Բայ: Բայի կազմությունը

                                Բայ,կազմությունը՝  պարզ և ածանցավոր

Առարկայի գործողություն և եղելություն ցույց տվող բառերը կոչվում են բայ:

Բայերը պատասխանում են ի՞նչ անել, ի՞նչ լինել հարցերին:

Բայերը լինում են դիմավոր և անդեմ:

Դիմավոր բայերը նախադասության մեջ դառնում են ստորոգյալ,անդեմ բայերը կարող են կատարել տարբեր պաշտոններ:

                 Բայի կազմությունը

Բայերը կազմությամբ լինում են պարզ և ածանցավոր:

Բայն ունի ել կամ ալ վերջավորություն՝ երգել,խաղալ:

Սա կոչվում է անորոշ դերբայ:

Բայի պարզ կամ ածանցավոր լինելը որոշվում է անորոշ դերբայի հիմքով:

Բայի հիմքը պարզ է, եթե վերջավորությունից առաջ բայածանց չկա՝ երգել, նկարել, արտագրել, գունաթափել:

Բայի հիմքը ածանցավոր է, եթե վերջավորությունից առաջ կա որևէ բայածանց՝ 

փախչել, հեռանալ, վազեցնել, կոտրատել, կառուցվել: Այս բայերի փախչ -, հեռան -, կոտրատ-, կառուցվ-  հիմքերը ածանցավոր են:

Անորոշ դերբայի պարզ հիմք ունեցող բայերը կոչվում են պարզ բայեր:

Ածանցավոր հիմք ունեցող բայերը կոչվում են ածանցավոր բայեր: