Белем бәйрәме белән сезне, дуслар!

Белем бәйрәме – 2018

А.Б. Исәнмесез, хөрмәтле укытучылар, кадерле укучылар, әти-әниләр, килгән кунаклар!

А.Б. Хәерле бәйрәм иртәләре белән сезне!

Җыр я бию

А.Б. Кеше тормышында иң матур хатирәләр калдырган чак, кайгы-борчуларсыз балачактыр.

А.Б. Ә менә балачакның иң бәхетле, онытылмаслык мизгелләре, нәкъ менә гүзәл туган ягыбызда, мәктәп елларында үтә.

А.Б. Бүген, сентябрьнең кояшлы иртәсендә, мәктәп безне тагын үз кочагына җыйды. Аның бусагасын 1 нче сыйныфка килүче балалар тәүге тапкыр атлап керә, малай һәм кыз укучылар сафын тулыландыра.

А.Б. Ә хәзер бәйрәмебезнең иң нәниләрен, иң кадерлеләрен сәхнәгә чакырабыз! Рәхим итегез, нәни дусларыбыз!

1 нче сыйныфлар сәхнәгә чыкканда Музыка куела.

Аларны 9 нчы сыйныфлар җитәкләп чыга. 1 нче сыйныфлар чыгыш ясый. (шигырь, җыр)

А.Б. Бәйрәм белән котлау өчен сүз Ләйсән Ильдусовнага бирелә. (Ул килгән кунакларга да сүз бирә)

1 укучы: Нәни дусларыбыз!

Гел елмаер сезгә кояш,

Баш тыгып тәрәзәдән.

Китәрсез белем иленә

Таныш түгел эзләрдән.

2 укучы: Сезгә әле күп нәрсәләр таныш түгел. Бүген без сезгә “Белем иле”нә керү өчен серле ачкыч тапшырабыз. Кулыгыздан ычкындырмагыз, саклагыз аны. (1 нче сыйныфларга шарга тагылган ачкычлар бүләк итәләр)

3 нче укучы:

Хәерле сәгатьтә нәни дусларыбыз!

Сабыйларның тәүге адымнары

Зур тормышка тәүге юл башы.

Котлы булсын тәүге адымың сабый

Зур бәхетләр булсын юлдашың.

Җыр: Беренче сентябрь

4 нче укучы: Алда- биек үрләр. Шул үрләрне яулау өчен белем кирәк, ышанычлы терәк, таяныч кирәк. Яхшылыкларны күңелебезгә сеңдерүче, җирне, тормышны аңларга, яратырга өйрәтүче УКЫТУЧЫЛАР кирәк.

5 нче укучы:

Чәчәкләрдән җем-җем итеп,

Якты нурлар бөркелә.

Бүген һәрбер укытучыга

Рәхмәт әйтәсе килә:

6 нчы укучы:

Безгә белем биргән өчен,

Кадерләп үстергән өчен,

7 нче укучы:

Назлы карашыгыз өчен,

Дөрес тәрбиягез өчен,

8 нче укучы:

Барысы, барысы, барысы өчен

Рәхмәт Сезгә, укытучым!

(Укытучыларга чәчәкләр бүләк итәләр)

9 нчы укучы:

Җылы караш, назлы сүзләреңнән

Тойдым синең йөрәк җылыңны.

Укытучым, иң кадерле кешем,

Бүләк итеп ал син җырымны.

Җыр “Укытучым”

10 нчы укучы:

Барчабызны тәбрик итеп бүген

Мәктәпләрдә чыңлый кыңгырау

Туган илнең зәнгәр күген иңли

Алтын көздәй көмеш кыңгырау

11 нче укучы:

Беренче кыңгырау яңгырый бүген

Яңа юл яра гомер агышы

Беренче кыңгырау – әнкәй догасы

Изге юл тели аның агышы.

Музыка “На урок”. Кыңгырау шалтырата 1 сыйныф укучысы