“ Aaçlık teması M Kösenin poemasında “Taş aalaması”. İstoriyadan silinmäz sayfalar.”

Üüreni-län tema

Subkopetenṭiyalar

İş çeşitleri

Kantarlamak

Didaktik kolaylık-ları, minutlar

Dene-meklär, evdeki iş

“ Aaçlık teması M Kösenin poemasında “Taş aalaması”. İstoriyadan silinmäz sayfalar.

Tekstin içindeliini bilmäk.

İntervyuda dooru soruş koymaa becermäk.

Bilgilerini nasaat vermektä kullanmak.

Yaratmanın içindeliini bilmäk.

Literatura kolaylıklarını tanımak hem sözündä kullanmak.

Eni lafların maanasını bilmäk hem lafetmektä kullanmak.

2 epohanın imeklerini yaraştırmaa becermäk.

Halk adetlerini bilmäk.

Jurnalist olmaa becermäk. Üürenilmiş informatiyayı gözäl hem yannışlıksız açıklamak.

Tekstin içindeliinnän işlemää becermäk.

Tekstin önemli erlerini ayırmaa becermäk.

Gözäl hem faydalı nasaatlar vermää becermäk.

Yaraştırmaa yaşamanın iki sayfasını becermäk.

Başka yaratmaların içindeliini tekrarlamak.

Hazır informatiyayı dooru erleştirmää becermäk.

Gözäl yaratma yazmaa becermäk.

- Zaman hayır olsun, sevgili dostlarım! Görerım, ani kefiniz büün ii. Çekedelim büünkü dersimizi.

Epigraf:

...Büün aaléér taşlar kendi,

Zerä ne onnar gördü,

Yoktur nicä unutmaa,

Yazıyı gibi silmää…

-Tanıdınız mı bu strofacıkları?

Sizin önünüzdä var birär kantarlamak yapracıı. Orada siz kantarlayacenız kendi bilgilerinizi bütün dersin süresindä, bal toplayacenız da dersin sonunda koyacez notalarınızı.

Blit – sormak. (1 laflan cuvap).

1.Angı yaratmadan alınma bu laflar?

2.Kim avtoru?

3. Nesoy bu yaratmanın janrası?

4.Teması nesoy? (Aaçlık 46-47 yıllarda).

5.İdeyası nesoy?

6.Angı yıllar için laf gider?

7.Neyin aalaması için sölener yaratmada?

8.Nereyi gidärmiş insannar kazanmaa?

9. Gagauzlar, angı erleri brakıp, kervannan gelerlär yaşamaa Bucaa?

10.Lafta „kürtünnär“ nesoy orfograma var?

Bakérız ekrana. Herbir dooru cuvap – 1 bal. Koyun notanızı.

Soruşlara cuvap ettiynän, kim var nicä sölesin ne için laf gidecek derstä?

-“ Aaçlık teması M Kösenin poemasında “Taş aalaması”. İstoriyadan silinmäz sayfalar.

-Dersimizin neetleri: derinnetmää bigilerimizi aaçlık yılları için, neçinki istoriyadan bişey kaybelmesin; aaraştırmak yapmaa istoriyamızın sayfaları için.

Bunun için sizin vardı evdeki isleriniz:

1gr- İntervyu küüdä yaşlı insannarlan aaçlık vakıdı için.

2gr- Küüyümüzün anmak erleri, angıları annadérlar aaçlıktan ölmüş insannar için.

3 gr- Eni evlad boylara danışmak.

Danışalım poemaya. Açınız kiyatlarınızı.

1. Nesoy problemalar kaldırılér bu yaratmada? (halkın zor eceli, epohanın resimneri, halkın harakteristikası, aaçlık).

1. Gagauzların angı istoriya sayfaları açıklanér bu poemada?

2. Açıklayın bakışınızı – ne sebeptän olér bu çirkin oluşlar Bucakta?

1. Klaster . 1gr. - Nesoy epitetlar var nica uydurasınız bu lafa?(aaçlık).

2gr.- Nesoy metaforalar var nica uydurasınız bu lafa?(aaçlık).

3 gr - Nesoy uydurmalar var nica uydurasınız bu lafa?(aaçlık). Argumentläyiniz.

Sözünüz pek gözäl, zengin. Geçän derstä biz annaştıydık, eer olursa ölä laflar sizdä, ani annamadınız, yazacenız da kolvereceniz şkatulkamıza, angısının adı „Söz klinikası“. Danışalım şkatulkaya. (Hepsinin yardımınnan açıklanér lafların maanaları).

Siz bir-iki derstän sora kaçaracık gidersiniz tükäna, alérsınız ekmek, yanına taa nesä… Ama ne iyärmiş insannar o vakıtlarda?

1. Bulun teksttä, avtorun laflarınnan söläyin. (Çorlan- göstererlär, annadérlar.)

1gr evdeki işini bakmak. İntervyu.

• Bu oluşlar ne uyandırdı içinizdä?

Annadarkan bunnarı, insannarın herkera yaşlan dolér gözleri. Aalér diil sade insannar, aaléér taşlar da.

2 grupaya danışmak.

1. Neçin aaléér onnar?

2. Bitki yola geçirmäk nasıl olurdu? Angı adetlerä görä?

3. Sıralayın birkaç büünkü adet, angıları çetin bakılér bizim küüdä.

4. Nereda gömülärmişlar insannar aaçlıkta bizim küüdä?

2grupa evdä hazırladı bir informaţiya küüyümüzdä anmak erleri, neredä gömärmişlär aaçlıkta ölmüş insannarı.

Prezentaţiya. (Annadérlar Primariyadan üürenilmiş informaţiyayı. Kıpçakta aaçlıktan ölmüş 1720 kişi. )

Nesoy çıkışa geldiniz, siirettiynän bu informaţiyayı? (unutmamaa…)

1. Angı yortularda biz anérız ölmüşleri? Nasıl geçer bu günnär?

Bu olusları unutmamaa deyni, taa bir kerä danışalım poemaya.

1. Grupalara iş:

İş grupalara: 1. 1-4 paylarda bulun artistik kolaylıklarını. Onnarı funkţiyalarını açıklayın 2. Poemada kullanılan durguçluk nışannarını söläyin. Angı intonatiyaylan lääzım okuyalım yaratmayı?

1. . Nesoy duygular varmış yazıcıda, yazarkan poemayı?

4.Bulun poemanın o erlerini, angıları dürttü canınızı. Nesoy duygular uyandırdı içinizdä o erlär?.(can acısı, üfkä, kahır, aalamak)

Taa yakından görelim deyni bu kartinayı, dersimizin arhivcileri hazırladılar bir prezentatiya.

• Var mı yakınnık bu resimnerdä yaratmanın oluşlarına?

• Ne duydunuz içinizdä?

• Ne aldınız kendinizä? Neyä teklif etti resimnär sizi?

Bakalım 3gr.ne hazırladı. („Eni evladbolara danışmak“) Sesleyelim. Neyä teklif eder bizi bu grupa?

Evdä yapılan kuru ekmektän imekleri göstererlär, annadérlar reţepti.

Bu grupanın cuvaplarından hepsimiz yaptık çıkış, ani lääzım korumaa ekmää, deyni o – dünnenin temeli.

• Taftada asılı resim. Ne istemiş göstermää resimci bu resimnän?İdeyası resimin nesoy?

• Taa angı gagauz resimcilerini bilersiniz? (slaydlar)

• Danışalım bizim küüyün resimcisinä- Angelçev R.G. hem onun resiminä. (Resimneri bakmak). Nereyi bakér bu adamcık? Bana kalsa, o bakér o trofacıklara, angılarını siz brakérsınız pençerelerdä, doyduktan sora. O maana bulér bizä. Siz maana bulérsınız bu yaptıklarınıza? Ne adéérsınız bu adamcaa?

Çorlandan pitacık Tort

Ayırın aşaadakı lafları, asınız onnarı orayı, nereyi sayérsınız lääzımnı. Nesoy laflar onnar?

Laflar-antonimnär: sevinmelik, düz yol, bolluk, serbestlik, can acısı, aalayış, gözäl geleceemiz, kıtlık, zorluk, karannık, güneş, boşluk, umutsuzlık.

Çıkışı bu işin? (yaraştırérlar ozamankı yaşamayı büünküylän)

-Ne eni işlär üürendiniz büünkü derstä? Bu çirkin oluşlar açıklanér diil sade M.Kösenin poemasında, ama başka da yaratmalarda.

-Angı yaratmalarda taa biz göreriz bu temayı? „Uursuz Dokäna“ (9 kl.), „Sofra duası“, „Masallı toprak“.

-Dersin bibliografı annadacék Kiyat sergisi için.

-Bu üürenicinin neeti nesoydu?

Refleksiya.

• Ne aldınız kendinizä bu derstän?

• Nesoy çıkış yapérsın kendinä?

• Ne beendiniz derstä?

• Neyi annamadınız? Nesoy soruşlarınız var?

Evä iş. Temalara görä yazmaa yaratma.

“Halkımızın istoriyasından silinmäz sayfalar“, „Dedelerimizin nasaatları eni evlat boylara“,

„M.Kösenin ustalıı aaçlık yıllarının oluşlarını yazdırmakta“.

Notalamak. Herkez söleer yapracıklarında notaları.

Tekstin içindeliini bilmäk kantarlanér.

Becermää dooru cuvap koymaa.

Literatura kolaylıklarını bilmää

Eni laflarlan cümlä kurmaa

Dialog kurmaa

Epigraflan işlemäk.

Grupalarda işlemäk

Kiyatlan işlemäk

Klaster

„Söz klinikası“

Demonstraţiya

Bölüklerdä iş

Resimneri siiretmäk

Demonstratiya

Slayd-şou

Yaraştırmak

Kiyat sergisinä

danişmak.

Evdeki işin annadılması