Балдарга болүнгөн убакыт балдарды бактылуу кылат

Асан Эшенкулов атындагы орто мектеби мекемеси

2024-жыл 30-апрель

Ачык тарбиялык сабак.

Тема:»Балдарга бөлүнгөн убакыт ,балдарды бактылуу кылат»

Сабактын максаты:

А) Ата-энелер жана окуучулар, бири-бирибизге  бөлүнгөн убакыт текке кетпестигин  жана аны жашоодо канчалык заарыл,маанилүү  экендигин ,чогуу өткөргөн убакыттын өзү «бакыт» экендигин билишет .

Б) Берилген тапшырмаларды аткаруу менен ,балдарга ,ата-энеге атайын убакыт бөлүүдө үй-бүлөнүн биримдиги,ынтымагы ,тынчтыгы көңүл бөлүүдө(бурууда) экендигин билишет.

В)  Өз ойлорун туура ,так айтууга,топтордо ,жуптарда бирдиктүү иштөөгө,бирин-бири сыйлоого жана уга билүүго тарбияланышат.

Сабактын усулу: Аңгемелешүү ,топтордо иштөө.

Сабактын тиби: Жаңы матерялдарды өздөштүрүү.

Сабактын жабдылышы: видео ролик,таркатмалар(дидактикалык матерялдар)

Сабактын жүрүшү:

1-киришүү

2-Топтордо иштөө

3-жуптарда иштөө

4-бышыктоо

5-баалоо

6-жыйынтыктоо

7-үй тапшырмасы

Киришүү:

СИЗ КАНДАЙ ГҮЛСҮЗ?

Сиз өзүңүзү кандай гүлгө окшоштурган болсоңуз ата-энеңиз үчүн же балдарыңыз үчүн ошондой гүл сыяктуусуз.Аны соолутуп албаш үчүн эмне кылышыбыз керек?(окуучулар,коноктор өз ойлору менен бөлүшөт)

Жооп:Албетте биринчи кезекте көңүл бурушубуз керек.Убагында суу куюп ,өзүбүздө бар энергияны беребиз жана аны багып өстүрөбүз.Ошондо гана ал гүлүн ачып үйүбүздү жана жан-дүйнөбүздү кооздоп өзүбүзгө энергия берет.

Биз гүлдүн ачылышы үчүн да эмгектенип мээнет кылышыбыз керек экен.Ал эми ата-энебизге же балдарыбызга гүл сыяктуу ачылышы үчүн эмне кылышыбыз керек?

Жооп:Суу баланын туура тамактануусу. Энергия-ата-эненин өзүндөрүнүн тарбиясы,ден-соолугу,сулуулугу,мээрими.ж.б.у.с

Практикалык иш:Атайынт даярдалган гүлдөрдү  суугарып байкоо жүргүзүү.

«Биздин балдар –бул биздин карылыгыбыз.Туура тарбиялоо-бул биздин бактылуу карылыгыбыз,жаман тарбиялоо –бул биздин келечектеги кайгыбыз,көз жашыбыз ,башка адамдар алдындагы бүт өлкө алдындагы күнөөбүз» МАКАРЕНКО АНТОН СЕМЁНОВИЧ

Биздин ата-энелерибиз-бул биздин күзгүбүз,эртеңибиз.Туура мамиле кылып айткандарын угуп, аткарып,жүзүн жер каратпасак ,биз да балдарыбыздан сый көрөбүз.Ал эми ата-энелерибиздин айтканын кылбай ,каяша сүйлөп ,өз билемдик кылып жүзүн жер каратсак-бул биздин балдарыбыздан өзүбүзгө кайтат.(А.Б,Т)

Жаңы темага киришүү: Эне гана чындап ыйлайт, калгандар ыйламыш гана болот.(Мудугар эл макалы)

Убакыт деген эмне?

Бакыт деген эмне?

Эне деген ким?

Бала деген ким?(суроолорго ,окуучулар жана мугалимдер жооп бепишет)

Байыркы гректер айткан экен: Бүт заттардын өлчөмү – Адам. Адамдын өнүгүү деңгээлине, билим сапатына, адамдык касиеттерине, дүйнөгө болгон көз караштарына, руханий бийиктигине, тазалыгына жараша биз коом жөнүндө айтабыз. Адам болсо тигил же бул улутка, элге таандык болот. Демек, тигил же бул адам  —  улуттун, элдин күзгүсү, Адам – мамлекетте жашайт. Демек, адам – ошол мамлекеттин көрсөткүчү.  Адам – үй-бүлөдө төрөлөт, үй-бүлөдөн алгачкы билимин, сезимдерин, түшүнүктөрүн, айлана-чөйрөгө болгон көз караштарын калыптайт. Адам жашоого болгон демди үй-бүлөдөн алат – ишенимди, күчтү, үмүттү. Үй-бүлөнүн сапатына жараша мамлекеттин сапаты келип чыгат. Байкасак, дүйнөлүк картада үй-бүлөлөрдүн туруктуулугуна, бекемдигине жараша күчтүү мамлекеттер өкүм сүрөт. Үй-бүлөлүк туруктуулук, бекемдик деп эмнени айтабыз?  Үй-бүлөнүн чордонун түзгөн жубайлардын бири бирине жасаган таза мамилесин, балдар үчүн булар ата-эне болгон адамдардын аларга жасаган камкор, башкаларга жоопкерчиликтүү жана ишенимдүү мамилелеринин негизинде гана үй бүлөнүн касиети түзүлөт.

Текст менен иштөө.

«Бир саатта канча акча табасыз ,ата?»

«Жаңырык»

(Менин Дөңгөлөгүм)

               wordwall.net/ru/resource/70540152  (макалды ула)

        wordwall.net/ru/resource/68908045 (сабакка ким жооп берет7)