Աշխարհի 20 ամենափոքրիկ կենդանիները

Աշխարհի 20 ամենափոքրիկ կենդանիները

share

Մեր մոլորակը լի է հսկայական ու փոքրիկ կենդանիներով: Դրանց մեջ կան և՛ գեղեցիկ կենդանիներ, և՛ տարօրինակ: Փոքրիկ կենդանիները մշտապես հարուցել են շատերի զարմանքն ու հիացմունքը: Գիտնականները փորձում են գտնել փոքր կենդանիների նորանոր տեսակներ՝ մարդկանց հետաքրքրասիրությունը բավարարելու համար: Հետաքրքիր է, որ որոշ տնային կենդանիներ, որոնց մենք ամեն օր տեսնում ենք իրենց սովորական չափերով, ունեն նաև գաճաճ ցեղակիցներ: Այս հոդվածը կօգնի ձեզ նոր գիտելիքներ ձեռք բերել աշխարհի ամենափոքրիկ կենդանիների մասին: 

 20  Գաճաճ այծքաղ

Այս փոքրիկ կենդանին այծքաղի տեսակներից է: Գաճաճ այծքաղների հասակը հասնում է 25-30 սմ-ի, իսկ քաշը՝ 1.5 մինչև 3 կգ: Դրանք կարող են հեշտությամբ տեղավորվել մարդու ձեռքի ափի մեջ: Այս կենդանատեսակը բնակվում է սաղարթախիտ անտառներում և ամենից հաճախ հանդիպում է Աֆրիկայի արևմուտքի անտառներում:  

 19  Քամելեոն բրուկեզիա միկրա 

Սա աշխարհի ամենափոքր քամելեոնն է: Նրա միջին երկարությունը 30 մմ է: Այս տեսակին պատկանող քամելեոնները բնակվում են տերևների մեջ: 

 18  Իշամեղու-չղջիկ

Այս աննշան չղջիկները նման են իշամեղվի: Դրանք հայտնի են նաև իբրև խոզի քթով չղջիկներ: Դրանք բնակվում են Թաիլանդում: Իշամեղու-չղջիկը կշռում է մոտ 2 գրամ: Այն աշխարհի ամենափոքր կաթնասունն է: Իշամեղու-չղջիկի մասին առաջին տեղեկատվությունը հրապարակվել է 1974 թ.-ին:

 17  Hippocampus satomiae

Hippocampus satomiae-ն աշխարհի ամենափոքր ծովաձին է: Այս կենդանատեսակն անվանվել է Սատոմի Օնիշիի պատվին: Օնիշին այն ջրասուզորդն էր, ով հայտնաբերել է այս կենդանատեսակը: Hippocampus satomiae-ի երկարությունը հասնում է 14 մմ-ի:  Ծովաձիու այս տեսակը հայտնաբերվել է 2008 թ.-ին: Այն հանդիպում է Ինդոնեզիայում և Կալիմանտանում:

 16  Վարդագույն զրահակիր

Այս փոքրիկ կենդանին Արգենտինայից է: Հայտնի է զրահակիրների 20 տեսակ, որոնցից ամենափոքրը հենց վարդագույն զրահակիրն է: Այն բնակվում է Արգենտինայում և հայտնի է նաև իբրև Ավազի լողորդ (վարդագույն զրահակիրն իր ժամանակի մեծ մասն անցկացնում է գետնի տակ): Նրա մարմնի երկարությունը կազմում է 12-15 սմ:   

 15  Բրիտանական Վիրջինյան կղզիների գաճաճ գեկոն

Գաճաճ գեկոնն աշխարհի ամենափոքր մողեսն է: Այս մողեսի երկարությունը 18 մմ է, իսկ քաշը՝ 0,15 գրամ: 

 14  Գաճաճ համրուկ  

  Համրուկները դանդաղկոտ ու ամաչկոտ կենդանիներ են: Գաճաճ համրուկը աշխարհի ամենափոքր համրուկն է՝ հայտնի նաև իբրև եռոտանի համրուկ:  Այն հանդիպում է Պանամայի կղզիներից մեկում: Սա համրուկի ամենավտանգված տեսակներից է:  

  13  Եռոտանի գաճաճ ճագարամուկ

Եռոտանի գաճաճ ճագարամուկը դասվում է աշխարհի ամենափոքր կաթնասունների թվին: 3.75 գրամ կշռող այս ճագարամուկը նաև աշխարհի ամենափոքր կրծողն է: Այն Պակիստանի էնդիմիկ կենդանիներից է, բնակվում է անապատային տարածքներում:  

 12  Paedophryne amauensis

Paedophryne amauensis գորտը աշխարհի ամենափոքր ողնաշարավորն է: Այն միայն վերջերս է հայտնաբերվել: Paedophryne amanuensis-ը հանդիպում է Պապուա Նոր Գվինեայում: Այս տեսակին պատկանող գորտերի երկարությունը կազմում է 7.7 մմ.:

 11  Ֆիլիպինյան երկարակրունկ

Ֆիլիպինյան երկարակրունկը Ֆիլիպինների էնդեմիկ կենդանիներից է: Երկարակրունկների ուշագրավ առանձնահատկություններից մեկն այն է, որ նրանք կարողանում են գրեթե 180 աստիճանով պտտել իրենց գլուխը: Ֆիլիպինյան երկարակրունկը ամաչկոտ կենդանի է և միայն գիշերն է դուրս գալիս ուտելիք հայթայթելու համար:   

Շարունակելի...