"Белгисиз орунчалар" (Неопределённые местоимения)

Дарсны темасы: Белгисиз орунчалар. (6 клас).

Дарсны мурады:

1 Орунчаланы гьакъындагъы билимлерин аян этив.

2 Оьзбашына билим алыв, пайдалы маълумат топлав бажарывлукъларын оьсдюрюв.

3 Ана тилге багъышлангъан сюювюн оьсдюрюв. Чебер сезивню тарбиялав.

Дарсны барышы:

Дарсгъа гиришив.

Такрарлав.

Етишген гьасиретлерин анализ этив. Уьйге берилген тапшурув тергеле.

Эки охувчу доскагъа чыгъып оьзю ва гьариси деген орунчаланы гелишлеге гере тюрлендире. Башгъа охувчулар буса, гечилген материалгъа гере соравлагъа жаваплар бере.

Рефлексия оьгериле.

Янгы темагъа тюшюндюрюв.

Гьар яшгъа шиъру бериле.

Юсуп яшгъа яш бола,

Уллугъа уллу бола.

Огъар арив сейлесенг,

Къуйрукъ янын хашыгъан

Гамишдей къанып къала.

Биревню еми екъ деп,

Биревлени кемюрю,

Даим халкъны гьайында

Гетип бара оьмюрю.

Шиъру чебер охула. Текстдеги орунчалар герсетиле.

Биревню, биревлени деген орунчаланы маънасын нечик англайсыз? Шо орунчалар не маъна бере?

Шу орунчалагъа нечик ат такъма ярай?

Соравлагъа жаваплар берилген сонг, тептерлеге дарсны темасы языла.

Янгы теманы уьйренив.

Берилген сезлер нени англата?

Бир, бирев, бир нече, пеленче, тюгенче, кимесе, бир зат, бир-биревлер,къайсы-бири, неме.

Бу орунчалар булан жумлалар тизиле. ( тептерлеге языла)

Муаллим берген материалланы къоллап темагъа гере билимлени мюлк эте.

- Кюрчю материал булан ишлев.

Параграф охула. 253 тапшурув этиле. Точкаланы орнуна маънасы къыйышагъан белгисиз орунчалар салына туруп языла. Айрылгъан сез тизимине гере чечиле.

( Охувчулар жут болуп иш юрюте)

Лакъыр юрюле.

- Этген ишни натижасы чыгъарыла.

- Белгисиз орунчаланы гьакъында не айтып боласыз?

Бир деген сез булан сез тагъымлар къурула.

Бир китар, бир нече охувчу, бир яхшы улан…

Беклешдирив.

Суратгъа гере гиччирек сочинение языла. Сочинениеде орунчалар да къолланма герек.

Сочинениелер тергеле. Охувчулар бир-бирин къыйматлай.

Уьйге иш.

- Белгисиз орунчаланы гьакъында хабарлап бажармакъ.

- Тапшурув 251, 252. Охувчулар сайлап бирин кюте.