Багашуулаа баярлуулая! (Австралиин амитад)

Австралиин амитад

АВСТРАЛИ БА ДАЛАЙН ОРОНУУД

Борохон һаарал дэгэлтэй,

Болсогор харахан хамартай,

Багтаамжа бараг туулмагтай

Бамбагар уутата баабгай

Бүхэли үдэр нойрмоглон,

Бүүбэй-бүүбэй һажана.

Бүдүүн эвкалиптын набша

Бүмбытэрөө жажална.

Тасманиин аралай оршон һуугша

Тагнуулда гараба һүниндөө.

Таһаршагүй шангаар шашхажа,

Табилна урагша хойшоо.

Тархагар хүжүүн бэетэй,

Тарган өөхэлиг һүүлтэй,

Тархи ама томотой,

Тагзагар уутата шүдхэр.

Газар уһанай амидаралтай,

Галуу нугаһанай хушуутай,

Гарбалаараа һүн тэжээлтэй

Гайхалтай һонин амитан.

Хахад һүни болгожо,

Харанхы нүхэнһөө гарадаг.

Хабша жараахай бэдэржэ,

Хасарнуудтаа хадагалдаг.

Хуурай газар оложо,

Хуухиран байжа хооллодог.

Хорогүй хитүү абаритай

Хоморой нугаһан хушуута.

Алас холо Австралида

Алдарта, домогто болоһон,

Алхаха бүхэндөө харайдаг

Аляабар зантай эмжэ мүн.

Урайнай эртэ угһаа

Урдаа гүнзэгы уутатай,

Ухариха, сухарихаа мэдэхэгүй

Ута һүүлтэй эмжэ мүн.

Шаргал хүрин үнгэтэй

Шаб гэмэ бэетэй,

Шуумар шонын уляатай

Шуран зэрлиг нохой.

Амаргүй һонор, ухаатай,

Агнаха, тагнаха дуратай,

Агы нүхэндэ байрладаг

Австралиин шара динго.

Дээхэг-дээхэг гэшхэдэлтэй,

Дэндүү дэнхэгэр бэетэй,

Дэгэл үдхэн нооһотой,

Дэбһэхэ шанга булшантай

Дээрэлхүү харасатай эмү

Дэбихэ, һэбихэ далитайш һаа,

Дээгүүр ниидэхэ аргагүй юм.

Мэрэгшэ амитадай дундаһаа

Мэдэнэ гүт эгээл томыень?

Гарбалаараа Австралиһаа

Гайхахаар һонин амитан даа.

Боро хүрин арһатай,

Богонихон даа хүлнүүдтэй,

Болсогор бамбарууша хоншоортой

Болхигор вомбат хөөрхэн даа.

Шэнэ Зеландиин шубуухай

Шэлбэ шагай шангатай,

Шэбээлэн газар доро байрладаг,

Шэдитэ үндэгөө дарадаг.

Үдхэн хүрин нооһотой,

Үзүүртэй ута хушуутай,

Үдэшэ һүни эдэбхитэй

Үльгэрэй киви шубуухай.