Белгилүү сүрөтчүлөр

Белгилүү сүрөтчүлөр дүйнөсү

Сүрөтчү деген ким?

Сүрөтчү — бул курчап турган дүйнөнү, сезимдерди жана ойлорду кагаз бетине түстөр аркылуу түшүргөн сыйкырчы.

Сүрөтчүнүн негизги куралдары :

Кыл калем (кисточка),

мольберт, боёктор (акварель, гуашь) палитра .

Кыргызстандын белгилүү сүрөтчүлөрү

Гапар Айтиев (1912–1984)

Кыргыздын эң биринчи профессионал сүрөтчүсү. Анын ысымы Бишкектеги эң чоң Улуттук көркөм өнөр музейине берилген.

Эмнени тарткан:Ал кыргыз жеринин кооздугун, тоолорун жана эмгекчил адамдарын тартканды жакшы көрчү.

Белгилүү чыгармасы: "Ысык-Көлдөгү кеч". Бул сүрөттө көлдүн тынчтыгы жана кооз түстөрү берилген .

Семён Чуйков (1902–1980)

Ал Кыргызстанда төрөлүп, кыргыз маданиятын дүйнөгө тааныткан улуу сүрөтчү.

Эмнени тарткан: Карапайым элдин жашоосун,

кыргыз балдарын жана жаратылышты тарткан.

Белгилүү чыгармасы: "Советтик Киргизиянын кызы". Сүрөттө колуна китеп кармап, мектепке бара жаткан тоолук кыз тартылган. Бул сүрөт бүткүл дүйнөгө белгилүү.

Сүймөнкул Чокморов (1939–1992)

Ал бир эле учурда заңгыраган таланттуу актер жана мыкты сүрөтчү болгон. (Бул балдар үчүн абдан кызыктуу факт).

• Эмнени тарткан: Ал адамдардын жүзүн (портреттерди) абдан чеберчилик менен тарткан.
• Белгилүү чыгармасы: "Саякбай Каралаевдин портрети" . Улуу манасчынын образын абдан таасирдүү чагылдырган.

Теодор Герцен (1935–2003)

Бул сүрөтчү биздин эң чоң мурасыбыз болгон "Манас" эпосун сүрөттөр менен кооздогон.

• Эмнени тарткан: Графика (ак-кара түстөгү сызыктар) стилинде иштеген.
• Белгилүү чыгармасы: "Манас" эпосуна иллюстрациялар. Биз китептерден көргөн Манас баатырдын, Алмамбеттин образдарын дал ушул киши сызган.

5. Сабырбек Акылбеков (1914–1988)

Аны "пейзаждын поэти" деп аташат.

• Эмнени тарткан: Кыргызстандын табиятын ушунчалык жумшак жана назик түстөр менен тарткандыктан, анын сүрөттөрү ыр сыяктуу сезилет.
• Белгилүү чыгармасы: "Чүй өрөөнү" .

Дүйнөлүк белгилүү сүрөтчүлөр

Леонардо да Винчи (Италия)

Ал жөн гана сүрөтчү эмес, ойлоп табуучу жана илимпоз да болгон.

• Эң белгилүү чыгармасы: «Мона Лиза»

• Эмнеси менен кызык: Бул сүрөттөгү айымдын жылмаюусу абдан табышмактуу. Кайсы тараптан карабаңыз, ал сизди карап тургандай сезилет.

Винсент ван Гог (Нидерланды)

Ал түстөрдү абдан калың жана ачык колдонгон. Анын сүрөттөрү кыймылдап жаткандай сезилет.

• Эң белгилүү чыгармасы: «Жылдыздуу түн»

• Эмнеси менен кызык: Ван Гог асманды, жылдыздарды жөн эле чекит кылбай, ирим (спираль) сыяктуу тарткан. Анын сүрөттөрүн караганда адамдын маанайы көтөрүлөт.

Пабло Пикассо (Испания)

Ал сүрөт тартуунун жаңы жолун — "Кубизмди" ойлоп тапкан.

• Эң белгилүү чыгармасы: "Кыз жана топ" же анын автопортреттери.

• Эмнеси менен кызык: Пикассо: "Мен кичинемде Рафаэлдей тартчумун, бирок балача тартууну үйрөнүү үчүн мага бүтүндөй өмүр керек болду" деп айткан. Ал адамдарды геометриялык фигуралар (квадрат, үч бурчтук) аркылуу тарткан.

Көңүл

бурганыңыздар

үчүн рахмат!