Açık urok Tema: Önemni soţial dokumentleri. CV-i. Dmitriy Kara Çoban “Talantlı muzıka”.

Uroon etapları

Üüredicilerin/üürenicilerin çalışması

Vakıt

Kantarlamak strategiyaları

Didaktika strategiyaları

1. DİKATINI ÇEKMӒK

Dikatın çekilmesi

- Zaman hayır olsun! Pek sevinerim, ani buluştuk sizinnän da çalışacez barabar. Düşünerim, ani uroomuz geçecek ii, faydalı. Çekettireriz uroo gimnanın çalamsınnan.

Uroon çeketmesindӓ gimn çalêrlar. (Üürenicilӓr çalêrlar gimnı 0-51 sekund)

- Nesoy duygular kaplêêr sizi gimnayı çalmaktan sora? (hodulluk, patriotik duygusu)

- Nesoy muzıka siz beenersiniz? (yavaş, hızlı, klasika, şen)

2 min

interaktiv formativ kantarlaması

üüredicinin sözü

gimnı çalmak

sözleşmӓk

Evdeki işӓ kontrol yapmak

- “Muzıka girdi güüsümӓ, imiimӓ, bayılttı, sora dalgalandırdı hepsini benim duygularımı”? Tanıyın, nesoy yaratmadan alınma bu sıracıklar?

- Evdeki iştӓn.

- Nesoy evdeki iş verdim sizӓ?

- Dm. Kara Çobanın “Talantlı muzıka” annatmasının temasını, ideyasını yazmaa, variantlara görӓ iş: yazdırmaa baş personajı/muzıkanın büülü kuvedini.

Yaratmaya analiz yapmak:

Tema: muzikanın büülü kuvedi.

İdeyası: Avtor istedi göstermӓӓ, nicӓ gözäl muzıka avası, istämedӓӓn, kaplêêr insanın üreeni.

Baş geroyunun yazdırması: Vardı sıkı işi. Savaşardı kendini aldırtmamaa iştӓn, bişeyӓ kulak kasmamaa. Derin daaldıydı işinӓ. Ama istӓr-istemӓz sesirgendi. Tecil işi vardı. Havezlӓn işlӓrdi, işin islӓӓ dadına erdiydi, yoktu neetindӓ alınmaa, sapmaa düşünmektӓn. Lӓӓzımnık kapadı iş çizisinӓ. Braktı sıkı işini da tutundu seslemӓӓ muzıkayı.

• Nesoy muzıka braktırdı sıkı işindӓn baş personajı-avtoru?

Muzıkanın büülü kuvedini yazdırması: Yavaş muzıka sesi, kӓӓmil notalar işidilӓrdi. Uygun hem keskin akord. Akıllı, ürek sarsalar bir sesi var. Muzıka girdi güüsünӓ, imiinӓ, bayılttı, sora dalgalandırdı hepsini duygularını. Kaptı sarp ses dalgası, saçlarını kıpırdattı, soluunu sıktı. Masallı sesleri var. Talantlı kompozitorun talantlı muzıkası.

Bütünneştirmӓk: Var nicӓ saymaa baş personajı, avtoru kendisi - toplama bir süret? (üürenicilerin cuvapları) Çok sıra günümüz geçer boş kaçmaklardan, çok sıra hesap almêêrız incӓ zanaatın gözelliini.

• Nicӓ uyduracenız bu aarif sözü “Yaşamak kısa – incӓ zanaat diveç” annatmaylan? (aarif söz)

Biz ötӓӓ dooru taa dönecez muzıka temasına.

5 min

interaktiv formativ kantarlaması

sözleşmӓk

aaraştırmak metodu

2. ANNAMAYI GERÇEKLEŞTİRMӒK

Bilgilerin hem becermeklerin aktual edilmesi

Soruş-cuvap konuşması:

• Nesoy stillӓn biz işledik geçtik urok?

• Nicӓ düşünersiniz, büün biz ilerledecez mi ofiţial-izmetçilik stilinnӓn tanışmaa?

• Nesoy janraylan biz sizinnӓn işledik? Sıralayın janraları, angıları girerlӓr Önemni soţial dokumentlerinӓ.

• Neredӓ onnar kullanılêr?

Uroon temasını yazın: Önemni soţial dokumentleri. CV-i.

• Nesoy neetlӓr koyacez önümüzdӓ?

Uroon neetleri:

• yaratmaya literatura analizini yapmaa;

• CV-inin terminnӓn tanışmaa, komponentlerini yazdırmaa;

• örnekleri tabliţaya uydurmaa, doldurmaa;

• logika fikirini hem kendibaşına işlemeyӓ çalışmasını göstermӓӓ;

• incӓ zanaatın paalılıını yaşamakta duymaa;

• CV-i yazmasının faydalıı için bakışını kurmaa.

Temel laflarlan tanışmak:

• sıravardır – biri-biri ardına

• soyad –

• bobayca – bobanın adı

• ilk üürenmäk yılları – uşak başçasında yıllar

• çalışmak – zaamet

• kompetenţiya – görgü, bilgi

• becermeklerin hem sınaşmakların kompetenţiyası –

• hobi -

Problemni soruş: Neçin lääzım insan becersin yazmaa CV-i?

4 min

interaktiv formativ kantarlaması

evristik sözleşmesi

temel laflarlan iş

Problemni soruş

İş fotolarlan

• Baalayın annatmayı hem bu fotolarda anılmış adamnarı, kim onnar? Ne onnarı birleştirer? Gagauz kompozitorları: Pötr Petkoviç, Mihail Kolsa, Dm. Gagauz, Pötr Çaykovskiy, Evgeniy Doga, Manjul. (Onnar hepsi kompozitor).

• Kimi siz tanıyêrsınız? (sıralêêrlar)

• Büün kimin muzıkasını biz işittik? (Mihail Kolsanın)

2 min

interaktiv formativ kantarlaması

İş fotolarlan

evristik sözleşmesi

Büün o geldi bizӓ musaafirlӓӓ. Karşılayın.

AVTORUN KOLTUU Üürenici annadêr M.Kolsanın avtorbiografiyasını.

İndividual işi. Prezentaţiya: “Mihail Kolsanın biografiyası”.

Diskusiya.

• İki üürenicinin sözleri nesoy janralarda olur? (Biri kullandı kompozitorun biografiyasını, öbürü – avtobiografiyayı)

• Neylӓn ayırlanêrlar bu janralar biri-birindӓn? (Biri III-ncü üzdӓn annadılêr, öbürü – I-nci üzdӓn)

3 min

3 min

üüredicinin kantarlaması

individual işi

individual işi

prezentaţiya göstermӓk

aaraştırmak metodu

Avtrotun koltuu

• Ne o avtobiografiya? (üürenicilerin cuvapları)

Terminnӓrlӓn işlemӓk:

Avtobiografiya (urumca autos – kendim, bios – yaşamak, grapho – yazêrım) –

kısadan yazı bir kişinin kendi yaşaması için.

- Getirin sinonim bu lafa. ( Avtobiografiya – sinonim avtorezüme, CV-i)

- Zamandaş vakıtta, angı termini taa sık kullanêr insan?

- Ne o CV-i? (Tefterlerdӓ yazêrlar kuralı)

Curriculum Vitae /CV (latin dilindän «yaşamanın gidimi/örüyüşü», rusça – «avtorezüme») – toplu bir dokument, angısında gösteriler insanın üürenmäk yılları hem iş uuru, başarıları hem individual kaliteleri, angıları için yok nicä annatmaa başka dokumentlerdä. CV – o ölä standartlı bir dokument, angısında veriler çetin formatta hem sıravardır informaţiya kişi için.

4 min

kendi-kendini kantarlamak

konspekt yazmak

3. KAAVİLETMӒK

Bilgilerin kaaviletmesi hem becermeklerin oluşturması:

a) reproduktiv uurunda

b) produktiv uurunda

Strukturanın rekonstrukţiyası

Burada sıralık verili 10-ncu klasta üürenicilerӓ deyni.

İş yapraklarlan№1: CV-inin strukturasının logika sıralıını gösterin. (aazdan)

CV-i

1. İlk üürenmäk yılları

2. Üürenicinin soyadı, adı, bobayca

3. Başlankı klaslar yılları

4. İnsannık kalitelerinin (soţial) kompetenţiyaları

5. Duuma yılı, ayı, günü

6. Liţey yılları

7. Organizaţiya becermeklerin hem sınaşmakların kompetenţiyası

8. Gimnaziya klaslar yılları

9. Ev adresi, telefonnar (ev/mobil)

10. Kompyuter kullanması

11. E – mail

12. Hobi

Örnekleri göstereriz. Onnar verili slaydta.

5 min

interaktiv formativ kantarlaması

Strukturanın rekonstruk-

ţiyası

Aklımıza getirelim Ofiţial-izmetçilik stilinin nışannarını:

• o yazılêr kısadan,

• dooru,

• onda yok duygu,

• emoţiya hem süret gösterilmesi yok,

• standartlı strukturası,

• informatiyanın açıklanması toplu,

• standartlı söz çevirtmeli.

Yazılı iş: Yapraklarda verili tabliţaylan №3 işlemӓӓ. Ardılarak Mihail Kolsanın avtobiografiyasına, doldurmaa tabliţayı (II direcii)

Okuyêrlar işlerini.

• Nesoy çıkış kendinizӓ yapêrız? Kim lӓӓzım yazsın CV-i, doldursun tabliţayı? Neçin? (üürenicilerin cuvapları)

Cuvap: Kişi kendisi için, yaşamanın gidimi için taa islӓӓ biler, nekadar dolay insannar. Onuştan herkezi kendisi için lӓӓzım açıklasın, versin dooru haberleri.

5 min

biri-birini kantarlamak

Çiftlerdӓ yazılı iş

Feedback^,ın gerçeklenmesi

Dönelim problemni soruşa: Neçin lääzım insan becersin yazmaa CV-i?

Paalılık çizisi

0%                                              100%

- Kaç % kayılsınız siz, ani lӓӓzım becermӓӓ yazmaa CV-iyi?Kayıllıınızı % gösterin. Argumentlӓyin. (üürenicilerin cuvapları)

Üüredicinin sözü:

Var iki sebep:

1. CV-i dokumenttä veriler en önemni informaţiya insan için: duuması, üürenmesi, adresleri, çalışması, becermekleri. Bunnara görä belli olêr, neylän hem nezaman zanaatlanardı o hem nicä dooru harcardı vakıdını.

2. Taa sık CV – i bu ilk dokument, angısını lääzım göstermää komisiyaya, angısına görä peydalanêr ilk bakış kandidatın çalışmaları için, becermekleri için. Onuştan önemni, ani CV-i olsun verili üüsek uurda.

Zamandaş vakıdında kişi lääzım hazır olsun cümnä topluluuna ilin katılmaa hem da cümnedä kendi erini bulmaa. 

Çok önemni büünkü gündӓ olmaa mobil insan? Bir iştӓn geçmӓӓ hızlı öbür işӓ.

4 min

lääzımnı materialın formativ kantarlaması

diskusiya

üüredicinin sözü

Kantarlamak

Üüredici koyêr nota üürenicilerä, komentariya yapêr.

2 min

interaktiv formativ kantarlaması

Evdeki işin verilmesi

Kişi kendisi için, yaşamanın gidimi için taa islӓӓ biler, nekadar dolay insannar. Onuştan herkezi deneyecek doldurmaa tabliţayı kendisi. Bunnar bizdӓ denemeklӓr, onuştan çıkardılmış informaţiyayı var nicӓ kullanmaa. İi başarılar!

• Tablițayı №1 dooru geçirin tefterä.

• Doldurun 2-nci direcii iformaţiyaylan kendiniz için.

3 min

4. GENİŞLETMӒK

Refleksiya

“Bir laflan” 1-3 laf ayırmaa bu lafların sıralıından, stikerlerӓ yazmaa, ki taa doorudan göstermӓӓ deyni kendi durumunu uroon sonunda.

Eterli, diil eterli, sevinmelik, kuşkuluk, ihlam, mutluluk, raatlık, güvennik, güvenniksiz, kanaatım, mayıllık, üfkelik, raatlık, küsmäk, korkunç, usluluk.

Üüredicinin sözü:

“Yaşamak kısa – incӓ zanaat diveç” aarif sözlӓn başarmaa isteerim uroomuzu. Önemni diil sade incӓ zanaatı görmӓӓ, işitmӓӓ, duymaa, ama önemni onnarı yaradannarı için dӓ bilmӓӓ, tanımaa onnarı. Burada yardımcı olêr bizӓ biografiyalar, avtobiografiyalar yada zamandaş vakııtta CV-ilӓr.

Çok saa olasınız urok için hem var olunuz!

3 min

interaktiv formativ kantarlaması

“Bir laflan”

üüredicinin sözü

Üürenicinin soyadı, adı, bobayca

Uzun Marina Vasilyevna

Duuma yılı, ayı, günü

2004 yıl iyülün16

İlk üürenmäk yılları

2007-2011 y. gittim Komrat rayonunda Kongaz küüyündä «Papatya» uşak başçasına.

Başlankı klaslar yılları

2011-2015y. pek ii notalarlan başardım başlankı şkolayı Kongaz küüyün T.Zanet adına liţeyindä.

Gimnaziya klaslar yılları

2015 – 2020 y. başardım hep o liţeydä 9-cu klası.

Studentlik yılları

2021-inci yılda girdim üürenmää Komrat kasabasında Ay Boba M. Çakir adına kolecä. Üürenerim 1-inci kurstta. Zanaat uuru: “Sotial izmetçisi”

Üürenmäk erin adresi, telefonu

Komrat dolayı, Kongaz küüyü, Gorkiy sokaa...

Ev adresi, telefonnar (ev/mobil)

Moldova Respublikası Gagauz Avtonom Bölgesi

Komrat rayonu, Kongaz küüyü, Oktäbrskaya sokaa, 24

0298....

E – mail

[email protected]

İnsannık kalitelerinin (soţial) kompetenţiyaları

Cuvapçı, kreativ, namuzlu...

Organizaţiya becermeklerin hem sınaşmakların kompetenţiyası

Şkolada klasta üç yıl sıravardır grup lideri oldum.

Kompyuter kullanması

Microsoft Office Word, Facebook

Hobi

Beenerim oynamaa voleybol, kendibaşına üürenerim ingliz dilini...