3 лістапада – 135 гадоў з дня нараджэння Якуба Коласа , народнага паэта Беларусі.

ЯКУБ КОЛАС - класік сусветнай і беларускайлітаратуры, адзін з заснавальнікаў новайбеларускай літаратуры і сучаснай літаратурнаймовы, народны паэт Беларусі.Сапраўднае імя Якуба Коласа - КАНСТАНЦІНМІХАЙЛАВІЧ МІЦКЕВІЧ. Ён нарадзіўся 3лістапада 1882 г. (па новым стылі) у засценку Акінчыцы Мінскага павета Мінскай губерні(цяпер у межах горада Стоўбцы Мінскай вобласці).

Бацькі - МІХАІЛ (МІХАЛ) КАЗІМІРАВІЧ І ГАННА ЮР'ЕЎНА  паходзілі з сялян вёскі Мікалаеўшчына (12 км ад Стоўбцаў). 

Бацька паэта служыў лесніком у князя Радзівіла, маці вяла хатнюю
гаспадарку. У хуткім часе пасля нараджэння Костуся (так хлопчыка
звалі дома) сям'я пераехала ва ўрочышча Ласток (іншая назва -
Сухошчына). У 1890-1904 гг. сям'я Міцкевічаў жыла ў леснічоўцы
Альбуць недалёка ад Мікалаеўшчыны.

У 1898 г. паступіў у Нясвіжскую настаўніцкую семінарыю, якую закончыў у 1902 г. У час вучобы захапляўся мастацкайлітаратурай,складаў вершы і байкі на рускай мове, збіраў матэрыялы па беларускай этнаграфіі, запісваў вусную народную творчасць. У гэты жчас пачаў ствараць вершы і празаічныя творы на беларускай мове.

1 верасня 1906 г.у віленскай беларускамоўнай газеце "Наша доля" з'явіўся верш - "Наш родны край".

У 1910 г. у Вільні надрукаваны першы зборнік вершаў "Песні-жальбы" (напісаны ў 1906-1909 гг.).

Пасля вайны, з сярэдзіны 1940-х гг. і да канца жыцця ЯКУБ

КОЛАС працаваў у Акадэміі навук Беларусі, быў вядомы як грамадскі
дзеяч: выбіраўся дэпутатам Вярхоўнага Савета СССР і Вярхоўнага Савета
БССР, членам Цэнтральнага Камітэта на XX-XXII з'ездах Камуністычнай
партыі Беларусі і ўсесаюзнага Камітэта па Дзяржаўных прэміях у галіне
літаратуры і мастацтва.

Яго літаратурная праца ў другой палове 1940-х гг. атрымала афіцыйнае ўшанаванне.У 1946 г.за вершы ваенных гадоў ЯКУБУ КОЛАСУ была прысуджана Дзяржаўная (Сталінская)прэмія СССР 1-й ступені. У 1949 г. - Дзяржаўная (Сталінская) прэмія СССР 2-й ступені за паэму "Рыбакова хата" (завяршыўу1947 г.)

У 1950-я гг. ЯКУБ КОЛАС у якасці навуковага рэдактара удзельнічаў у падрыхтоўцы першага выдання "Руска-беларускага слоўніка" (1953 г.).

13 жніўня 1956 г. Якуб Колас памёр за сваім рабочым сталом. Пахаваны ў Мінску на Вайсковых могілках.