Açık urok N.Baboglu "Ayva çiçekleri"

Uroon etapları

Üüredicilerin/üürenicilerin çalışması

Vakıt

Kantarlamak strategiyaları

Didaktika strategiyaları

1. DİKKATINI ÇEKMӒK

Dikkatın çekilmesi

- Zaman hayır olsun! Pek sevinerim, ani buluştuk sizinnän da çalışacez barabar. (grupalar için söz)

Düşünerim, ani uroomuz geçecek ii, faydalı.

1 üürenici okuyêr V. Tukanın şiirini «Neredän çekeder Vatanım?»

Neredän çekeder Vatanım?

Ananın, bobanın evindän,

Oradan, neredä yaşadım,

Neredä çok dostlar var bendä

Neredän çekeder Vatanım?

Kapunun önündä fidandan,

Neredä yandı ilk yıldızım,

Sevdalık neredä canımdan.

Çekeder Vatanım oradan,

Neredä uşaklar kaçınêr,

Bir otçaazın kökündän,

Hem nedän topracıım yısınêr...

Ay, Bucaam, Bucaam,

Dannarın pembӓ!

Kısmetliyim bӓn,

Ki duudum burda… (G.Gaydarcı)

Üüredicinin sözü:

3 min

İnteraktiv formativ kantarlaması

üüredicinin sözü,

şiir okuması, individual işi (prezentaţiya)

2. ANNAMAYI GERÇEKLEŞTİRMӒK

2. Evdeki işӓ kontrol yapmak

• Bu şiirlerin sıracıklarında nesoy tema öter? (Vatan)

• Bu temaylan büünkü uroomuz baalı olacek.

• Uroon teması: Duuma erindän paalı yoktur. (Nikolay Baboglunun „Ayva çiçekleri“ annatmasına görä).

Uroon epigrafı: “İnsan vatansız, nicӓ kuş kanatsız”

- Nicӓ annêêrsınız bu söleyişi?

Ardılalım epigrafın maanasına da aklımıza getirdelim annatmanın içindekiliini:

Annatmanın baş personajları kim? (Simu, Zena, Vasil, Lügorcuk)

Triada (aazdan):

Evdeki iş: Grupalarda iş:

Temel laflar:

Duuma er-vatan-yurtluk-ana taraf-ana toprak

dirliktä yaşamak – uslulukta

biri-birinä kanaattılar – saygılıydılar

Gordievın düümüü – çapraşık, dolaşık (görüm işi)

problemanın çözülmesi – açıklanması

kira - kiracı

Getirin cümlelerinizi evdeki iştӓn.

5 min

İnteraktiv formativ kantarlaması

lääzımnı materialın formativ kantarlaması

frontal iş

sözleşmӓk

temel laflarlan iş

3. Üürenilimiş teoriya materialına analiz-sintez yapmak (sistematizaţiya, klasifikaţiya, bütünneştirmӓk).

İş annatmaylan:

• Ne bozdu içerdä dirlii?

• Nicä Zena savaşêr inandırmaa Vasili, ani taa ii geçmää Baurçuya yaşamaa?

• Neçin Vasilin bobası istedi satın almaa ondan evi?

• Nicä Vasil götürer kendini bu situaţiyada?

- Çeketmesindä annatmanın var mı verili ayledä problema?Nesoy?(Herbir personajın var duuma eri, ayırılmaa ondan zor).

Annatmanın probleması: Duuma erindän paalı yoktur.

• Kim durêr karşı-karşıya bu problemanın çozülmesindä?

Grupa1. Simunun harakteristikası tabliţaya görä.

Grupa3. Vasilin harakteristikası tabliţaya görä.

dartışmaklar

Simu

yaşlı, pensiyada

Zena

iki uşaan anası

gözäl

sever kocasını

Vasil

traktorist

sever karısını

Diagrama Ven

Ne birleştirer onnarı?

• sevda ana tarafına

• saygı biri-birinä, kanaattılar biri-birinnӓn

• ii ürekli

• çalışkan

7 min

biri-birini kantarlamak

lääzımnı materialın formativ kantarlaması

biri-birini kantarlamak

Grupalarda iş

İş tabliţaylan

Diagrama Ven

soruş-cuvap konuşması

3. REFLEKSİYA

4. Üürenilmiş kararlanmak metodlarına analiz-sintez yapmak:

a) produktiv uurunda,

b) başka razgelişlerӓ geçirmӓklӓn;

c) yaradıcılık uurunda

- Açan gençlerin hem ihtiarların arasında var dartışmaklar, lӓӓzım getirmӓӓ argumentlӓr, angıları inandırabileceklär hepsini, ani lääzım duuma erindä kalmaa yaşamaa.

• Nesoy argumentlӓr getirer bizim personajlar?

Grupaların ekspertleri: Getirmää argumentlär, angıları inandırabileceklär hepsini, ani lääzım orada kalmaa yaşamaa)

Argumentlär:

• Var mı nicä demää, ani kiminsä argumentleri taa kaavi, çetin, nekadar öbürlerin?

• Kim yardım eder çözmää bu problemayı? Lügorcuk 1,5yaşında Ligorcuun yaşaması ön eri kaplamaa başlêêr. Kendi yaşamakları hem duyguları ikinci plana kalêr.

• Tabiatın yazdırması bu annatmada angı eri kaplêêr? (tekstlӓn iş)

• Ayva aaçların yazdırması teksttä nesoy gösterili? (Üürenici okuyêr demekli tekstin bir fragmentini).

Bu üürenicinin annatmasından, angı cümlӓ gösterer annatmnaın öz fikirini?

Verili teksttä noktaların erinä lääzımnı bukvaları koyunuz. Angı kurallara görä orfogramalar var, annadın.

Bu ilkyaz gü..erindä ayva ..çları başladıydılar çiçek açmaa. Zena hergün Lügorcuklan çıkardı aula taazä solukta gezmää, alırdı uşaa kolcaazından da bakardılar ..enez açılan çiçeklerä, sevinirdilär eşilliklerä. Dün çiçeklär aaçlarda sat-pat açmıştılar, ama büün salt bir gecä aşırı dallar ..klenmiştilär tepeli çiçeklän. Aaçlar dururdular, nicä kürtün yıvınnarı biyazlıı gözünü kesärdilär, pembelii da sansın sabaa danından gelmişti bu görülmedik göze..ii tamamnamaa... (Burada uşaklan gezinärkän, Zena çok işlär aklından geçirirdi: nekadar gözäl laf işittiydi o adamından te bu aaçlar için. Bu aaçların altında Zena ilk sefer sölediydi adamına, ani Lügorcuklan vakıtlı kaldı, aklından geçirirdi Baurçuyu da, ama ayva aaçları burasının ruhuydu. Ne gözäldilär, ne sıktı o süt-biyaz, azıcık pembeli çiçeklär!)

10 min

3 min

4 min

3 min

lääzımnı materialın formativ kantarlaması

lääzımnı materialın formativ kantarlaması

aazdan cuvaplar

diskusiya

individual işi

demekli okumak

individual işi

yazılı iş

4. GENİŞLETMӒK

Feedback^,ın gerçeklenmesi

Literatura yaratmasınnan avtor dialog götürer kendi okuyucusunnan.

Okuyucu – te o, kim kableder literatura yaratmasını hem interpretaţiya ona yapêr.

Beendii personajı ayır, epigraflan baaladın, argument getirin.

- 2-3 üürenici ayırêrlar sevdii personajı da getirerlӓr argument.

- Ne neetlӓn avtor yazmış bu annatmayı? Ne istedi o bizӓ etiştirmӓӓ?

6 min

üüredicinin kantarlaması

Beendii personajı ayır, argument getir

sözleşmӓk

Notalamak

Ekspertlӓr koyêr nota üürenicilerä, komentariya yapêr.

Kantarlamak listesinӓ

2 min

ekspertlerin kantarlaması

Evdeki işin verilmesi

• “İnsan vatansız, nicӓ kuş kanatsız”/ “Uşaan mayıllıı aylenin kısmeti, düzülmesi”. Yazmaa ese, ardılarak annatmanın içindekiliinӓ. (8-10 cümlӓ)

• İkinci abzaţtan bulup-çıkarın bir adlık küçüldek formasında, angısında var vokal dönmesi. Yapın o lafa fonetika analizi.

2 min

Refleksiya

Büünkü urokta nesoy çıkışa geldiniz? Herbir insanın kendi vatanı var, o onu koruyêr ne kuvedi varsa.

Dekabrinin 23-ndӓ Gagauziyanın 30-ncu yıldönümü. Kutlêêrız Gagauziyanın hepsi yaşayannarını, vatandaşları bu gercik yortuylan.

Popuri 1.33 min

Seviniz, koruyunuz duuma erinizi. Ondan paalı yok!

Urok için çok saa olasınız.

Kalın saalıcaklan!

2 min

Popuri