2 сыныф ичюн контроль иши

2-нджи сыныф контроль иши.

1. Русча берильген сезлерни къырымтатарджа язынъыз.

Бу меним ………….. (брат).

Меним ……………………..(Родина) – Къырым.

Йыл мевсимлери …………(зима), …………(весна), ……………(лето), …………………(осень).

Эреджеп мышыгъына ………………(молоко) берди.

Азбарымызда …………………….(цветы) осе.

1. Сырагъа келишмеген сезлернинъ астыны сызынъыз.

Копек, мышыкъ, къарылгъач, сыгъыр

Дефтер, маса, китап, чанта

Джилек, сары, мавы, къырмызы

Отурмакъ, язмакъ, окъумакъ, ресим

Тильки, аюв, къашкъыр, хораз

Алие, Алиме, Алим, Амина

3.Окъунъыз ве берильген суаллернинъ догъру джевабынынъ астыны сызынъыз.

Сачмагъан – алмаз

Койнинъ юкъары маалесинден беш-алты бала денъизге кеткенде, бир топ къалем кесип алгъан ве дагъ тарафкъа кеткен Осман къартбабаны корелер. Балалардан энъ аттик сою Исмаил:

- Селям алейкум! Огъурлар олсун, Осман къартбаба! Къайда кетесинъиз? – деп сорай.

- Алейкум селям, балаларым! Барып дагъдан одун кетирейим дейим,- Дей къартбаба.

- Я дагъгъа кеткенде бу къалемлер не керек?

- Бу огълум, мейва  тереклерден алынгъан къалемлер. Устюнде олгъан бурьлерни кийик тереклерге ашларым, мейвасы олур,- Дей къартбаба.

- Я сиз къартсыз да, мейвасыны не вакъыт корерсинъиз? – деп сорай балалар.

- Мен корьмесем ,сиз корерсинъиз, эвлятларым. Мени анъарсыз. Сачмагъан – алмаз! – деп къартбаба  ве ёлуны девам эте.

Балалар  къартбабанен кетмек къарарына келелер. Дагъда къартбабагъа тереклерни ашламагъа ярдым этелер.

Къайткъанда исе эписи бирер юк одун кетирелер.

Суаллер

1. Денъизге къач бала кете?

Беш-алты еди-секиз эки-учь

2. Къартбабанынъ ады не?

Алим къартбаба   Осман къартбаба

3. О дагъгъа не джыймагъа кете?

Одун фындыкъ джилек

4. Къалемлерни не ичюн ала?

Кийик тереклерни ашламагъа якъмагъа.

5. Насыл аталар  сёзюнен балаларгъа джевап бере?

Ишлеген – тишлер сачмагъан – алмаз

6. Балалар къартбабагъа ярдым етелер?

Эбет Ёкъ 

7. Къайткъанда эписи не кетире?

Бир сепет алма бирер юк одун