"Бамб цецгин частр". /Гимн тюльпану/

Хар Һазра района

Манҗин Нимгрин нертә

Артезиана негдгч тойгта школ

Бамб цецгин частр

Артезиан селән, 2015 җил.

Бамб цецгин частр.
Дѳңцлмүд: күүкд цаасар кесн бамбцецгүд белднә. «Бамб цецг теегт» - гид гик плакатмуд зурата,сурһульчнрин зурсн зургуд.

Сурһмҗлач: Тег, мини теегм,

Теңкән уга эңкр

Асрад ѳсксн чамаһан

Альд би мартхв.

Хама холд йовв чигн

Хавртнь теегән саннав - иигҗ Калян Санҗ, мана Цаһан Нуурт тѳрсн бичәч бичҗ. Хаврин сәәхн теегән магтад, бууляд бичҗ.хальмг тег седкл байрлулна,энд ноһан кѳкрнә, сәәхн цецгүд урһна.

Күүндвр: Теегт ямаран цецгүд урһна?

(хоңх цецгүд, бамб цецгүд, камб цецгүд.)

Цецгүд ямаран ѳңгтә?

(шар, улан, оошк, цаһан)

Эн цецгүдиг яһҗ хармнх кергтә? (таслхмн биш)

Кезәнә хальмг теегт хаврин зклцәр бамб цецгүд дала болдмн,эн йовдл седкл байрлулдг билә.Ода болхла, эдн цѳѳкн. Цуг әмтн энүг икәр таслад авад бәәҗ, теднә ормд кесгтән цецгүд һархш. Бамб цецг хавртнь шинәс эклҗ урһна, цецгәлүлхин тѳлә 5-8 җил кергтә.Тегәд эн цецгүд «Улан дегтрт» бичәтә. Мана ѳргн теегт бәәдг оон бас эн дегтрт орҗ, тегәд эднә тонь баһрҗана.Эн аңгиг бас хармнх кергтә.

Сурһмҗлач: Ода Санчра Юлиана шүлг маднд келҗ ѳгх.

Юлиана: Бамб цецг теегтм урһна,

Бичкн оон тегт ѳснә.

Би цугтаднь теднд дуртав.

Менд йовхлань байрта бәәнәв.

Сарул теегм, сәәхн үүрмүд.

ϴлсл уга ѳстн, җирһтн!

Сурһмҗлач: Мана һазрт бамб цецгүдин тонь баһ, гиҗ келҗ болхмн.Чолун хаалһар Улан Хол гидг селән тал йовхларн, тадн үзсн болхит. Цецгүд хаврин салькнд биилсн болҗ медгднә.Мана күүкд би белдҗ.

Күүкдин би - « Бамб цецг».

Сурһмҗлач: Теегт олн зүсн ѳңгтә бамб цецгүд урһна.

ϴлзәтә: Хаврин түрүн сарднь

Хаһлад, һазрас һарна.

Нар тосч делнә.

Бамб цецгәм – шар дам,

Бамб цецгәм – торһн хар,

Бамб цецг – күрң, улан,

« Бамб цецг – теегин ке,теңгрин зе»- гиҗ кѳгҗмч Санҗин Тамара дуундан бичҗ.

Сурһмҗлач: Ода сурһульчнр «Хоңх цецг» гидг ду дуулх.

«Хоңх цецг».

ϴрүһәр теегт одд бууна.

Бамб цецг бийән хүврәнә.

Давтлһн: а – а – а.

Бамб цецг байсад урһна.

Салькга дуунд саатулгдад унтна.

Давтлһн: а – а – а.

Теегин ке, теңгрин зе

Бамб цецг – байрин темдг.

Давтлһн: а – а – а.

Зурһан: Хавр ирх болһнд

Харадан җивр дахҗ,

Бүләкн салькн ирх,

Бамб цецгүдлә альвлх.

Элвг: Теегин серлт магтҗ,

Тедн наадан эклх,

Эргмдән цуг дүрклҗ,

Эңкр теегм нәәрлх.

Сурһмҗлач: Дун «Харада»,үгнь: Эрнҗәнә К, айснь: Манҗин Б.

Харада шовун, харада

Хаврин зәңг зѳѳнә.

Хавляд,җиргәд ниснә,

Хаврин айсар биилнә.

Нарн һазр ээнә.

Ноһан нигтәр урһна.

Ноһана бетк болһнд,

Намчта цецгүд шавшна.

Хавр сәәхн, хавр

Халун нарта хавр

Хавр шуугата хавр,

Харада авч ирнә.

Нүүрләч: Эрәтә цегдгтә эрвәкә, эрвәкә

Эрвлзәд намаг дуудна.

Цецгүд заагт бултна,бултна

Цервәд деер ниснә.

Күүкд эрвәкән хувц ѳмсәд биилцхәнә.

Дун.

Җиврән нарн эрәтә

Җивлсн шар эрвәкә.

Намч җиврән делнә.

Нарнла эн наадна.

Сәәхн эрвәкә

Сәәхнәр бара татна.

Цецгүд иньгән таньна.

Цуһар мендләд гекнә.

Эрвлзәд нисдг эрвәкә

Чамур ѳѳрдҗ йовна.

Ээм деер сууна

Чамар бара тачана.

Ангелина: Мѳрн сар каңкнҗ

Аһар җирһләр дүүрв.

Шовуд теңгрт җирһҗ

Шуугад багарн нисв.

Сардана: Нарн, нарн, нарн!

Намаг сәәнәр халул.

Бамб цецг урһ!

Намчрулад теегим кеерүл!

Кѳк теңгрин тасрха.

Шаазһа: Кѳк теңгрин тасрха

Шилтә терзәр үзв.

ϴндр модн хамтхасан

Салькнд хайв.

Шаазһа шовун шоваһад,

Модн деер суув.

Шин зәңг хәәкрәд,

Намаг дуудв.

Бадм цецг: Альдас чи ирвч?

Шаазһа шовун,

Ямаран зәңг авч ирвч?

Шаазһа шовун

Шаазһа: Дѳрвлҗн чолун герт,

Чееҗм бүтәд бәәхлә,

Сән зәңг соңсхла,

Әвр байрлнав.

Хавр ирв, хаврт байрлнав!

Бадм цецг: Хаврин цаһан үүлн

ϴѳмәд аашна.

Цаһан шовун әдл

Нисхәр бәәнә.

Нүүрләч: Генткн үүл хәләһәд,

Теңгртә ниилдвә.

Дәкәд үүлин захас

Нарн һарв.

Бадм цецг: Альдас чи ирвч?

Нарн, нарн

Маднд герлән ѳгич

Нарн, нарн

Чееҗм бүтәд бәәнә

Нарна герл үзхлә,

Әвр байрлнав!

Нарн: Эңкр мини иньгүд!

Тадниг шарлад, улаһад, цецгәртхә гиһәд,

Дулан шар толян, таднд мѳңкинд белглнәв.

«Цаһан вальс» гидг дууна айст сурһульчнр вальс биилнә.

Хальмг теегм.

Саглр: ϴргәд нисхд - җивртә,

Дѳрәд шунхд - әвртә,

Сергәд дуулхд - айста,

Эргәд биилхд - тааста.

Дамир: ϴргн, утдан суңһсн

ϴнри хальмг теегм,

Эврә үрдүдән ѳсксн

Эңкр хальмг теегм!

Тасрсн цецгә.

Люба: Тасрсн цецгә чамд келшго

Әмд бәәхәр һазрт һарлав.

Тасрсн цецгә чамд уульшго

Бичә, бичә намаг кѳндә!

Эңкр: Тасрсн цецгә дәкҗ келшго

Һол әңг тал чамас нисшго.

Тасрсн цецгә дәкҗ ѳсшго

Цевр аһарин ки авшго.

ϴлзәтә: Тасрсн цецгә дәкҗ цецгәлшго,

Хаврин хурин ус уушго

Тасрсн цецгә дәкҗ кѳндршго

Шар нарна герл үзшго.

Сурһмҗлач: Хаврт байрлад сурһульчнр «Чичрдг» биилцхәнә. Нәр-нааднд ирсн кѳгшдүд йѳрәл тәвцхәнә.

Йѳрәл.

Юлиана: Бамб цецг тег бүркәд,

Әмтнә нүд байрлулҗ йовтха!

Тәрә-темсн шавшад урһҗ,

У, ѳргн тег дүрклҗ,

Эрүл- менд, гем-зовлң уга,

Олн әмтн ѳсч, ѳргҗ,

Дүүгҗ-дүрклҗ йовтха!

Сурһмҗлачин үг : Җил болһн цецгүдин тонь баһрад йовна, тер тѳләд тадн тодлсн болхт, яһад бамб цецгүдиг, мана хальмг теегин кеермҗиг таслго, хармнх кергтә.

«Бамб цецгин частр» гидг нерәдлһтә нәр- наадн күцгдв. Менд байрта харһҗай!