23-сентябрь - Мамлекеттик тил күнү

в

23-СЕНТЯБРЬ МАМЛЕКЕТТИК ТИЛ КҮНҮҢҮЗДӨР МЕНЕН!

Бүгүн, 23-сентябрь – Мамлекеттик тил күнү. Кыргыз тили - Кыргыз Республикасынын негизги калкынын, кыргыз улутунун тили. Эне тилди сүйүү ар бир атуулдун адамдык парзы, тагыраагы, эне тил - адамдын кан-жаны менен кошо бүткөн, боор эт менен тең, эч нерсе менен алмаштыргыс ыйык дөөлөтү, сыймыгы.

23-сентябрь Кыргыз Республикасынын Мамлекеттик тил күнү. Мындан туура 33 жыл мурун, тактап айтканда, 1989-жылы 23-сентябрда Кыргыз ССРинин Жогорку Совети “Кыргыз ССРнын мамлекеттик тили жөнүндө” мыйзамын кабыл алып, андан соң кыргыз тилине Мамлекеттик тил макамын берген. Бул мыйзам 2004-жылы Жогорку Кеңештин Мыйзам чыгаруу жыйыны тарабынан жаңыланып, анда кыргыз тили мамлекеттик тил, ал эми орус тили расмий тил деп жарыяланган.

Тил – улуттун кубанса кубанычы,

кайгырса кайгысы жана акыл-эси . Тилсиз

улут болбойт.

Чыңгыз Айтматов

Тил – улуттук маданият, улуттук байлык, улуттук мурас.

Түгөлбай Сыдыкбеков

Бирге жүрөм, эне тилин кадырлайм,

Бул тил менен: иштейм, сүйлөйм, ыр ырдайм,

Башка тилди жандай жакшы көрсөм да:

Эне тилин сүйгөнүмдөн жаңылбайм.

Алыкул Осмонов