Ашық сабақ Әлемге танымал "Ұлытау"

Бөлім: 8-бөлім: Музыка. Қазақтың киелі домбырасы.

Мектеп: Сұрған орта мектебі

Күні: 2-сабақ Мұғалімнің аты-жөні: Майкенова Кулжан Нурлановна

Сынып: 7 Қатысқандар саны: 4 Қатыспағандар саны:

Сабақ тақырыбы: Әлемге танымал «Ұлытау»

Мақсаты:

Жаңа тақырып бойынша әртүрлі тілдік тапсырмалар орындауды, жай сөйлемдер құрауды, мәтін мазмұны бойынша өз ойын жеткізуді үйрету.

Сілтеме: Оқу бағдарламасы, «Қазақ тілі» оқулығы.

Жетістік критерийлері: Оқушының төменгі жетістігі (ОТЖ): мәтін бойынша ақпарат береді, тақырыпқа қатысты жаңа сөздерді қолданып жай сөйлемдер құрайды.

Оқушының орташа жетістігі (ООЖ): негізгі ақпаратты пайдаланып, мәтінді мазмұндап береді, тақырыпқа қатысты сыныптастарымен диалог құрады.

Оқушының жоғарғы жетістігі (ОЖЖ): тақырып бойынша өзге дереккөздерден қосымша ақпарат береді, өз пікірін еркін жеткізе алады, шағын мәтін құрай алады.

Жаңа сөздер: тыңдарман, дәріптеу, батылдық, ұйытқу, аңқу, жылқылардың желісі, қатал жүзді, үйлестіру, елестету

Грамматика: Етістіктің шақтары (бұрынғы және ауыспалы өткен шақ, мақсатты және болжалды келер шақ) мен қалау райдың қызметін білу

Сабақта қолданылатын материалдар: Интерактивті тақта, копьютер, слайдтар, үнтаспа, тақырыпқа қатысты альбомдар, буклеттер, смайликтер.

Оқыту әдістері: Әңгімелеу, түсіндіру, сұрақ-жауап, жұптық жұмыс, «Жүректен-жүрекке» тренингі, "Интервью алу" әдісі, «Жетістік сатысы» , диалог, «Дауыстап ойлау» тәсілі. «Төрт сөйлем» әдісі

Дереккөздері: Әдістемелік құрал, дидактикалық материалдар, сөздік, ғаламтор желісі.

І. Сабақ барысы

1. Оқушыларға психологиялық ахуал туғызу

- Сәлеметсіңдер ме, балалар! Қазір барлығымыз шеңберге тұрамыз. Сендермен

«Жүректен жүрекке» тренингін өткіземіз. Жүректі ұстап, бір-бірлеріңе ұсына отырып, жақсы тілектер айтасыңдар. Оқушылар бір – біріне жақсы тілектер айтып, сәттілік тілейді.

Мақсаты: оқушылардың ауызша сөйлеу дағдыларын дамыту және мейірімділікке тәрбиелеу.

Топқа бөлу.

Оқушылар үлестірілген музыкалық аспатар суреттері (домбыра, скрипка) бойынша топқа бөлінеді

Мақсаты: оқушылардың сурет бойынша топтағы өз орындарын жылдам табуға, шапшаңдыққа дағдыландыру.

2. Өткенді пысықтау

Мақсаты: Оқушының жылдам әрі тұжырымды ойлауға дағдыландыру.

"Интервью алу" тәсілі Бір оқушының көмегімен орындалады.

- Күй дегеніміз – не?

-Күй туралы кімнің поэмасы бар?

- Ол поэмада кім бейнеленген?

-Сен күй тыңдайсың ба?

-Қандай атақты күйшілерді білесің?

-Домбыра – қандай аспап?

-Домбыра туралы не білесің?

-Қазіргі күйшілер туралы білесің бе?

Бағалау: смайликтермен бағалау

ІІ. Сабақ ортасы

1. Қызығушылықты ояту

Мақсаты: оқушылардың сабаққа, қазақ әніне деген қызығушылығын ояту.

Балалардың жаңа сабаққа деген қызығушылығын ояту мақсатында Ұлытау тобының орныдауындағы «Сағым дала» күйін тыңдайды. Көз алдына елестету.

2 "Сұрақ - жауап" әдісі

Мақсаты: бұл әдіс арқылы сабақтың тақырыбын, мақсатын бірлесіп қою. Ауызша сөйлеу қабілеттерін дамыту.

-Балалар, бұл күйде қандай аспаптар естіледі?

-Қандай көріністер көз алдарыңа келді?

-Бұл қандай топ орындаған?

Бүгінгі сабағымыздың тақырыбы: Әлемге танымал «Ұлытау».

Балалар, қазір біз, сендермен бүгінгі сабағымыздың мақсатын бірлесіп қоямыз.

- Қалай ойлайсыңдар бүгін сабақта не істейміз?

- Мәтінді тыңдап түсінеміз.

-Тірек сөздер, дауыс ырғағы мен сөйлеу мәнерін қолданып мәтіннің негізгі ойын анықтаймыз.

- Сұрақтар, сөйлемдер арқылы мәтінді мазмұндаймыз.

3. Жаңа сөздермен жұмыс

Мақсаты: оқушылардың сөздік қорларын байыту

Мұғалім интерактивті тақтадан тақырыпқа қатысты жаңа сөздермен таныстырады, аудармасын айтады. Оларды оқиды, оқушыларға қайталайды. Сөз тіркестерін құрайды.

4. Мәтіналды жұмыс. Айтылым. 2- тапсырма Сурет бойынша әңгіме құра.

Мақсаты: оқушыларды ойын дәлелдеп айта білуге үйрету.

Мәтінмен жұмыс. 3-ші тапсырма. Мәтіндегі негізгі ақпаратты анықтау. Тыңдалым. Оқылым. «Дауыстап ойлау» әдісі

Жұптаса отырып берілген тақырыпты біреуі дауыстап оқиды, екіншісі тыңдай отырып ой түйеді. Бір- біріне түсіндіреді.

Мақсаты: Оқушыларды дұрыс тындауға ынталандырады. Оқылым, тындалым дағдылары қалыптасады. Ойлау қабілеті дамиды, сөздік қоры молаяды.

Бағалау: «мадақтау» сөздерімен бағалау.

Сергіту сәті «Қара жорға» биі

«Мистер Х» әдісі. Мәтін бойынша негізгі мәліметті, жылдам әрі нақты толтыру. Әр оқушыға толтыру парағы таратылады, оқушылар шеңбер құрып, бір-бірінен мәлімет жинайды.

Мақсаты: оқушылардың есте сақтау дағдыларын қалыптастыру.

І-нұсқа

Қазақтың «Ұлытау» этно-рок тобы ... жылы құрылды. Топтың мақсаты- бүкіл әлемге .... таныстыру, домбыраның қадір-қасиетін дәріптеу. ... мен скрипканың үнін тамаша үйлестіреді. Қазақ мәдениетін әлемге таныстыру. «Ұлытау» тобы – ... тобы. Отандық және ... композиторлардың шығармаларын орындайды. ... шығармалар мен туындыларды орындайды.

ІІ-нұсқа

Қазақтың «Ұлытау» ... тобы 2001 жылы құрылды. Топтың мақсаты- бүкіл әлемге қазақ халқының мәдениетін таныстыру, ... қадір-қасиетін дәріптеу. Домбыра мен .... үнін тамаша үйлестіреді. ..... әлемге таныстыру. «Ұлытау» тобы –жаңалық тобы. .... және әлемдік композиторлардың шығармаларын орындайды. Классикалық шығармалар мен туындыларды орындайды.

ІІІ-нұсқа

... этно-рок тобы .... жылы құрылды. Топтың мақсаты- бүкіл әлемге ..... мәдениетін таныстыру, домбыраның қадір-қасиетін дәріптеу. Домбыра мен скрипканың үнін тамаша .... . Қазақ мәдениетін ..... таныстыру. «Ұлытау» тобы –жаңалық тобы. Отандық және әлемдік .... шығармаларын орындайды. ..... шығармалар мен туындыларды орындайды.

Бағалау: «Екі жұлдыз бір тілек» әдісі

5-тапсырма Берілген етістіктерді шақ формасымен түрлендіріп, сөйлем құра.

Мақсаты: оқушылардың жазылым, сөздік қорларын, есте сақтау дағдыларын жетілдіру.

Бағалау: смайликтер арқылы бағалау

Жұптық жұмыс. Қағаз қиындыларынан мереке атауын анықтау.

2018 жылы шілденің бірінші жексенбісі ұлттық домбыра күні болып жарияланды.

Домбыра құрылысымен таныстыру.

ІІІ. Қорытындылау

«Төрт сөйлем» тәсілі

Мақсаты: Оқушылардың ойлау сөйлеу қабілетін, тіл байлығын жетілдіру.

Пікір. Мәтін бойынша пікіріңді бір сөйлеммен жаз.

Дәлел. Өз пікіріңді бір сөйлеммен дәлелде.

Мысал. Пікіріңді өмірмен байланытыр.

Қорытынды. Тақырып бойынша қорытынды жаз.

Үлгі:

Пікір. Қазақтың «Ұлытау» этно-рок тобы- жанашыл топ.

Дәлел. Топ қазақтың қара домбырасын әлемге танымал етті.

Мысал. Түрлі тақырыптағы, түрлі дыбыстың ерекшеліктері бар туындыларды орындайды.

Қорытынды. «Ұлытау» тобы – қара домбыра мен скрипканың үнін үйлестіре білген топ.

Бағалау: смайликтер арқылы бағалау

IV. Үй тапсырмасы

7-тапсырма. Жақша ішіндегі тұйық етістіктерді тиісті тұлғада қойып, сөйлемді жаз.

V. Рефлексия

Кері байланыс. "Жетістік сатысы" әдісі. Түрлі -түсті стикерді жабыстыру.

Мақсаты: оқушылардың жаңа сабақ бойынша білім деңгейлерін анықтау, келесі сабақты жоспарлауда назарға алу.

Жақсы түсіндім

Аздап түсіндім

Түсінбедім