Алфавітна - лічбавыя клавішы на клавіятуры камп'ютара

Дзяржаўная ўстанова адукацыі

« Мётчанскі вучэбна – педагагічны комплекс

дзіцячы сад – сярэдняя школа Барысаўскага раёна»

ПЛАН – КАНСПЕКТ УРОКА

ПА ПРАДМЕЦЕ «ЭЛЕМЕНТЫ КАМП’ЮТАРНАЙ ГРАМАТЫ»

5 клас інтэграванага навучання і выхавання

Алфавітна – лічбавыя клавішы

на клавіятуры

Падрыхтаваў

настаўнік – дэфектолаг

Л.В.Буяк

2018

Тэма: « Алфавітна – лічбавыя клавішы на клавіятуры »

Мэта ўрока: канкрэтызацыя ведаў вучаніцы аб клавіятуры камп’ютара як важнейшага ўстройства для ўвода інфармацыі ў камп’ютары

Задачы ўрока:

Адукацыйная : фарміраваць

• разуменне адрознення інфармацыйных задач і праграмным сродкаў;

• веды асноўных груп клавіш клавіятуры;

• навыкі набору тэкставай інфармацыі.

Карэкцыйна – развіваючая : развіваць асноўныя псіхічныя функцыі, дробную маторыку рук.

Выхаваўчая : фарміраваць культуру вучняў , дысцыплінаванасць, кантроль за ТБ.

Тып урока : вывучэнне новага матэрыяла, абагульненне.

Абсталяванне : дэманстрацыйны матэрыял, , карткі-заданні, крыжаванка

Ход урока:

I. Арганізацыйны момант

- Добры дзень! Я рада бачыць усіх. Паглядзім адзін на аднаго, усміхнемся, пажадаем поспехаў і пачнём наш урок.

- Сёння мы паўторым атрыманыя раней веды і будзем працягваць знаёміцца з клавіятурай.

II. Праверка пройдзенага матэрыяла

• Давай успомнім асноўныя ўстройствы камп’ютара. У цябе зараз ёсць схема устройства камп’ютара . Прапаную запоўніць яе самастойна (дадатак 1).

IІІ. Вывучэнне новага матэрыяла

Клавіятура - гэта ўстройства для ўвода інфармацыі ў камп’ютар . Клавіятура складаецца з наступных асноўных частак (дадатак 2).

Клавіятура

Запіс у сшытак!!!

Функцыянальныя клавішы

{F1} - {F12} - запраграміраваны на выкананне пэўных дзеянняў.

Сімвальныя (алфавітна-лічбавыя) клавішы

Лічбы : 0 1 2 3 4 5 6 і г.д..

Сімвалы: @ № ! $ & * + ( ) = / і г.д..

Рускія і лацінскія літары: А Щ Ы Ю S Z R G L і г.д.

{Прабел} – аддзяляе адно слова ад другога .

Клавішы ўпраўлення курсорам

Курсор - месца ўвода сімвала на экране манитора ( міргаючая рысачка).

{←}, {↑}, {→}, {↓} перасоўвае курсор на адну пазіцыю ў зададзеным накірунку.

{PageUp} і {PageDown} дазваляе гартаць дакумент уверх і ўніз.

{Home} і {End} пераводзіць курсор у пачатак і канец стракі.

Спецыяльныя клавішы

{Enter} – завяршае ўвод каманды ; пры наборы тэкста служыць для завяршэння ўвода абзаца.

{Esc} - звычайна для адмены зробленага дзеяння.

{Shift}, {Ctrl}, {Alt} - змяняюць дзеянне іншых клавіш.

Windows-клавішы

 - вызывае галоўнае меню.

• Акрамя клавіш, на клавіятуры ёсць індыкатары - лямпачкі, якія паказваюць у якім рэжыме працуе клавіятура.

• Пераключыць з адной мовы клавіятуру на другую можна з дапамогай розных спалучэнняў клавіш, але аб гэтым ты даведаешся крыху пазней.

• Любы тэкст змяшчае як маленькія так і вялікія літары. Для атрымання вялікай літары выкарыстоўваюць адначасова клавішу Shift і клавішу з патрэбнай літарай.

Увага!!! Спачатку трэба нажаць клавішу  Shift, трымаць яе, затым нажаць на клавішу з літарай.

• У выпадку, калі трэба адразу напісаць некалькі вялікіх літар, то можна нажаць на клавішу Caps Lock. Пасля гэтага на клавіятуры ўключыцца індыкатар . Усе літары будуць друкавацца вялікімі. Каб вярнуцца ў звычайны рэжым, трэба зноў нажаць на клавішу Caps Lock. Калі ўсё зроблена правільна, лямпачка індыкатара пагасне.

ІV. Фізхвілінка з выкарыстаннем афтальматрэнажораў

V. Практычная работа . Адкрый праграму Word . Набяры тэкст наступнага плана: сваё прозвішча і імя, дату нараджэння і адрас .

VІ . Замацаванне пройдзенага

- Давай нагадаем пра што сёння ішла гаворка? Якія новыя веды і навыкі атрымалі? Чаму навучыліся? Я прапаную адгадаць крыжаванку. ( дадатак 4 )

Па гарызанталі:

1. Спецыяльнае ўстройства для ўпраўлення курсорам (жах для дзяўчат)
2.Яна ёсць у ноутбука і камп’ютара. Устройства для ўвода інфармацыі ў камп’ютар
3. Месца ўвода сімвала на экране манитора ( міргаючая рысачка)

Па вертыкалі:

• 1. Устройства для зберажэння,апрацоўкі інфармацыі
  2. Самая галоўная мікрасхема, мозг камп’ютара
  3. Устройства для вывада інфармацыі на экран
  4. Устройства для распячаткі набранай інфармацыі на камп’ютары
  5. Лямпачкі, якія паказваюць, у якім рэжыме працуе клавіятура

VII. Падвядзенне вынікаў. Рэфлексія. Выстаўленне адзнакі

У выдзеленых квадратах знаходзяцца літары, пры складанні якіх атрымаецца слова МАЛАЙЧЫНА

Дадатак