Бишкек шаары ( география )

        Бишкек- Кыргыз Республикасынын саясий, экономикалык, илимий жана маданий борбору; транспорттук башкы түйүн. Аянты 16,0 миң га. Калкы   1 055,800 миң (2020). Бишкек шаарында 4 администрациалык - аймактык- бирдик - Биринчи Май, Ленин, Октябрь, Свердлов. 

        Шаар Кыргыз Ала-Тоосунун этегинде, Чүй өрөөнүн борбордук бөлүгүндө Аламүдүн жана Ала-Арча сууларынын шилендиси пайда кылган жантайыңкы түздүктөн орун алган.Деңиз деңгээлинен 750-900 м бийиктикте жайгашкан.

        Азыркы шаардын аймагын адамдар эң байыркы заманда эле отурукташкан. Аламүдун ГЭСтеринин жанына табылган таш эмгек куралдары  Бишкектин айланасындагы алгачкы адамдар б.з.ч. 5-4 миң жылдыктарда жашагандыгын далилдейт. 

        Бишкек шаарынын экономикалык жактан башка дубандарга салыштырмалуу жогорку деңгээлде өнүккөн, саясий жактан Кыргыз Республикасынын борбору катары өзгөчөлөнгөн аймак. Шаарда өнор жай, транспорт, байланыш, курулуш жана элди социалдык жактан тейлеген соода, илим, билим берүү, саламаттыкты сактоо ж.б тармактар өнүккөн. 

        Бишкек шаарынын административдик аймагында жайгашкан эл аралык "Манас" аэропорту шаардан 23 км алыстыкта жайгашкан. Аэропортту кырыгз элинин улуу эпосунун башкы каарманы- Айкөл Манастын атынан коюлган. Бул аэропорт шаарды ошондой эле Чүй дубанынчет өлкөлөр жана Республиканын дээрлик бардык региондору менен аба долдору аркылуу байланыштырат.