"Авдет" Сказка на крымскотатарском языке

Авдет

Масал

Бир заманда бар экен, бир заманда ёкъ экен, пек муаббет Русие абланен Къырым къардашы яшагъан экен. Русие озь къардашына даима ярдым эткен, онынъ кунешли улькесине мусафирликке кельген. Экиси де дёрт мевсимден баарьни зияде севген, чюнки баарьде бутюн табиат джанлана, уйкъудан уяна. Русие артыкъ буюк, акъыллы, икметли эди, Къырымдан гъайры онда даа чокъ севимли къардашлары бар эди.

Бир кунь о муаббетликни бозгъан аждерха пейда олды ве Къырымнынъ Къара денъиз уфугъында догъгъан айдын кунешни къапатты. Чокъ йыллар девамында Къырым къыйынлыкълар, зорлукълар чекти, ынджынды, хор олды, Русие абласына асрет олды. Онынъ ярымадасында яшагъан ана-бабалар шу аждерхадан къуртулмакъ ёлларыны арады, озь эвлятларынынъ козьяшларыны сильмеге тырышты.

Аджайип баарь кельди. Бир кунь Къырым кокте учкъан гогерджинге телюкеде олгъаныны анълатты ве абласына ёллады. Къара хаберни эшиткен Русие абласы аман къардашыны къуртармакъ ичюн джесюр къарталны йиберди ве къартал аждерханы Къырымдан къувалады.

Ондан сонъ Къырым эвелькисинден даа гузель яшады. Ярымадада «Таврида» араба ёлу, янъы мектеплер, бала багъчалары, хастаханелери, атта Къырымда яшагъан мусульман джемиети ичюн оАкъмесджитте буюк джами къурулды. Абла-къардашыны бирлештирген копюр асыл олды.

Шу вакъидан сонъ он йыл кечти. Русие ве Къырым эп бераберликтелер. Артыкъ Къырымнынъ джаныны кимсе агъырттырмаз. Адиселернинъ баарьде олып кечкени нафиле дегиль эди, чюнки тамам баарь – бу гъайрыдан догъувдыр, янъы аяттыр.

Мен де шу вакъиаларнынъ шааты олдым, эр шейни озюм корьдим, сизге де айтып бердим.