Ա, ա հնչյուն- տառի դաս-միջոցառում

Ուսուցիչ

-

Ի՞նչ եք կարծում ու՞մ է անհրաժեշտ այս կատարը: Եկեք վանկերով կանչենք:

Աշակերտներ

-

Ա-քա-ղաղ, ա-քա-ղաղ:

Ուսուցիչ

-

Այս ի՞նչ տակառ է, վրան էլ գրված է «Մեղր»: Հետաքրքիր է ո՞վ է մոռացել, ի՞նչ եք կարծում:

Աշակերտներ

-

Արջը:

Ուսուցիչ

-

Եկենք կանչենք:

Աշակերտներ

-

Արջ, արջ:

Ուսուցիչ

-

Ես ուզում եմ, որ այս պայուսակի տերը գա և հանելուկ առաջարկի:

Աշակերտներ

-

Ա-ղավ-նի, ա-ղավ-նի:

Ուսուցիչ

-

Ա՜խ, մատս ցավում է, ի՞նչ անեմ, ո՞վ կարող է ինձ օգնել:

Աշակերտներ

-

Բժիշկ Այբոլիտը: Այ-բո-լիտ, Այ-բո-լիտ:

Ուսուցիչ

-

Այս ի՞նչ պոչ է թավամազ, նարնջագույն, եկենք կանչենք:

Աշակերտներ

-

Աղ-վես, աղ-վես:

Ուսուցիչ

-

Երեխանե՛ր, ի՞նչ եք կարծում, ի՞նչ ենք ուսուցանելու այսօր:

Աշակերտներ

-

«Ա» տառը

Ուսուցիչ

-

Ահա մեր կենդանի բառերը՝ աքաղաղը, արջը, աղվեսը, Այբոլիտը, աղավնին հուշեցին մեզ, օգնեցին որոշելու թե ինչ տառ ենք ուսուցանելու:

Ուրեմն թող այստեղ գա այսօրվա հերոսը՝ «Ա» տառը:

«Ա»

-

Արևից արբած առաջին տառն եմ

Մեր անուշ հացի անաղարտ աղն եմ

Անմահ Մաշտոցի արարած՝ վսեմ

Մեր այբուբենի առաջատարն եմ:

«ա»

-

Ոսկեհատիկ այս շարանում

Առաջինն եմ ներկայանում

Տառ եմ ազնիվ ու շիտակ

Ադամանդ եմ, լուսեղեն ակ:

Ուսուցիչ

-

Ի՞նչ է նշանակում այգաբաց:

Աշակերտներ

-

Լուսաբաց, արևածագ ...

Ուսուցիչ

-

Եկեք որոշենք, թե ինչի մասին կարող է լինել այս գիրքը:

Աշակերտներ

-

Կարծիքներ:

Ո ւսուցիչ

-

Թերթում է գրքի էջերը, աշակերտները նկարազարդումներին նայելով նոր պատմություն են հյուսում: Ուսուցիչը նորից բացում է առաջին էջը և աշխույժ ձայնով կարդում է նախադասությունը՝ «Առավոտյան աքաղաղը կանչեց», ցուցամատը սահեցնելով յուրաքանչյուր բառի տակ: Ապա՝ ո՞վ կարող է ասել, ի՞նչ կա պակաս մեր նկարում:

Աշակերտներ

-

Աքաղաղը: Աշակերտներց մեկը փակցնում է աքաղաղը:

Ո ւսուցիչ

-

Կարդանք հաջորդ էջը՝ «Առաջինն արթնացավ արևը»: Դարձյալ ցուցամատը սահեցնել բառերի տակ: Քանի բառից է բաղկացած այս նախադասությունը՝ 3, բառերի արանքում ի՞նչ է պետք պարտադիր՝ բացատ: Հիմա փակցնենք բացակա պատկերը՝ արևը:

Ի՞նչ եք կարծում, ի՞նչ կլինի հաջորդ էջում:

Աշակերտներ

-

Կարծիքներ:

Ո ւսուցիչ

-

Բ աց է անում թաքցրած էջը և կարդում է նախադասությունը՝ «Ամպերն ընկերացան արևին»: Հիմա էջին ավելացնենք ամպերը: Ապա էջը շրջում է և կարդում՝ «Արծիվը բարևեց աքաղաղին, արևին, ամպերին», կարդալու ընթացքում ցուցամատը սահեցնելով բառերի տակ:

Եկեք սովորենք՝ Ես արծիվն եմ թևավոր

Թռչունների թագավոր:

Հիմա տեսնենք ի՞նչ է գրված հաջորդ էջին՝ «Այգը, Անին ու Արան դիմավորեցին այգաբացը»:

Աշակերտներ

-

Աշակերտներց մեկը փակցնում է երեխաների նկար-պատկերը:

Ուսուցիչ

-

Մենք հյուսեցինք գեղեցիկ պատմություն, որը կազմված էր նախադասություններից, նախադասությունները բառերից, բառերը վանկերից, վանկերը հնչյուններից, հնչյունը եթե գրենք կստացվի տառ:

Ուսուցիչը դարձյալ վերընթերցում է տեքստը՝ մատնացույց անելով յուրաքանչյուր բառը: Այս անգամ աշակերտները «արձագանքելով» կարդում են. կրկնում են ուսուցչի կարդացած տողը: Հետո զուգահեռ կարդում են ուսուցչի հետ: Կարդալու ընթացքում կարող են գործողությունները զուգորդել համապատասխան շարժումներով կամ դիմախաղով:

Տեքստը բաց վիճակում թողնել դասարանում, որպեսզի երեխաները կարողանան ինքնուրույն կարդալ:

Ուսուցիչ

-

Ովքեր կասեն բառեր, որտեղ «Ա» հնչյունը լսում ենք բառասկզբում, բառամիջում, բառավերջում: Կանգնեն ոտքի այն աշակերտները, ում անունը սկսվում է «Ա» հնչյունով, ճշտել՝ վանկաատելով անունները:

Տեսնենք Արտուտիկն ինչպես սովորեց «Ա» տառը գրել (բեմադրություն):

Աշակերտ 1

-

Այգին օրոր, այգին շորոր

Աշուն եկավ դեղին շորով

Դպրոցական զանգը հնչեց

Մանուկներին բոլոր-բոլոր:

Արտուտիկն էլ դպրոց գնաց

Ամուր պահած պայուսակը

Հենց որ մտավ նա դասարան

Եկավ օրիորդ Արուսյակը:

Ասաց բարև Արտուտիկին

Մեր առաջին դասարանցուն:

Հետո այդպես ամեն մեկին

Բարևում էր առաջ անցնում:

Աշակերտ 2

-

Կավիճն առավ գծեր քաշեց

Ամեն գիծը մետրի նման

Սև տախտակը գծով նախշեց

Նկարչական տետրի նման

Արտուտիկն էլ չսպասեց

Գրիչն առավ ու սկսեց

Մի գիծ, մի գիծ, էլի մի գիծ,

Իրար կողքի պոչերը կից,

Մեկ էլ ահա գրչի տակից

Մի լավ տառ է ժպտում ահա

Ինքը սիրուն, անունը՝ «Ա»:

Աշակերտ 3

-

Արտուտիկը շատ զարմացավ

Եվ զարմանքի մասին այդ մեծ

Դասից հետո, երբ տուն եկավ

Ում որ տեսավ, նրան պատմեց:

Պապին պատմեց, տատին պատմեց,

Առաստաղին, պատին պատմեց

Իր սովորած տառը գովեց

Հետո դարձավ ու դժգոհեց:

Աշակերտ 4

-

Մինչև հիմա այս դպրոցի

Տեղը չէիք դուք իմանում,

Որ ինձ իզուր այսքան տարի

Մանկապարտեզ էիք տանում:

Ուսուցիչ

-

Ուրեմն արտուտիկը «Ա» տառը գրել կարողացավ, հիմա փորձենք և մենք:

Ցույց տալ գրելաձևը, բաժանել բացիկներ