"Арналы б?ла? - асыл с?з" авторлы? ж?мыс

«Арналы бұлақ – асыл сөз» бағдарламысына сай қосымша тапсырмалар жинағы.4 сынып

Аптасына 1 сағат, барлығы – 34 сағат

Алғы сөз

Әдебиеттік оқу және қазақ тілі пәндері бойынша 4 – сыныпқа арналған бағдарлама оқушылардың сөздік қорларын молайту, тілдерін байыту, ойлау қабілеттерін арттыру, жалпы ауызша-жазбаша білімдерін кеңейту, сауаттылығын пәнге деген қызығушылығын арттыру және мемлекеттік стандартты бекіту, мұғалімге көмек құралы мақсатында қосымша пән ретінде бағдарлама құрылды. Осы бағдарламаға сай құрылған тапсырмаларда әр түрлі мәтіндер, өлеңдер, жұмбақтар, жаңылтпаштар,ойындар, мақал-мәтелдер түрінде құрылды. Құрастырылған тапсырмалар арқылы оқушылар қазақ тілі мен қазақ әдебиетінен алған білімдерін әрі қарай толықтырып, өткен сабақты пысықтауға пайдаланылады.

Ұсынылып отырған бағдарлама жаңа білім жүйесінің басты негіздерін жүзеге асыру жөнінде бағыт береді, ал сол тақырыпты пысықтауға арналған қосымша тапсырмалар бір-бірін толықтыра түседі.

Бағдарламаның мақсаты:

1. Оқушыларды әңгімені түсініп оқуға, мәтіннің мағынасын дұрыс түсінуге,мәнерлеп оқуға,оқу дағдыларын қалыптастыруға жетелеу.

2. Шығармалардың мазмұнын аша отырып, баланың сөздік қорын толықтыру, сөйлеу тілін дамыта отырып, әсерлеп, мағыналы әңгімелей білу дағдыларын дамыту, дүниетанымдарын кеңейту.

3. Ана тілін сүюге, туған жерге деген сүйіспеншілік сезімдерін ояту.Оқушыны ізденуге жетелеу.Өнегелі, саналы тұлға болуға, ана тілін сүюге тәрбиелеу.

Түсініктеме хат

Бұл пән ана тілі пәнінен қосымша пән ретінде кіріп отыр. Осы бағдарлама арқылы балалар сөз өнерінің небір түрімен кездеседі. Туған жер, туған ел туралы өлең-жырлар, ерлік, елдік дәстүрлер, табиғат құбылыстары туралы әңгіме-ертегілер және ақын-жазушылардың шығармаларын әрі өздерін қызықтыратын үзінділерді оқи алады.

Мәтінді түсініп, мәнерлеп оқыған сайын сөз өнерінің құдіретін сезіне түседі. Асыл сөзді көп тыңдап, көп оқу арқылы білімдері толығып, рухани сезімдері байып,іштей түлеп, өздері де тауып айтуға, көркем сөйлеуге талпына түсуге көмекші құрал.