Башлангъыч сыныфлар ичюн Баарь байрамы

МУМ «Майское къырымтатар тилинде окъутылгъан мектеби»

«Ана тилим - миллетимнинъ джаныдыр» ве «Бааарь-байрамы»на багъышлангъан тебирнинъ сценариясы.

Азырлады:

башлангъыч сыныф оджасы

Сейтмустафаева Х.Ш.

Алып барыджы: Мераба, мухтерем оджалар, сайгъылы талебелер. Бугунь биз афталыгъымызнынъ сонъки кунюни къайд этмеге топландыкъ. Бу байрамны эм «Ана тилим - миллетимнинъ джаныдыр» ве «Бааарь-байрамы» эки  мевзусына багъышлайджамыз. Байрамда шиирлер, йырларны, саналаштырманы динълейджексиз, йырлайджакъсыз, оюнларны корекджексинъиз, иштирак этеджексинъиз. Чюнки бугунь баарь, йыл мевсимининъ энъ биринджи кунюдир. Келинъиз, балалар, тедбиримизни меракълы ве шенъ кечирейик. Алгъышлар!!!!!

3-А сыныф иджрасында «Хош кельдинъиз, мусафирлер-йыры»

Алгъышлаймыз, сизлерге хош сефа айткъан 3-нджи-А сыныф талебелери эдилер.

Эр бир халкънынъ озь тили бар,

Яресинен сырдашкъан.

Балдан татлы о тиль онъа

Тамырлардан багълангъан.

 Меним тувгъан халкъымнынъ да,

Озь тили бар йырлашкъан.

Балдан татлы тилимизде,

Деделеримиз айтышкъан.

Сайгъылы оджалар ве талебелер. Байрамымызны «Алуштадан» йырынен башламакъ истейим, Тантаналы санагъа бизим биринджи иштиракчилеримизни давет этем. Курталиева Хатидже ве Мамутов Сейран. Алгъышлаймыз!!!!!

2-А сыныф иджрасында «Алуштадан»

Сизлер бильгенъинъиз киби, 21 февраль куню- «Халкъара тили куню» деп сайыла. Ве бу куню чешит тюрлю тиллерде мектеплерде, Джумхуриетте конкурслар кечирильди. «Ифадели окъув номинацияда» эллиден зияде талебелер иштирак этти ве бизим 4 -нджи сыныф талебелери 3-нджи ерни къазандылар. Алгъышлаймыз. Бизим йылдызларымыз, Куртенизирова Эльмаз ве Мустафаева Эмине. Ремзи Бурнаш «Сакъавланма, эй кядяй».

Хайырлав сёзни айтмакъ ичюн, санагъа мудир муаввини Куртнезирова Ш.М. ве сыныф реберлерини Бейтуллаева Л.А. Давет этем. Буюрынъыз.

Вручение грамоты.

Баарь кельди, дуямыз,

Къокъусына тоямыз.

Аман олсун дюньямыз,

Яшасын Ватанымыз!

  Урьметли талебелер, энди конкурсымызгъа невбет кельди. Баарьге багъышлангъан конкурсны бизим энъ кичик талебелеримиз башлайджакъ. Эр бир сыныфтан бир къач талебе давет этиле. Оларнынъ вазифеси «Баарь» насыл олгъаныны косьтермек. Вазифе кунеш, отларнен, тереклерни япракъ ве гуллернен донатмакъ. Насыл бир команда тез битирсе, о команда енъе. Къаршылаймыз. (На ватмане нарисовано дерево доклеить солнце, травку, листочки и цветочки).

КОНКУРС 1-нджи сыныфлар

Невбеттеки конкурсымызны 2-нджи сыныфлар арасында кечирмеге истейим. Конкурснынъ вазифеси, къызлар явлукънен ойнайлар, огъланлар исе явлукъларыны котерелер.

КОНКУРС 2-нджи сыныфлар «Явлукъ оюны»

Аслым да бизим миллий оюнларымыз пек дюльбер ве «Хайтарма» оюнны ойнамагъа, озю азырлагъан иштиракчимиз Муртазаева Алимени давет этемиз. Алгъышлаймыз.

Азиз, балалар. Чаршенбе куню мектебимизде «Темиз язув» номинациясында конкурс кечирильди. Эр бир сыныфкъа «Бильги къыраличеси» келип, вазифелер берди. Ве энъ дюльбер, ве темиз язгъан талебелернинъ вазифелерни ве дефтерлерни тешкерип, гъалиплерни чыкъардылар. Ярлыкъларнен такъдирлемек ичюн, санагъа «Бильги къыраличени» давет этемиз. Буюрынъыз.

Вручение грамоты.

Невбет кельди 1-нджи А сыныфларгъа. Олар да бош кельмедилер. Келинъиз оларны да алгъышлаймыз!!!!!!!!

1-нджи А сыныф

Урьметли талебелер, энди невбеттеки конкурсымызгъа кечемиз. Мен сизлерге йырны динълемеге къояджам, сизлер исе шу йырнынъ адыны тапасынъыз ве къолларынъызны котерип айтасыз. Бир эки, учь башлаймыз.

Конкурс КАРАОКЕ

Йыр «Ана тилинъни бильсенъ»

Сайгъылы талебелер, келеджек афта насыл байрам якъынлаша? Ве бу байрам кимге багъышлана? Догъру аналарымызгъа. «Севгили, анам» деген йырнен санагъа 2-Б сыныф талебелеримизни давет этем Буюрынъыз.

2-Б сыныф Йыр «Севгили, анам»

Къадын-къызлар байрамы якъынлаша ве бу байрамгъа чокъусы огълан ве эркеклер азырлана. Невбеттеки конкурсымыз «Аналарнынъ ярдымджылары». Вазифени динъленъиз.

        Две   команды   мальчиков   по   сигналу начинают  надевать   косынку и фартук. Причём,  первый  участник  поворачивается  ко  второму   и  завязывает ему косынку. Второй развязывает её и поворачивается к третьему и т.д. В чьей команде   последний    игрок   скорее   окажется в косынке и в фартуке, та и побеждает.

КОНКУРС

Сайгъылы, балалар. Ана-бабаларымызгъа насыл ярдым эткенлерини 3-Б сыныф талебелери йырлап косьтереджеклер. «Анама ярдым этем» деген йырнен талебелеримизни давет этем. Алгъышлар.

Невбеттеки кене де шу мевзугъа багъышлангъан конкурсны девам этмеге истейим. Балалар, сизинъ экинджи аналарынъыз ким? Догъру бу азиз оджаларымыз. Биринджи оджаларынъызны бир вакъыт унутманъыз, олар джан юректен чалышып, сизлерни язмагъа, окъумагъа, саймагъа огретелер. Оларны эр даим урьмет этинъиз. Вазифени динълейик. Эр бир сыныфтан бир талебе чыкъып озь оджасыны эллеринден тапмакъ керек. Буюрынъыз.

Оджаларнен конкурс

Байрамымызнынъ энъ сонъки конкурсымызгъа вакъыт кельди. Санагъа 4-нджи сыныфлардан энъ яхшы ойнагъан талебелерни давет этемиз. Сизинъ вазифенъиз: чешит халкълардан алынгъан музыкагъа, тек бизим миллий оюнлар ойналсынъ. Азырсынъыз башлаймыз.

Оюнлар конкурсы

Мына бойле нокътада, афталыгъымызнынъ «Ана тилим- миллетимнинъ джаныдыр ве Баарь-байрамы» мевзуларына багъышлангъан тедбиримиз сонъуна етти. Бутюн иштиракчилеримизге, оджаларымызгъа чокъ тешеккюр бильдирмеге истейим. Эр кес сагъ олсун, бар олсун. Сагълыкънен барынъыз.