйренуге кедергі болып тұр. Түсініксіз, бір мәтінде кездесетін қиын сөйлем құрылысы, сирек кездесетін сөздер мен сөз тіркестер оқушының уәжін төмендетеді.

Бүгін қорытынды емтиханға дайындау мәселесі де өте қызу. Лексикалық-грамматикалық бөлімі таныс болса, оқылым әрі-бері қарағанда орындауға болады. Ал тыңдалым – алаңдататын нәрсе. Егер өзіміз жасаған тыңдалым үлгілерін бір-бірімізге жіберіп, ортаға салып, оқушыларға дайындық ретінде күшті тірек болар еді.

SMART-мақсатты қалай құру және оған қалай жеті керек екенін өз ойларын ортаға салып, пікір алмасуға шақырамын. Блум таксономиясы сабақ үстінде бір мақсатқа жету үшін қалай пайдалануға болатынын, сабақ үлгілерін, тәжірибе арқылы жетістіктермен бөлісу жақсы болар еді.

Тағы бір толғандыратын мәселе – жеті модульді тиімді кіріктіру арқылы қазіргі заманға сай сабақ ұйымдастыру. Оқушылардың белсенділігін арттыратын әдіс-тәсілдердің жиынтығын құру.

Егер Сізді ортаға салған мәселелер толғандыратын болса, менің сайтыма, блогыма жазыңыздар!